កម្មវិធី​ភ្ជាប់​ Wifi Free នៅ​ប្រទេសជប៉ុន

Wifi គឺជាតម្រូវការចាំ​បាច់​សម្រាប់​ភ្ញៀវទេសចរណ៍​បរទេស​ដែល​មក​កំ​សាន្ត។ អ្នក​ខ្លះ​មាន​តម្រូវ​ការភ្ជាប់ Wifi ដើម្បី​ទំនាក់​ទំនង​ជាមួយ​គ្រួ​សារ មិត្ត​ភក្តិ ឬរក​កន្លែង​ដូចជា មន្ទីរ​ពេទ្យ ស្ថានីយ៍​រថ​ភ្លើង​ ផ្សារទំនើប ឧទ្យា​ន​ ភោជនីយដ្ឋាន និង​កន្លែង​ផ្សេងទៀត។

នៅ​ប្រទេសជប៉ុន Wifi មិន​ពិបា​ក​រក​ទេដោយសារតែចំនួនប្រតិបត្តិការបណ្តាញមានកន្លែង​តភ្ជាប់រាប់រយនៅទូទាំងប្រទេស ស្ទើរតែគ្រប់ទីកន្លែងសុទ្ធតែមាន Wifi មាន​កន្លែង​ខ្លះ​អនុញ្ញាតអោ​យ​អ្នក​ភ្ជាប់​ Wifi Free ទៀត​ផង។ ខាង​ក្រោម​នេះ​ជា​កម្មវិធី​សម្រាប់​ទូរស័ព្ទ និង website ជួយ​អោយ​អ្នក​អាចភ្ជាប់ Wifi free ពេល​ដែល​ទៅ​កំ​សាន្ត​នៅ​ប្រទេសជប៉ុន។

Japan.Free Wi-Fi

រូបភាព akihabaranews.com

Japan.Free Wi-Fi គឺជាគម្រោងរបស់ការិយាល័យទេសចរណ៍ជប៉ុន (Japan Tourism Agency)។ សហការ​ជាមួយ​សមាជិក​ដទៃទៀត ការិយាល័យទេសចរណ៍ជប៉ុនផ្តល់ Wifi free ក្នុង​​គោល​បំណង​ជួយ​ភ្ញៀវទេសចរណ៍ស្វែង​រក​កន្លែង​​តាម​បណ្តាញ Internet នៅទូ​ទាំង​ប្រទេសជប៉ុន។

មើលព័ត៌មានបន្ថែមអំពីកម្មវិធីក៏ដូចជាស្វែងរកកន្លែងនៅជុំវិញអ្នកដែលអនុញ្ញាតអោយប្រើ Wifi free។

Japan Connected Free Wi-fi

រូបភាព akiraceo.com

ប្រហែលមាន ១៣០,០០០ កន្លែងភ្ជាប់ Japan Connected Free Wi-fi ជា​កម្មវិធី​ដែល​មិន​គិត​ថ្លៃត្រូវ​បាន​ប្រើ​ដើម្បី​តភ្ជាប់​ Wifi។ តាម​រយៈកម្មវិធី​នេះអ្នក​អាច​ភ្ជាប់​ Wifi free នៅស្ថានីយ៍រថភ្លើងល្បឿនលឿន ស្ថានីយ៍រថភ្លើងភាគខាងកើតរួម​ទាំង​ស្ថានីយ៍ Tokyo, Tokyo Metro និង Toei Subways  ជា​កន្លែង​ទេសចរណ៍​ដែល​ល្បីជាមួយ​នឹង​ហាង​លក់ទំនិញជាច្រើន។

រូបភាព thebridge.jp

ចុចទីនេះដើម្បីមើលព័ត៌មានបន្ថែម និងទាញយកកម្មវិធី។

Tabimori

រូបភាព haijapan.com

Tabimori ជាកម្មវិធី​ឥត​គិត​ថ្លៃត្រូវ​បាន​ផ្តល់​ជូន​ដោយ​ព្រលាន​យន្ត​ហោះ​អន្តរជាតិ Narita។ កម្មវិធីនេះផ្តោតសំខាន់លើការផ្តល់ព័ត៌មានអំពី​ការ​ធ្វើ​ដំណើរ ថ្លៃ​ចំណាយ ម្ហូប​អាហារ និង​ទិញ​ទំនិញ​។

កាន់​តែ​ពិសេសកម្មវិធី Tabimori គឺចំពោះទិន្នន័យដែលអ្នកបានរកឃើញត្រូវបានរក្សាទុកក្នុង Memory បណ្តោះអាសន្នទោះបី​ពេលមិន​ភ្ជាប់បណ្តាញអ្នក​នៅតែ​អាច​មើល​បាន។​

ចុចទីនេះដើម្បីមើលព័ត៌មានបន្ថែម និងទាញយកកម្មវិធី។

Travel Japan Wi-fi

រូបភាព play.google.com

នេះជាកម្មវិធីស្មាតហ្វូនផ្តល់ LAN ឬ WLAN ឥតគិត​ថ្លៃសម្រាប់​ភ្ញៀវទេសចរណ៍​ និង​អ្នក​រស់នៅ​ក្នុង​តំបន់​នោះ។ អ្នក​ប្រើ​អាច​ចូល Internet នៅ ៦០,០០០ កន្លែង​ទូ​ទាំង​ប្រទេស។ ក្រៅពី​កន្លែង​ភ្ជាប់​ Wifi free អ្នក​នឹង​ត្រូវ​ការ Premium Code ដើម្បីប្រើ Wifi នៅ​កន្លែង​មួ​យ​ចំនួន​ដូចជា McDonald។

ចុចទីនេះដើម្បីមើលព័ត៌មានបន្ថែម និងទាញយកកម្មវិធី។

Wi2 300

រូបភាព hmfm.blog84fc2.com

អ្ន​ក​អាច​ចូល​កម្មវិធី Travel Japan Wi-Fi ឬកម្មវិធី​ផ្សេង​ដូចជា Wi2 300។ Wi2 300 ជា​អ្នក​ផ្គត់​ផ្គង់​ Wifi ប្រហែល ២០០,០០០ កន្លែងនៅ​ទូ​ទាំង​ប្រទេស។ Wi2 300 បម្រើ​សេវាកម្ម Internet នៅ​ព្រលានយន្ត​ហោះ ចំណត​ឡាន​ក្រុង ស្ថានីយ៍​រថភ្លើង សេវាកម្មឡាន​ក្រុង limousine ភោជនីយដ្ឋាន និង​នៅ​លើកំ​ពូល​ភ្នំ Fuji។

តម្លៃសេវាកម្មមានចាប់ពី ៣៥០ យ៉េនសម្រាប​់រយៈពេលប្រើ ៦ ម៉ោងដល់ ២០០០ យ៉េនក្នុង​មួយ​សប្តាហ៍។ សម្រាប់​ភ្ញៀវទេសចរណ៍​ដែល​ទៅ​ទី​ក្រុង​ Kobe ពួកគេ​ត្រូវ​បាន​ផ្តល់​ជូនសេវាកម្មភ្ជាប់ Wifi មួយ​សប្តាហ៍ដោយ​ឥតគិត​ថ្លៃ។

Japan List

មើលបន្ថែម: