កន្លែងមើលផ្កាទាំង ៦ កន្លែងនៅភាគខាងកើតប្រទេសជប៉ុន

ថ្ងៃអង្គារ 05/03/2019 | 19:02 ល្ងាច

ចំនួនភ្ញៀវទេសចរណ៍បរទេសធ្វើដំណើរទៅប្រទេសជប៉ុនដើម្បីមើលផ្កាកាន់តែច្រើនឡើង។ កន្លែងមើលផ្កាសាគឺរ៉ាច្រើនរាប់មិនអស់ ប៉ុន្តែក្រៅពីផ្កាសាគឺរ៉ានូវមានកន្លែងជាច្រើនដែលអ្នកអាចមើលប្រភេទផ្កាខុសគ្នា។ កន្លែងមើលផ្កានៅភាគខាងកើតប្រទេសជប៉ុនរួមមាន៖

១. Hokuryu ផ្កាឈូករ័ត្ន (Hokkaido)

ក្នុងឆ្នាំ ១៩៧៩ កសិករជនជាតិដើមភាគតិចមានឱកាសទៅលេងអឺរ៉ុបហើយពេលដែលមើលឃើញសួនផ្កាឈូករ័ត្នពួកគេបានសម្រេចចិត្តដាំផ្កានេះនៅក្នុងប្រទេសជប៉ុនដើម្បីបង្កើតការផ្គត់ផ្គង់អាហារដែលមានជីវជាតិ។ ដំបូងគោលបំណងដើម្បីប្រមូលផលប្រេងផ្កាឈូករ័ត្នប៉ុន្តែពេលនេះកន្លែងនេះស្ទើរតែក្លាយជាគោលដៅទេសចរណ៍។ មានប្រហែលជាង ១,៥០០,០០០ ដើមផ្កាឈូករ័ត្ន លាតសន្ធឹងលើផ្ទៃដី ២៣ ហិកតា ហើយផ្ការីកនៅខែកក្កដាដល់ខែសីហា។ មិនចំណាយថ្លៃចូលមើលទេ។

រូបភាព web: http://portal.hokuryu.info/himawari

អាស័យដ្ឋាន៖ 143-2 Itaya, Hokuryu-cho, Uryu-gun, Hokkaido

២. កសិដ្ឋាន Tomita សួនផ្កាឡាវេនឌ័រធំបំផុតប្រទេសជប៉ុន (Hokkaido)

រូបភាព www.farm-tomita.co.jp

តំបន់ Furano ពេញទៅដោយផ្កាឡាវេនឌ័រ ដូច្នេះនៅរដូវផ្ការីកកន្លែងទាំងមូលពេញដោយក្លិនក្រអូប។ ក្នុងឆ្នាំ ១៩០៣ កសិដ្ឋាន Tomita ផ្លាស់ទីទៅ Furano ចាប់ផ្តើមដាំផ្កាឡាវេនឌ័រលើកសិដ្ឋានរបស់ខ្លួនក្នុងឆ្នាំ ១៩៥៨។ កន្លែងនេះបានក្លាយទៅជាកន្លែងមើលទេសភាពដ៏ល្បី កសិដ្ឋាននេះនូវមានកន្លែងជាច្រើនផ្សេងទៀតដាំប្រភេទផ្កាខុសគ្នា។ ផ្កាឡាវេនឌ័ររីកនៅខែមិថុនាដល់ខែសីហា ប៉ុន្តែពេលវេលាមើលផ្កាស្អាតបំផុតគឺខែកក្កដា។

Web: https://www.farm-tomita.co.jp/en/

អាស័យដ្ឋាន៖ 15 Go Nakafurano Kisen Kita, Nakafurano-cho, Sorachi-gun, Hokkaido

៣. Hanamiyama សួនច្បារ Eden នៃប្រទេសជប៉ុន (Fukushima)

ចាប់ពីឆ្នាំ ១៩៣៥ កសិករជនជាតិដើមភាគតិចបានចំណាយពេលជាច្រើនឆ្នាំដាំផ្កាជាច្រើនប្រភេទសម្រាប់លក់។ ភាពស្រស់ស្អាតនៃផ្កាទាំងនេះទាក់ទាញភ្ញៀវទេសចរណ៍ហើយគេសង្ឃឹមថាមនុស្សរាប់ពាន់នាក់អាចមើលសម្រស់ផ្កាទាំងនេះជាមួយនឹងធម្មជាតិ។ សួនច្បារនេះបានបើកចំហរជាសាធារណៈចាប់តាំងពីឆ្នាំ ១៩៥៩។ កន្លែងនេះមានផ្កាច្រើនប្រភេទ ហើយវារីកដំណាលគ្នាក្នុងខែមេសា ចូលទស្សនាឥតគិតថ្លៃ។

រូបភាព hanamiyamakoen.jp

Web: http://www.f-kankou.jp/

Web: http://www.hanamiyamakoen.jp/

អាស័យដ្ឋាន៖ Watari, Fukushima-shi, Fukushima

៤. សួនផ្កា Ashikaga មើលផ្កា wisteria(Tochigi)

ផ្កា wisteria គឺជាផ្កាបុរាណមួយដែលប្រជាជនជប៉ុនចូលចិត្ត តាំងពីឆ្នាំ ១៥០០ ឆ្នាំមុនមានកំណាព្យសរសើរប្រភេទផ្កានេះ។ នៅសួនផ្កា Ashikaga ប្រភេទផ្កាមួយចំនួនធំរួមទាំងផ្កា wisteria ត្រូវបានគេដាំលើផ្ទៃដី ៩៤,០០០ មែត្រការ៉េ។ មានផ្កា wisteria ពីរប្រភេទគឺពណ៌ស និងពណ៌ស្វាយ។ ផ្កា wisteria ពណ៌ស បង្កើតជាផ្លូវក្រោមដីសម្រាប់ទស្សនាមានប្រវែងជាង ៨០ ម៉ែត្រ។ ផ្ការីកពីខែមេសាដល់ខែឧសភាប៉ុន្តែពេលដែលស្អាតបំផុតគឺដើមខែឧសភា។ ថ្លៃសំបុត្រចូលគឺ ៣០០ – ១២០០ យេនសម្រាប់មនុស្សធំ (តម្លៃសំបុត្រចូលអាស្រ័យលើស្ថានភាពផ្ការីក)។

រូបភាព ashikaga.co.jp

Web: https://www.ashikaga.co.jp/english/index.html

អាស័យដ្ឋាន៖ 607 Hasama-cho, Ashikaga-shi, Tochigi

៥. Ozegahara: ផ្កា mizubasho ជប៉ុន (Fukushima, Niigata, Gunma)

Ozegahara គឺជាតំបន់ទំនាបដែលមានទីតាំងនៅតាមបណ្តោយព្រំដែននៃខេត្ត ៣ គឺ Fukushima, Niigata និង Gunma។ គឺជាតំបន់លាក់កំបាំងរបស់ប្រទេសជប៉ុន កន្លែងនេះត្រូវបានហ៊ុំព័ទ្ធដោយភ្នំមានកម្ពស់ជាង ២០០០ ម៉ែត្រ។ ទំហំ ៨៦៩០ ហិកតា ប្រវែង ៦ គីឡូម៉ែត្រ និងទទឹង ៣ គីឡូមែ៉ត្រ តំបន់ដីសើមនេះជាកន្លែងមានផ្កា mizubasho ដុះលូតលាស់។ ផ្កាចាប់ផ្តើមរីកនៅខែឧសភាដល់ខែមិថុនា កន្លែងនេះមិនចំណាយថ្លៃចូលមើលទេប៉ុន្តែអ្នកគួរតែជួលមនុស្សម្នាក់សម្រាប់នាំផ្លូវបើអ្នកទៅលើកដំបូង។

រូបភា tsuiteru-reosan.seesaa.net

Web: http://www.env.go.jp/en/nature/nps/park/parks/oze.html

អាស័យដ្ឋាន៖ Hinoemata-mura, Minamiaizu-gun, Fukushima, Yunotani, Uonuma-shi, Niigata, Katashina-mura, Tone-gun, Gunma

៦. ឧទ្យាន Hitsujiyama ផ្កា nerium (Saitama)

ឧទ្យាន Hitsujiyama នៅជិត Toyo ហើយល្បីដោយសារផ្កា nerium។ ផ្កាត្រូវបានដាំនៅលើផ្ទៃដី ១៧,៦០០ ហិកតាមាន ៦ ប្រភេទខុសគ្នាហើយសរុបចំនួនជាង ៤០០,០០០ ដើម។ ផ្កា nerium រីកពាក់កណ្តាលខែមេសាដល់ខែឧសភា តម្លៃសំបុត្រចូលមើល ៣០០ យេន។