តើ​ដោយ​សារ​តែ​ចំនួន​ភ្ញៀវ​បរទេស​កើន​ឡើង​នាំ​អោយ​ប្រជាជនជប៉ុ​ន​​បន្ថយ​ទៅ​ Kyoto ជាកន្លែង​គោលដៅ​ទេសចរណ៍​មែន​ទេ?

ប្រសិនបើអ្នកមានគម្រោងធ្វើដំណើរទៅប្រទេសជប៉ុន Kyoto ជា​កន្លែង​ដែល​អ្នក​គួរ​តែ​ជ្រើស​រើស​នៅ​លំ​ដាប់​ដំ​បូង​។ ថ្វីបើរដ្ឋធានីជប៉ុនគឺទីក្រុង Tokyo ប៉ុន្តែ Kyoto ទើប​ជាមជ្ឈមណ្ឌលរក្សាវប្បធម៌ប្រពៃ​ណី​នៃ​ទឹក​ដី​នេះ​។ ល្បី​ឈ្មោះ​ជា​មួយ​នឹង​ Geisha ព្រៃឫស្សី Arashiyama ដ៏​អស្ចារ្យ​រួម​ជាមួយ​នឹង​ប្រសាទ​ដែល​មាន​រចនាប័ទ្ម Shinto ភ្ញៀវទេសចរណ៍​មិន​អាច​រ​ំលង​​​កន្លែង​កំ​សាន្ត​នេះ​ទេពេល​រៀប​ចំ​គម្រោង​ដំណើរ​កំ​សាន្តរបស់​ខ្លួន។

រូបភាព Soranews24

ទោះ​បី​​​បែប​នេះប្រជាជន​ជប៉ុន​បែរ​ជា​មានទំ​នោររំលង Kyoto ចេញ​ពី​កន្លែង​​កំ​សាន្ត​ក្នុង​ប្រទេស។ ការ​ស្រាវ​ជ្រាវ​ថ្មី​មួយ​នៃ​សមាគមទេសចរណ៍ទី​ក្រុង Kyoto តាម​ស្ថិតិចំនួន​ភ្ញៀវទេសចរ​ណ៍ជប៉ុន​បាន​កាត់​បន្ថយ​១២.២% ប្រៀប​ទៅ​នឹង​ឆ្នាំ​មុន។

តើ​អ្វី​​​នាំ​អោយ​មាន​ការ​ផ្លាស់​ប្តូ​រ​នេះ? តាម​ការ​សម្ភាស​​ម្ចាស់​សណ្ឋាគារ​មូល​ហេតុ​អាច​មក​ពីចំនួន​ភ្ញៀវទេសចរណ៍​បរទេស​ច្រើន​ពេក។ រួមជាមួយនឹងការស្ទង់មតិនៅសណ្ឋាគារផ្សេង​ទៀតខណៈពេលដែលភ្ញៀវទេសចរណ៍​ក្នុងស្រុកបានថយចុះ ៤.៨% ហើយ​ចំ​នួន​ភ្ញៀវបរទេសកើន​ឡើង ៥.៣%។

រូបភាព៖ thewholeworldisaplayground.com

សម្រាប់​​ភ្ញៀវ​ទេសចរណ៍បរទេសជាពិសេស​អ្នក​ដែល​មក​ប្រទេសជប៉ុន​លើក​ដំ​បូងពួក​គេ​មាន​ទំនោរ​ស្វែង​រក​កន្លែង​កំ​សាន្ត​ដែល​ល្បី​ឈ្មោះ ធ្វើ​ដំ​ណើរ​ផ្លូវ​តែ​មួយ​​តាម​ការ​ណែ​នាំ​លើ​អ៊ិន​ធឺ​ណែត។ អ្វី​ទាំង​នេះ​ធ្វើ​អោយ​មាន​ការ​កក​ស្ទះហើយមាន​​មនុស្ស​ច្រើន​កុះ​ករ​នៅ​កន្លែង​ទេសចរណ៍​ដែល​បាន​រៀប​រាប់ ធ្វើ​អោយ​បាត់​បង់​ភាព​ស្ងប់​ស្ងាត់ដែល​ជា​ចំនុច​ពិសេស​បង្កើត​ភាព​ទាក់​ទាញរបស់​ Kyoto។ ចំណែក​ភ្ញៀវទេសចរណ៍​ក្នុង​ស្រុកមាន​ការ​យល់​ដឹង​ច្រើន​ជាង​​ពី​ទឹក​ដី​របស់​ខ្លួនក៏​ជ្រើស​រើស​ទៅ​តំបន់មាន​ភ្ញៀវ​ទេសចរណ៍​បរទេសតិច​ជាង​ហើយ​អាច​កំ​សាន្ត​ក្នុង​ទិដ្ឋភាព​ស្ងប់​ស្ងាត់ដែល​គេ​ចង់ទទួ​ល​បាន​នៅ Kyoto។

ក្រៅ​ពី​នេះ​ការ​កើន​ឡើង​ភ្ញៀវទេសចរណ៍​បរទេសមិនមែន​ជា​មូល​ហេតុ​តែ​មួយ​គត់​ទេ។ ឥរិយាបថការ​បម្រើសេវាកម្មរបស់ប្រជាជន Kyoto ក៏​ជាហេតុផលមួយដែរ។ ជាទូទៅប្រជាជននៅ Kyoto មិន​សូវ​ជា​រាក​់​ទាក់​ពេល​មាន​ភ្ញៀវ​ទេសចរណ៍មក​កន្លែង​របស់​ពួក​គេ​ទេ។ ប្រជាជន​ Kyoto ល្បី​ចូល​ចិត្ត​​ប្រើ​ពាក្យ​មាន​បង្កប់ន័យ សូម្បីតែប្រជាជនជប៉ុនមិនអាចទាយ​បាន​ផង។

នេះ​ក៏​ជា​ស្ថាន​ភាព​រួម​នៃ​កន្លែង​ទេសចរណ៍​ល្បី​ឈ្មោះ​ជាច្រើន​ទៀត​ដែរ​ប៉ុន្តែ​ប្រសិន​បើ​អ្នក​នៅ​តែ​ចង់​ទៅ​ដល់​ទី​នេះ​ម្តង​អ្នក​អាច​រៀប​ចំ​ពេល​វេលា​ទស្ស​នា​តំ​បន់​ទេសចរណ៍ពេល​រសៀល​ដើម្បី​កាត់​បន្ថយ​មនុស្ស​ច្រើន​កុះ​ករ និង​ការ​កក​ស្ទះ។ ក្រៅ​ពី​នេះ​មិន​មែន​មាន​តែ Tokyo Osaka ឬ Kyoto ទេ​ប៉ុន្តែ​នៅ​ប្រទេស​ជប៉ុន​នៅ​មាន​កន្លែង​ជាច្រើ​ន​ផ្សេង​ទៀត ទោះ​បី​មិន​សូវ​មាន​លើ​ប្រព័ន្ធ​ផ្សព្វ​ផ្សាយ​ប៉ុន្តែ​នាំមក​ការ​កំ​សាន្ត​ដ៏​អស្ចារ្យ​ហើយ​គួរ​អោ​យ​ចាប់​អារម្មណ៍ណាស់។

ជ្រុល​ទៅ​ជប៉ុន ហេតុ​អ្វី​មិន​ទៅ​តាម​ផែន​ទី​ផ្ទាល់​ខ្លួន​?

ប្រភព​បន្ថែម​ Headlines.yahoo.co.jp

Sacchan