ស្អាតប្លែក! ស្រះទឹក​​ពណ៌​ខៀវ​ថ្លា​នៅប្រទេសជប៉ុន

Blue Pond នៃ​ទី​ក្រុង​ Biei ជាកន្លែង​ល្បី​ដែល​ Apple ជ្រើស​រើស​ធ្វើជារូប​ភាព​ទំព័រ​ដើម​សម្រាប់ប្រព័ន្ធប្រតិបត្តិការ OS X។

ប្រសិន​បើ​អ្នក​កំ​ពុង​ប្រើ​កុំ​ព្យូទ័រ​ Mac ដែល​ដំ​ណើរ​ការ​លើ​ប្រព័ន្ធប្រតិបត្តិការ OSX Moutain Lion បន្ទាប់ពីអេក្រង់ចាប់​ផ្តើម​ដំ​ណើរ​ការ​កុំ​ព្យូទ័រនឹង​បង្ហាញ​រូប​ភាព​ពណ៌​ខៀវនៃ​ស្រះ​ទឹក​ Blue Pond។

រូបភាព ស្រះ​ទឹក​មាន​ឈ្មោះ Blue Pond ដោយសារ​វា​មាន​ពណ៌​ខៀវស្រស់​ស្អាត

Blue Pond ស្ថិត​នៅ​ច្រាំង​ខាង​ឆ្វេង​ទន្លេ Biei-gawa ជិត​ទី​ក្រុង Biei លើកោះ Hokkaido នៃប្រទេសជប៉ុន។ ជាកន្លែង​ទេសចរណ៍​កំសាន្ត​ដែល​ល្បី​ឈ្មោះ Blue Pond កាន់តែ​ល្បី​​ដោយសារ​តែ​ Apple សម្រេចប្រើ​ Blue Pond ធ្វើជារូប​ភាពទំព័រ​ដើម​នៃប្រព័ន្ធប្រតិបត្តិការរបស់​ខ្លួន។

កាន់តែ​ពិសេស​ជាង​នេះ​​គឺ​ Blue Pond មិន​មែន​ជាស្រះ​ទឹក​ដែល​កើត​ឡើង​ដោយ​ធម្មជាតិ​ទេ។ នេះ​ជា​ស្រះ​ទឹក​ដែល​បង្កើត​ក្រោយ​ពេលគេ​ធ្វើ​ទំនប់សម្រាប់​ការ​ពារ​តំបន់។ កន្លែង​នេះទឹក​ជំនន់​ភក់​​​កើតឡើងគ្រប់​ពេលវេលា​ដោយ​សារ​វានៅ​ជិត​ភ្នំ​ភ្លើង​លើ​ភ្នំ Tokachi។

ចាប់​តាំង​ពី​ពេល​មាន​បន្ទុះ​ភ្នំ​ភ្លើង​កើត​ឡើង​ក្នុង​ធ្នូឆ្នាំ ១៩៨៨ មន្ត្រី​មូល​ដ្ឋាន​សម្រេច​ធ្វើ​ទំនប់នៅ​ប្រភព​​ទឹក​តាម​បណ្តោយ​ទន្លេ Bieigawa ដើម្បី​ការ​ពារ​ទឹក​ជំនន់​ភក់។

ទឹក​ទាំង​អស់​ត្រូវ​បានទប់​ដោយ​ទំនប់ ការ​ផ្លាស់​ប្តូរ​នៃ​លំ​ហូរ​ទឹក​ និង​ការ​បំផ្លាញ​ព្រៃ​ធ្វើ​អោយ​ស្រះ​ទឹក​នេះមាន​ពណ៌​ខៀវ។

ស្រះនេះ​ត្រូវបានរំលេចដោយដើមឈើជាច្រើនដែលដុះផុសចេញនៅលើផ្ទៃទឹករួមជាមួយនឹងខ្យល់អាកាសដ៏បរិសុទ្ធធ្វើអោយ​ទេសភាពនៅទីនោះមើលទៅកាន់តែអស្ចារ្យ។

ហើយ​ស្រះ​ទឹក​ហាក់​ដូចជា​មិន​មាន​ពណ៌​ខៀវ​បែប​នេះ​រហូត​ទេ។

ស្រះ​ទឹក​ផ្លាស់​ប្តូរ​ពណ៌​ទៅ​តាម​រដូវ​ និង​តាម​កន្លែងដែល​អ្នក​ទស្សនា​។

ទេស​ភាព​ស្រះ​ទឹក​ពិតជា​ស្អាត Blue Pond ​មាន​ពណ៌​ខៀវ​ភ្លឺ។

បាតុភូតចម្លែក​នេះ​មិន​ទាន់​​បកស្រាយ​តាម​វិទ្យា​សាស្ត្របាន​ទេ។ ការ​ពន្យល់​​មួយ​ចំ​នួន​បាន​និយាយ​ថា​ដោយ​សារ​តែកំហាប់​អាលុយមី​ញ៉ូម hydroxit នៅ​ក្នុង​ទឹក​ខ្ពស់។

ដោយ​សារ​ពន្លឺជះ​មក​លើ​ផ្ទៃ​ទឹក​ធ្វើ​អោយ​ស្រះ​មាន​ពណ៌​ខៀវព្រិច​ៗ។

រូបភាព​ស្រះ​ទឹក​ Blue Pond ត្រូវ​បាន​ថត​ដោយ​អ្នក​ថត​រូបឈ្មោះ Kent Shiraishi។ គាត់​ជាមនុស្ស​ចូលចិត្ត​ថត​រូប​ស្រះ​ទឹក​ចម្លែក​នេះ ហើយ​តែង​​មក​ទី​នេះ​ញឹក​ញាប់​។ គាត់​បាន​ថត​រូបស្រះ​ទឹក​ពេល​​​ធ្លាក់​ព្រិល​ហើយ​ផុស​លើទំព័រ​ Facebook របស់​ខ្លួន។

ប្រភព skydoor

មើលបន្ថែម: