Eshima Ohashi – ​ជាស្ពាន​ដែល​មាន​ជម្រាល​ខ្ពស់​ស្ថិត​នៅ​​ប្រទេស​ជប៉ុន

រូ​បភាព៖ https://www.amusingplanet.com

Eshima Ohashi គឺ​ជា​ស្ពាន​ដែល​ធ្វើ​ឲ្យ​អ្នក​មិន​អាច​​ជឿលើ​ភ្នែក​ខ្លួន​ឯង​។ វា​មើល​ទៅ​ដូចជា Roller coaster (រថយន្ត​សម្រាប់​ជិះ​រំអិល) នៅ​ក្នុង​សួន​កំ​សាន្ត​ដែលតភ្ជាប់ខេត្ត Tottori ជាមួយនឹង​ខេត្ត​ Shimane នៅ​ប្រទេសជប៉ុន។

ប្រវែង​នៃ​ស្ពាន​នេះ​គឺ ១.៥ គីឡូម៉ែត្រ​​កម្រិត​ជម្រាល​គឺ ៦.១% ដោយ​សារ​​វាមានសភាពដូចជា​ស្ពាន​សម្រាប់​ជិះ​រំអិលចុះ ដូច្នេះ​ឈ្មោះ​អង់​គ្លេស​របស់​វាគឺ “Roller Coaster Bridge”។

ស្ពាន​ Eshima Ohashi មាន​​ក្នុង​ការ​ផ្សាយ​ពាណិជ្ជ​កម្ម​របស់​ក្រុម​ហ៊ុន DAIHATSU (ក្រុមហ៊ុនផលិតរថយន្តជប៉ុន) ផ្សាយ​លើ​ទូរទស្សន៍ដើម្បី​បញ្ជាក់​ពី​គុណ​សម្បតិ្តនៃការ​​ជិះ​លើ​ជម្រាល​របស់រថយន្ត​ដែល​គេហៅ​ថា​ Tanto។ បន្ទាប់ពីកម្មវិធីផ្សាយពាណិជ្ជកម្មមានប្រជាប្រិយភាព ស្ពាន​​ចាប់​​ផ្តើម​​ល្បី​​ហើយ​​ទាក់​ទាញ​ភ្ញៀវ​ទេស​ចរណ៍​ជា​ច្រើន។

សូម​មើ​ល​ clip ផ្សាយ​ពាណិជ្ជកម្មនេះ។

នៅ​លើ​ស្ពាន​មាន​កន្លែង​សម្រាប់​អ្នក​ដើរ​ថ្មើរជើង​ដូច្នេះ​អ្នក​អាច​ដើរដើម្បី​មើល​ទេសភាព​ជំុវិញបាន។

ពេល​ដែល​មេឃ​ស្រឡះកោះ​ស្ថិត​នៅ​ចម្ងាយ​ដែល​អ្នក​អាច​មើល​ឃើញ។

ទេសភាព​មើល​ទៅលើ​​​ស្ពាន​ Eshima Ohashi ពិត​ជា​ស្អាត​ ហើយវា​​បាន​ក្លាយ​ទៅជា​កន្លែង​ណាត់​ជួប​សម្រាប់​គូរស្វាមី​ភរិយាថ្មី​។ នៅ​ពេល​រាត្រីការ​រួម​បញ្ចូលនៃ​​​ពន្លឺ​ស្ពាន​ជាមួយ​នឹង​ផ្ទៃ​ទឹក​ទន្លេបង្កើត​ជាទេសភាព​ស្រស់​ស្អាត​ទាក់​ទាញ​ និង​ជាកន្លែងល្អ​សម្រាប់​ការ​បង្កើត​គំនិត​សិល្បៈថ្មី​។

Eshima Ohashi Bridge

អាស័យ​ដ្ឋាន​៖ Wataricho, ទី​ក្រុង Sakaiminato, ខេត្ត Tottori

ផ្លូវចូល៖ បើក​បរប្រហែល​ ៥ នាទីពី​ស្ថានីយ៍រថភ្លើង​ JR Sakaki Minato។

Website : Eshima Ohashi Bridge 

Takahashi

 

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: