វិធីសាស្រ្តក្នុងការទិញម៉ាស៊ីនថតនៅប្រទេសជប៉ុន

ថ្ងៃពុធ 20/02/2019 | 17:00 ល្ងាច

ប្រទេសជប៉ុនគឺជាទឹកដីដែលស្រស់ស្អាត និងជាកន្លែងដ៏ល្អសម្រាប់អ្នកដែលថតរូប។ ហើយក៏ជាកន្លែងកំណើតនៃម៉ាកល្បីៗជាច្រើនដូចជា Canon, Nikon, Olympus និង Fujifilm។

ជាការពិតដើម្បីទិញម៉ាស៊ីនថតនៅប្រទេសជប៉ុនមិនងាយស្រួលដូចជាអ្នកគិតទេ។

កន្លែងនេះមានលក់ម៉ាស៊ីនថតច្រើនរហូតដល់អ្នកពិបាកនឹងដឹងថាប្រភេទណាដែលមានតម្លៃល្អបំផុត ឬហាងណាល្អសម្រាប់ទិញ។ ដើម្បីជួយអ្នកងាយស្រួលក្នុងការជ្រើសរើស ខាងក្រោមនេះជាវិធីសាស្រ្តទាំង ៧ ប្រើពេលទិញម៉ាស៊ីនថតនៅជប៉ុន។

១. ហាងលក់ម៉ាស៊ីនថតនៅគ្រប់កន្លែង

រូបភាព /www.digitaltrends.com/

សម្រាប់អ្នកដែលចង់ទិញម៉ាស៊ីនថត ប្រទេសជប៉ុនគឺជាឋានសួគ៌ហើយ។ អ្នកអាចរកឃើញហាងលក់ឧបករណ៍អេឡិចត្រូនិចធំជាច្រើននៅទូទាំងប្រទេស។

ហាងលក់ឧបករណ៍អេឡិចត្រូនិកដែលល្បីបំផុតគឺ Yodobashi Camera និង Bic Camera។ ភាគច្រើនហាងទាំងនេះសុទ្ធតែមានការណែនាំជាភាសាអង់គ្លេសអាចជួយអោយអ្នករកឃើញជាន់ដែលមានលក់ម៉ាស៊ីនថត។

ជាមួយនឹងហាងលក់ល្បីឈ្មោះ ក៏មានហាងលក់ទំនិញតូចដូចជា Leica (នៅ Kyoto និង Tokyo) និង Map Camera នៅ Shinjuku ជំនាញខាងលក់ម៉ាស៊ីនថត និងកែវម៉ាស៊ីនថតចាស់។

២. ការកំណត់ជាភាសាអង់គ្លេស

វិធីមួយដែលសំខាន់ពេលដែលទិញម៉ាស៊ីនថតនៅប្រទេសជប៉ុនគឺត្រូវធានាថាម៉ាស៊ីនថតដែលអ្នកចង់ទិញអាចកំណត់ភាសាអង់គ្លេសបាន។ អ្វីទាំងនេះពិតជាសំខាន់សម្រាប់កាមេរ៉ាកម្រិតខ្ពស់ និងមានគុណភាពខ្ពស់ដោយសារតែអ្នកអាចយល់ពីភាសា។

រូបភាព https://industrydev.com/

កាមេរ៉ាទំនើបទាំងអស់នឹងអាចកំណត់ជាភាសាអង់គ្លេស សូម្បីតែម៉ាស៊ីនថតដែលផលិតនៅប្រទេសជប៉ុនលក់នៅប្រទេសដ៏ទៃសុទ្ធតែមានមុខងារនេះ។ ទោះជាយ៉ាងណា ក្រុមហ៊ុនផលិតមួយចំនួនដូចជា Sony និង Panasonic មិនអាចកំណត់ភាសាអង់គ្លេសសម្រាប់ម៉ាសុីនថតដែលលក់នៅប្រទេសជប៉ុនទេ។

មូលហេតុមកពីក្រុមហ៊ុនផលិតចង់កាត់បន្ថយការនាំចេញដោយខុសច្បាប់ម៉ាស៊ីនថតពីប្រទេសជប៉ុនទៅប្រទេសផ្សេងទៀត។ ហេតុនេះអ្នកគួរតែចាប់អារម្មណ៍ចំនុចទាំងនេះ។

ប្រសិនបើអ្នកមិនប្រាកដថាមានភាសាអង់គ្លេសឬទេ សូមសួរបុគ្គលិក ឬត្រួតពិនិត្យ Menu នៃម៉ាស៊ីនថត។

ជាងនេះទៅទៀតការទិញម៉ាស៊ីនថតនៅប្រទេសជប៉ុនមានន័យថាការណែនាំដែលប្រើជាភាសាជប៉ុន។ វិធីងាយស្រួលបំផុតដើម្បីយល់គឺចូលអ៊ីនធឺណេត ហើយស្វែងរកម៉ាស៊ីនថតដូចនឹងរបស់អ្នកដែលលក់នៅបរទេស បន្ទាប់មកទាញយកមកដើម្បីអានការណែនាំ។

៣. ត្រួតពិនិត្យម៉ាស៊ីនថតនៅក្នុងហាង

រូបភាព www.123rf.com

អ្វីដែលល្អពេលដែលទិញម៉ាស៊ីនថតនៅប្រទេសជប៉ុនគឺភាគច្រើនហាងលក់នឹងអនុញ្ញាតអោយយកកាតមេម៉ូរីរបស់អ្នកចូលហាង ប្រើម៉ាស៊ីនថតដែលអ្នកចូលចិត្តដើម្បីថតរូប ហើយក្រោយមកពិនិត្យរូបភាពនៅលើកុំព្យូទ័រ។ នេះគឺជាប្រព័ន្ធមួយដ៏អស្ចារ្យ ងាយស្រួល និងធ្វើអោយអតិថិជនអាចប្រាកដមុនពេលសម្រេចចិត្តទិញម៉ាស៊ីនថត។

៤. សំនូមពរលើកលែងពន្ធ

រូបភាព asia.nikkei.com

ជាមួយនឹងផលប្រយោជន៍នៃការទិញម៉ាស៊ីនថត ឬឧបករណ៍អេឡិចត្រូនិចផ្សេងទៀតនៅប្រទេសជប៉ុននោះគឺអ្នកអាចសុំនូមពរលើកលែងពន្ធសម្រាប់ទំនិញជាច្រើនប្រសិនបើអ្នកនៅប្រទេសជប៉ុនក្នុងរយៈពេលខ្លី។ អ្នកត្រូវយកលិខិតឆ្លងដែនទៅដល់ហាង ហើយចុះហត្ថលេខាលើក្រដាស “ភស្តុតាងទិញទំនិញ”។ ចំនួនអប្បបរមាដែលអ្នកត្រូវតែចំណាយសម្រាប់ផលិតផលគឺ ៥០០០យេន និងកម្រិតអតិបរមាគឺ ៥០០.០០០យេន។ វិធីទាំងនេះអាចជួយអ្នកកាត់បន្ថយថវិកាជាច្រើន។ ហាងដែលផ្តល់សេវាលើកលែងពន្ធនេះរួមមានហាងធំដូចជា Big Camera និង Yodobashi Camera។

៥. ម៉ាស៊ីនថតនៅប្រទេសជប៉ុនអាចនឹងថ្លៃ

កុំគិតថាផលិតផលនៅប្រទេសជប៉ុនសុទ្ធតែថោក។ ឧបករណ៍អេឡិចត្រូនិចដែលមានគុណភាពនៅទីនេះក៏ថ្លៃដូចជាប្រទេសផ្សេងដែរ ជាពិសេសពេលដែលអ្នកគិតពីអត្រាប្តូរប្រាក់ និងថ្លៃកាតឥណទាន។

រូបភាព yamada-taxfree.com/

ទោះយ៉ាណាប្រសិនបើអ្នកកំពុងស្វែងរកផលិតផលពិសេសមួយចំនួនដែលមានគុណភាពខ្ពស់និងគួរអោយទុកចិត្ត។ ប្រទេសជប៉ុនជាកន្លែងមានឧបករណ៍អេឡិចត្រនិចដែលល្អ។ លើសពីនេះទៅទៀតប្រសិនបើអ្នកចង់ស្វែងរកផលិតផលមួយចំនួនដូចជា Akihabara ហើយស្វែងរកហាងលក់ឧបករណ៍អេឡិចត្រូនិច ម៉ាស៊ីនថតចាស់ និងកែវម៉ាស៊ីនថតចាស់ដែលមានតម្លៃថោក។

៦. ការធានា

សូមពិនិត្យការធានានៃម៉ាស៊ីនថតមុនពេលទិញវា។ អ្នកនឹងឃើញថាហាងធំមួយចំនួនដូចជា Big Camera ជាធម្មតានឹងមានសិទ្ធិទំនាក់ទំនងដោយផ្ទាល់ទៅកាន់ក្រុមហ៊ុនផលិត។ អ្វីទាំងនេះមានន័យថាអ្នកអាចស្វែងយល់ពីលក្ខខណ្ឌនៃការធានា រយៈពេលយូរប៉ុណ្ណា ហើយថាតើវាអាចអនុវត្តទូទាំងពិភពលោកដែរទេ? ទោះបីជាយ៉ាងណាសរុបមកក្រុមហ៊ុនផលិតធំតែងផ្តល់ការធានានៅទូទាំងពិភពលោក។

៧. ស្វែងរកអ្នកដែលអាចនិយាយភាសាអង់គ្លេសដើម្បីជួយអ្នក

ហាក់ដូចជាពិបាកពេលដែលរកបុគ្គលិកនិយាយភាសាអង់គ្លេសនៅប្រទេសជប៉ុន។ ប្រហែលកន្លែងដែលល្អបំផុតគឺទៅដល់ហាងលក់ ឧបករណ៍អេឡិចត្រូនិចដែលធំនៅ Shinjuku និង Shibuya នៅ Tokyo ជាកន្លែងដែលមានលក់សម្រាប់ភ្ញៀវអន្តរជាតិ អាចនឹងមានបុគ្គលិកចេះនិយាយភាសាអង់គ្លេស។

រូបភាព /web-japan.org/

ទោះជាយ៉ាងណាកុំព្រួយបារម្ភដោយសារសេវាបម្រើអតិថិជននៅប្រទេសជប៉ុនគឺល្អ និងគួរសម។ ទោះបីជាគេមិនចេះភាសាអង់គ្លេស ក៏បុគ្គលិកព្យាយាមអស់ពីសមត្ថភាពដើម្បីយល់ពីអ្វីដែលអ្នកកំពុងរកក្នុងហាង និងជួយអ្នកដើម្បីរកម៉ាស៊ីនថតដែលល្អដែរ។

ខាងលើនេះគឺជាវិធីសាស្រ្តទាំង ៧ សម្រាប់អ្នកពេលដែលទិញម៉ាស៊ីនថតនៅប្រទេសជប៉ុន។ ជូនពរអោយអ្នកមានដំណើរកំសាន្តសប្បាយរីករាយនៅប្រទេសជប៉ុនក៏ដូចជាអាចរកបានម៉ាស៊ីនថតដែលអ្នកពេញចិត្ត។

ប្រភព jpninfo.com

អត្ថបទ៖ Neko