អ្វីដែល​គួរ​អោយ​ចាប់​អារម្មណ៍​លើ​ប៉ម​ដ៏​ខ្ពស់​នៅ​ប្រទេស​ជប៉ុន

ចំនួនដែកថែបដើម្បីសាងសង់ Tokyo Skytree ស្មើនឹង​ទម្ងន់​នៃ យន្តហោះចំ​នួន​ ២០០ គ្រឿង​មាន​ដឹក​ទំ​និញ។

ក្រោយ​ពេល​បើក​ដំ​ណើរ​ការ​ឆ្នាំ ២០១២ Tokyo Skytree បាន​ក្លាយ​ទៅ​ជា​កន្លែ​ង​ដែល​ទាក់​ទាញ​ដំ​បូង​គេនៅ​​ប្រទេសជប៉ុន។ ស្ថិត​នៅ Sumida អគារនេះ​ខ្ពស់ ៦៣៤ម៉ែត្រគឺជា​ស្ថាបត្យ​កម្ម​ ដែល​ខ្ពស់​បំ​ផុតនៃ​​ប្រទេសជប៉ុនហើយ​នាំ​មុខ​គេ​ក្នុង​ចំ​ណោម​ប៉ម​ទូរទស្សន៍​ដែល​ខ្ពស់​បំ​ផុត​។

ដោយ​សារ Tokyo មាន​ប៉ម​​ខ្ពស់ ២០០ម៉ែត្រ នៅ​កន្លែង​ទី​ប្រជុំ​ជនដូច្នេះ​ការ​សាង​សង់​ប៉ម​ទូរទស្សន៍ខ្ពស់​ជាង ៦០០ម៉ែត្រ ​ដើម្បី​បម្រើអោយ​ការ​ចាក់​ផ្សាយ​នេះ​ បាន​ក្លាយ​ទៅ​ជា​រឿង​បន្ទាន់។

គម្រោង​សាងសង់​នេះចាប់​ផ្តើម​តាំង​ពី​ខែកុម្ភៈ ឆ្នាំ ២០០៥ ដោយ​ក្រុម​ហ៊ុន​ផ្លូវ​ដែក​ Tobu ធ្វើ​ជា​អ្នក​វិនិយោគ។ ក្រុម​ហ៊ុន​ស្ថាបត្យ​កម្ម​ Nikken Sekkei ជា​អ្នក​រចនា​​ផ្ទាល់។ ដើម្បី​ទប់​ទល់​ជាមួយ​នឹង​បញ្ហា​រញ្ជួយ​ដី​ដែល​កើត​ឡើង​ញឹក​ញាប់ គេ​បាន​ប្រើ​របៀប​សាងសង់​ដូចជា​វត្ត​ Horyuji នៅ​ Nara។ ការ​សាងសង់​មាន​ចំ​នួន​ ៥​ជាន់​ ហើយឈរ​នូវ​នឹងអស់​រយៈពេល​ ១.៣០០ឆ្នាំ ជាមួយ​នឹង​សសរ​នៅ​ចំ​កណ្តាល។

វិស្វករ​ក៏​បាន​ដាក់​អោយ​​ប៉េង​ប៉ោង​​ហោះ​ក្នុង​អាកាសកម្ពស់​ ៦០០​ម៉ែត្រ​ដើម្បី​ប្រមូល​ទិន្នន័យ​នៃ​ល្បឿន​ខ្យល់ និង​ហានិភ័យ​កើត​ឡើង​ក្នុង​កម្ពស់​នេះ។ ឧបករណ៍​វាស់​រំ​ញ័រ​នៅ​ក្នុង​ជម្រៅ ៣ គីឡូម៉ែត្រ ត្រូវ​បាន​ធ្វើ​ឡើង​ដើម្បី​សិក្សាអំពី​ទម្រង់​ដី និង​ស្ថាន​ភាព​កើត​ឡើង​ប្រសិន​បើ​មាន​រញ្ជួយ​ដី។

តាម​ការ​រចនា​ដំ​បូង​ការ​សាងសង់​នឹ​ងមាន​កម្ពស់​ ៦១០ម៉ែត្រ។ ប៉ុន្តែ​ដើម្បី​ធានា​ថា​នេះ​គឺជា​ប៉ម​ទូរទស្សន៍​ដែល​ខ្ពស់​ជាង​គេនៅ​លើ​ពិភព​លោក​ ហើយ​តួ​លេខ ៦៣៤មែ៉ត្រត្រូវ​បាន​លើក​ឡើង។ កំ​ណត់​ត្រា Guinnes ត្រូវ​បាន​ប្រគល់​អោយ​ Tokyo Skytree នៅ​ថ្ងៃ​ទី 17/11/2011 នៅ​ក្នុង​តារាង​ឈ្មោះ​ប៉មខ្ពស់​បំ​ផុត​នៅ​លើ​ពិភព​លោក។

បន្ថែម​ពី​លើ​នេះតួលេខ ៦៣៤ និយាយ​តាម​ភាសាជប៉ុន​បុរាណគឺ ma-sa-shi រំ​លឹក​ទៅ​ដល់​ឈ្មោះ​ខេត្ត Musashi បុរាណ​គ្រប​ដណ្តប់​លើ​តំ​បន់​រួ​ម​មាន​ Tokyo, ខេត្ត Saitama ហើយ​មួយ​ផ្នែក​នៃ​ខេត្ត Kanagawa។

Tokyo Skytree ត្រូវ​បាន​លាបពណ៌​ស​នៅ​លើ​ផ្ទៃ​មេឃនៃ​រដ្ឋធានី។ ពេល​ដែល​លាប​ពណ៌ វិស្វករ​បាន​បន្ថែម​ Aijiro – ពណ៌​ប្រពៃណីដែល​ភ្លឺ​របស់​ជប៉ុន។ ពេល​យប់ មាន​ពណ៌​ជាច្រើន​បាន​លេច​ឡើង​។

Tokyo Skytree សម្ពោធ​បន្ទាប់​ពី​ការ​សាងសង់​ជិត ៤​ឆ្នាំ ពីខែកក្កដា ឆ្នាំ ២០០៨ ដល់ ខែកុម្ភៈ ឆ្នាំ ២០១២។ ប្រសិន​បើ​ដើរអ្នក​នឹង​ត្រូវ​ឡើងរហូត​ដល់​ទៅ ២.៥២៣កាំ​ជណ្តើរ។ ប្រហែល​ដែក​ថែប ៣៦.០០០ តោនត្រូវ​បាន​ប្រើ​ដើម្បី​សាងសង់ ប្រហែល​នឹង​ទម្ងន់​យន្ត​ហោះ ២០០គ្រឿងមាន​ដឹក​ទំនិញ Jumbo Jet។ កន្លែង​ទស្សនា​ខាង​លើ​ប៉ម​នេះ​អាច​ផ្ទុក​មនុស្ស​ចំនួន ២៩០០នាក់។ ពិធី​ជប់​លៀង​ជាច្រើន​ត្រូវ​បាន​ធ្វើ​នៅ​ទី​នេះដែល​នាំ​មក​នូវ​អារម្មណ៍​ចម្លែក​កណ្តាល​អាកាស។

Tokyo Skytree បើក​ទ្វាពី​ម៉ោង 8h-22h ​មាន​ភ្ញៀវ​ច្រើន​គឺ​នៅ​ពេល​ព្រឹក។ តម្លៃ​ឡើង​ជាន់ ៣៥០ គឺ ២.០៦០យេន​, ចង់​ឡើង​ជាន់ ៤៥០អ្នក​ត្រូវ​ចំ​ណាយ​បន្ថែម​ ១.០៣០យេន​។ តម្លៃ​ភេសជ្ជៈពី ៤៥០យេន។

ប្រសិន​បើ​អាកាសធាតុ​ល្អ អ្នក​អាច​មើល​ឃើញ​កំ​ពូល​ភ្នំ Fuji។​ 

ស្វែង​យល់ពី Tokyo Skytree Town ទាំង​អស់នេះ​ អ្នក​គួរ​តែ​ចំ​ណាយ​ពេល​យ៉ាង​តិច​មួយ​ថ្ងៃដើម្បី​ទស្សនាទេសភាព ទិញ​ទំ​និញ ភ្លក់​មុខ​ម្ហូប ស្វែង​យល់​អំពី​ប្រវត្តិ និងបច្ចេកវិទ្យា។ Tokyo Skytree ស្ថិត​នៅ​កន្លែងទី​ប្រជុំ​ជន Solamachi, តំ​បន់ Sumida Machidokora លក់​នូវ​ទំ​និញ​ប្រពៃណី​ដែល​ធ្វើ​ដោយ​ដៃ វិទ្យាស្ថានបច្ចេកវិទ្យា Chiba កន្លែង​ដែល​ដាក់​តាំ​ង​បច្ចេកវិទ្យា Robot ថ្មី​បំ​ផុត​ Sumida Aquarium – ផ្ទះ​របស់​សត្វភេនឃ្វីន និង​សារមន្ទីរ Postal។

អ្នក​អាច​មក​ទី​នេះ​ដោ​យ​រថ​ភ្លើង​ទៅ​កាន់​ស្ថានីយ៍ Tokyo Skytree ឬ​ស្ថាន​ីយ៍ Oshiage។ ក្រៅ​ពី​នេះ Skytree Shuttle Bus ចេញ​ដំ​ណើរ​ពី​កន្លែង​ជាច្រើន​ដូចជាស្ថានីយ៍ Tokyo, Ueno-Asakusa Area, ព្រលាន​យន្តហោះ Handeda, Tokyo Disney Resort, ស្ថានីយ៍ Wakoshi, ស្ថានីយ៍ Asakadai និងស្ថានីយ៍ Shiki។

តាមរយៈ Vnexpress