តើអ្នកដឹងទេថា! ​ភ្នំ​ហ្វូជី​ជា​កម្មសិទ្ធិ​របស់នរណា?

http://www.citiestips.com/view/fuji-384273

ភ្នំ​ហ្វូ​ជី​ជា​និមិត្ត​សញ្ញា​នៃ​​​ប្រទេសជប៉ុន

មិនត្រឹមតែប្រជាជនជប៉ុនមានមោទនភាពចំពោះសម្រស់នៃភ្នំហ្វូជី​ប៉ុណ្ណោះ​ទេ ប៉ុន្តែជនបរទេស​ជាច្រើន​ក៏​ភ្ញាក់​ផ្អើល​ដោយសារតែភាព​អស្ចារ្យ​របស់​ភ្នំ​ផង​ដែរ។

ជាទូ​ទៅ​​ភ្នំ​ជា​កម្មសិទ្ធិ​របស់​នរណា​ម្នាក់ដូចជាខេត្ត ឬ​ជារបស់​ប្រទេស​ជាតិ​។ ភ្នំ​ហ្វូ​ជី​គ្រប​ដណ្តប់​ពី​ខេត្ត Yamanashi ដល់ Shizuoka ដូច្នេះ​តើ​ភ្នំ​ជា​ទ្រ​ព្យ​សម្បតិ្ត​នៃតំ​បន់​ណា?

នេះ​ជា​រឿង​គួរ​អោយ​ភ្ញាក់​ផ្អើល​សូម្បី​តែ​ជន​ជាតិ​ជប៉ុន​ក៏​មិន​ច្បាស់​ដែរ។ ដំ​បូង​សូម​មើល​ផែន​ទី​ទី​តាំង​កណ្តាល​របស់​ភ្នំ​ហ្វូ​ជី

រូបភាព https://twitter.com/kendou774/status/1080036336956919808

ទិស​ដៅ​ខាង​លើ​នៃ​ផែន​ទី​ជា​ខេត្ត​ Yamanashi ទិស​ខាង​ក្រោម​ជាខេត្ត​ Shizuoka។ បន្ទាត់​ពណ៌​ក្រហម​បង្ហាញ​ពី​ចំ​នុច​​​ព្រំ​ដែន​រវាង​ខេត្ត​ពីរ​ត្រូវ​លុប​ចោល​ដោយ​សារ​មាន​ភ្នំ​ហ្វូ​ជី​នៅ​កណ្តាលព្រំ​ដែន​នៃ​តំ​បន់​ទាំង​ពីរ​នេះ​មិន​ច្បាស់់​​ហេតុ​នេះ​ហើយ​ភាគ​ច្រើន​​ភ្នំ​ហ្វូ​ជី​មិន​ស្ថិត​ក្នុង​តំ​បន់​កម្មសិទ្ធិ​ខាងណាទេ។

ដូច្នេះ​ហេតុ​អ្វី​មិន​គិត​អោយ​ងាយ​ស្រួល​ថា​ភ្នំ​ហ្វូ​ជី​ជា​របស់​ជប៉ុន?

រូបភាព http://www.at-s.com/facilities/article/view/temple/137776.html

នៅ​លើ​កំ​ពូល​ភ្នំ​ហ្វូ​ជីមាន​ប្រាសាទ​មួយ​គឺ Asama Taisha។ កំ​ពូល​ភ្នំ​ហ្វូ​ជី​ជា​កម្ម​សិទ្ធិ​របស់​​ប្រាសាទ Asama Taisha។

​តាំង​ពី​ពេល​នោះវិវាទចាប់​ផ្តើម​កើតមាន​​ឡើង​។​ ពី​សម័យ​បុរាណ​​ប្រាសាទ​នេះ​ត្រូវ​បាន​សាង​សង់​នៅ​លើ​កំ​ពូល​ភ្នំហ្វូ​ជី និង​ធ្វើ​អោយ​ភ្នំ​ទាំង​មូល​ក្លាយ​ទៅ​ជា​និមិត្ត​សញ្ញា​នៃ​ជំ​នឿ។ មិន​មែន​មាន​តែ​ភ្នំ​ហ្វូ​ជីទេ​ប៉ុន្តែ​វា​ក៏​ជាស្ថាន​ភាព​រួម​នៃ​ប្រាសាទ​ស្ថិត​នៅ​ទូ​ទាំង​ប្រទេសជប៉ុន​ផង​ដែរ។

បន្ទាប់​ពី​ការ​ផ្លាស់​ប្តូរ​រដ្ឋាភិ​បាល​ក្រោយ​សង្រ្គាម​លោក​លើក​ទីពីរទើប​បញ្ជាក់​ថា​ប្រាសាទជាកម្មសិទ្ធិ​នៃ​សាសនា​ហើយ​ប្រគល់​កម្មសិទ្ធិ​ដូច​ពី​មុន​ប៉ុន្តែ​មាន​តែ​ភ្នំ​ហ្វូ​ជី​នៅ​តែ​ជា​កម្មសិទ្ធិរបស់​ប្រទេ​សជាតិ។ មូល​ហេតុ​​ដោយ​សារតែ​​ភ្នំ​ហ្វូ​ជីនិមិត្ត​សញ្ញា​​នៃ​ប្រទេសជប៉ុនហើយ​ជា​កម្មសិទ្ធិ​របស់​ប្រជាជនជប៉ុន​​។

ក្រោយ​មក​នៅ​ឆ្នាំ ២០០៤ រដ្ឋាភិ​បាល​ទើប​សម្រេចចិត្ត​ប្រគល់​កម្មសិទ្ធិ​ភ្នំ​ហ្វូ​ជី​ត្រលប់​ទៅ​អោយ​ប្រាសាទ​ Asama Taisha។

លើ​ភ្នំ​ហ្វូ​ជី​មាន​ផ្លូវ​មួយ​សម្រាប់​ឡើង​ភ្នំ និង​មាន​ស្ថានីយ​​ឧ​តុនិយម​ដែល​ជាកម្ម​ស​ិ​ទ្ធិ​របស់​រដ្ឋាភិ​បាល។ ផ្នែក​នៅ​សល់មាន​​ប្រហែល​ ១២,៧០៥,០០០ ម៉ែត្រ​ការ៉េជា​របស់​ប្រាសាទ​ Asama Taisha។

បច្ចុប្បន្ន​នេះប្រជាជន​នៅ​​ខេត្ត​ Yamanashi និង​ Shizuoka កំ​ពុង​មាន​វិវាទ​ថា​តើ​ខេត្ត​​ណាជា​ម្ចាស់កម្មសិទ្ធិ​ភ្នំ​ហ្វូ​ជី ប៉ុន្តែ​តាំង​ពី​ដំ​បូង​ភ្នំ​មិន​មែន​ជាកម្ម​សិទ្ធិ​​ខាង​ណា​ទេ។

ទោះ​បី​​​​ភ្នំ​ហ្វូ​ជីជា​និមិត្ត​សញ្ញា​​តំ​ណាង​អោយ​ប្រទេស​ជប៉ុន ​ប៉ុន្តែ​​តាម​ពិត​ភ្នំ​នេះជារបស់​អ្នក​ដែល​នៅ​​ខាង​ក្នុង​ប្រាសាទ​លើ​កំ​ពូល​ភ្នំហើយ​ជា​និមិត្ត​សញ្ញា​នៃជំ​នឿ។

តើ​អ្នក​មិន​ទាន់​ច្បាស់​​អំ​ពី​រឿង​​នេះមែនទេ​​? សូម្បី​តែ​ជន​ជាតិ​ជប៉ុន​ក៏​ស្រពិច​ស្រពិលបញ្ហា​​​នេះ​ផង​ដែរ។

Kengo Abe

មើលបន្ថែម: