ពណ៌ Sapphire ជះពន្លឺព្រិចៗនៅក្បែរឆកសមុទ្រ

ថ្ងៃសុក្រ 15/03/2019 | 15:15 ល្ងាច

ពេលនិយាយពីទេសភាពស្រស់ស្អាតនៅប្រទេសជប៉ុន ប្រហែលជាអ្នកនឹងគិតទៅដល់ប្រាសាទ Shinto, ច្រកទ្វា Tori, ផ្កាសាគឺរ៉ា ផ្លូវតូច និងភាពស្ងប់ស្ងាត់ដែលអ្នកឃើញក្នុង Anime។

ប៉ុន្តែកន្លែងនេះនៅមានទេសភាពស្អាតដោយសារពន្លឺព្រិចៗនៃពណ៌ Sapphire។ កន្លែងដែល JAPO ចង់និយាយនោះគឺឆកសមុទ្រ Toyama កន្លែងដែលអ្នកអាចមើលឃើញភាពអាថ៌កំបាំងទាក់ទាញរបស់ធម្មជាតិដូចជាទស្សនីយភាពពន្លឺសមុទ្រនាពេលរាត្រី។

ក្នុងខែមីនាឆកសមុទ្រ Toyama ស្ថិតនៅចំកណ្តាលសមុទ្រជប៉ុន ចាប់ផ្តើមមានពន្លឺពេលដែលមេឃងងឹត។ ទេសភាពមើលទៅដូចជាពន្លឺភ្លើង LED ពណ៌ខៀវតាមឆ្នេរសមុទ្រ។ ទស្សនីយភាពសមុទ្រនេះដោយសារតែសត្វមួយប្រភេទដែលហៅថា (Hotaru-ika) មឹកអំពិលអំពេក។

រូបភាព https://blog.syofuso.com/entry/hotaruika-luciferin

មឹកអំពិលអំពេក – សត្វដែលអាថ៌កំបាំងក្នុងមហាសមុទ្រ

Hotaru-ika ជាប្រភេទដែលមានពន្លឺនៅក្នុងខ្លួន។ ឈ្មោះ Latin របស់វាគឺ Watasenia scintillans ជាសត្វដែលកម្រ ហើយជាប្រភេទសត្វតែមួយគត់តំណាងអោយ Watasenia។ Hotaru-ika ដែលគេហៅថាជាមឹកបញ្ចេញពន្លឺ ទំហំធំបំផុតនៃសត្វមឹកប្រហែល 80mm។ ពន្លឺពណ៌ខៀវនៅក្នុងខ្លួនរបស់វាមើលទៅត្រជាក់ភ្នែកនាំមកនូវភាពអាថ៌កំបាំងអស្ចារ្យ។ ផ្នែករាងកាយដែលបញ្ចេញពន្លឺគឺស្ថិតនៅដៃមឹក ជុំវិញភ្នែក និងស្ថិតនៅជុំវិញរាងកាយ។

ធម្មតា Hotaru-ika រស់នៅប្រហែល 1200 feet ក្រោមមហាសមុទ្រ។ ប៉ុន្តែនៅឆកសមុទ្រ Toyama រលកសមុទ្របានបោកបក់សត្វមឹកមកលើច្រាំងបង្កើតទេសភាពអស្ចារ្យនេះ។ នេះក៏ជារដូវល្អសម្រាប់អ្នកនេសាទអាចចាប់បានរាប់តោន Hotaru-ika ក្នុងអំឡុងខែមីនាដល់ខែមិថុនា។ ហេតុអ្វីត្រូវនេសាទ? ដោយសារវាជាម្ហូបពិសេសមានតម្លៃ។

នៅក្នុងខែមីនាក៏ជារដូវបន្តពូជរបស់ Hotaru-ika ហេតុនេះមឹករាប់លានក្បាលប្រមូលផ្តុំគ្នានៅឆកសមុទ្រ Toyama ធ្វើអោយមានពន្លឺភ្លើងពណ៌ខៀវពេញតាមច្រាំងសមុទ្រ ទាក់ទាញភ្លៀវទេសចរណ៍រាប់ពាន់នាក់ជារៀងរាល់ឆ្នាំ។

រូបភាព travel.co.jp

ពន្លឺពណ៌ខៀវរបស់ Hotaru-ika មានតួនាទីសំខាន់សម្រាប់ទំនាក់ទំនងដើម្បីរកគូរ កំណត់អំពីសត្រូវ ក្លែងបន្លំបញ្ឆោតសត្វដែលស៊ីសាច់ផ្សេងទៀត និងដើម្បីទាក់ទាញសត្វជាចំណី។

សារមន្ទីរ Hotaru-ika

រូបភាព https://www.hokurikushinkansen-navi.jp

ជិតឆកសមុទ្រ Toyama ជាកំពុងផែនេសាទ Namerikawa កន្លែងដែលអ្នកអាចមកទស្សនានៅសារមន្ទីរ Hotaru-ika។ នេះជាសារមន្ទីរតែមួយគត់ដែលនិយាយពីប្រធានបទ Hotaru-ika លើពិភពលោក។

ដូចជាកន្លែងទេសចរណ៍ជាច្រើនផ្សេងទៀតនៅប្រទេសជប៉ុន សារមន្ទីរមានសត្វគួរអោយស្រលាញ់ជាច្រើន។

រូបភាព twitter.com

ម្ហូបពិសេស Hotaru-ika

ដោយសារតែពណ៌ចម្លែកនៃសត្វនេះធ្វើអោយមនុស្សជាច្រើនយល់ថា Hotaru-ika មានជាតិពុលមិនអាចញ៉ាំបាន។ តាមការពិតគឺផ្ទុយមកវិញមិនត្រឹមតែអាចញ៉ាំបាននេះជាម្ហូបដែលពេញនិយមនៅប្រទេសជប៉ុន។