ស្វែងយល់ពីសារមន្ទីរ​ប្រវត្តិ​សាស្រ្ត​​ស្ថិតនៅក្រោម​ដី​មាន​​វប្ប​ធម៌ដ៏អាថ៌កំ​បាំង​​របស់ជប៉ុន

តាំង​ពី​បុរាណ​បុព្វបុរស​របស់​យើង​ចេះ​ពី​របៀប​ប្រើ​ថ្មសម្រាប់​​សាងសង់​ផ្ទះ កំ​ពែង​ ពួក​គេ​ស្វែង​រក​តំ​បន់​ដែល​មាន​ថ្ម​ល្អ កែ​ច្នៃ និង​យក​ទៅ​ផលិត​។ ប៉ុន្តែ​តើ​ពួក​គេ​អាច​នឹក​ស្មាន​ដល់ថា​តំ​បន់ដែលពួកគេធ្លាប់បាន​យក​ថ្ម​ទៅប្រើ​ប្រាស់ ហើយក្រោយ​មក​ប្រែក្លាយ​ទៅ​ជា​តំ​បន់​ទេសចរណ៍​ទាក់ទាញ​ភ្ញៀវ​គ្រប់​ទី​កន្លែង​មក​ដើម្បី​ស្វែង​យល់ និង​ទស្សនា។

សារមន្ទីរ​ប្រវត្តិ​សាស្រ្ត​ Oya នៅ Tochigi ជា​កន្លែង​បែបនេះ

នេះ​គឺជា​សារមន្ទីរសម្រាប់​ផ្ទុក​ពត៌មាន​ និង​វត្ថុ​បុរាណ​នៃ​តំបន់​ថ្ម​ក្នុង​សម័យ Edo

មើលពី​ខាង​ក្រៅវា​ហាក់ដូចជា​ផ្ទះ​ធម្មតា

កន្លែង​នេះ​មាន​តាំង​ឧបករណ៍​កាត់​ថ្មគ្រប់​រូបរាង និង​ទំ​ហំ​ ថែ​ម​ទាំង​មាន​រូបភាព​នៃ​អ្នករុករក​រ៉ែ​ថ្ម​ សម្លៀក​បំ​ពាក់ គំរូ​នៃ​អគារ​ឆ្លាក់ពី​ថ្ម​ Oya។

ក្រៅ​ពី​នេះ​នៅ​មាន​ប្រអប់ Bento កំ​សៀវដាំទឹក​ក្តៅ ដបទឹក និង​ពែង​ទឹក​ដែល​អ្នក​ជីក​រ៉ែយក​តាម​ខ្លួន។ ​អ្នក​នឹង​មាន​ការ​ភ្ញាក់​ផ្អើល​ជាមួយ​ឧបករណ៍ដែល​ជនជាតិ​ជប៉ុន​បុរាណបាន​ប្រើប្រាស់។

មិន​ទាន់​អស់​នៅ​ឡើយ​ទេ​ ភាព​ភ្ញាក់​ផ្អើល​នៅ​ខាង​ក្រោម​។ នេះ​គ្រាន់​តែជា​ផ្នែក​ខាង​លើ​នៃ​សារមន្ទីរ​ប្រវត្តិ​សាស្រ្ត​ Oya តែ​ប៉ុណ្ណោះ។

មាន​ផ្លូវ​តូច​មួយ​នាំ​ទៅ​ដល់​កន្លែង​ក្រោម​ដី​មាន​ជណ្តើរ​ប្រហែល ៣០​ម៉ែត្រ​ ជូន​ភ្ញៀវ​ទេសចរណ៍​ទៅ​ដល់​កន្លែង​ជីករុករក​រ៉ែថ្ម​។

ដូចដែលអ្នក​មគ្គុទ្ទេសបាន​ប្រាប់ពួក​យើង៖

ប្រហែល​ ១៥​ លាន​ឆ្នាំ​មុន​ ពេល​ដែល​កោះ​ជប៉ុន​ភាគ​ច្រើន​ស្ថិត​នៅ​ក្នុង​សមុទ្រ​នៅ​ឡើយ​ បន្ទុះ​ភ្នំភ្លើង ផេះភ្នំភ្លើង និងកំ​អ៊ែរ​ភ្នំ​ភ្លើង​លាយ​ផ្សំ​ក្លាយ​ទៅ​ជា​ថ្ម Oya។ ប្រហែល ១.៤០០ឆ្នាំ​មុន​ ក្នុង​កំឡុង​ពេល​ Kofun រ៉ែ​ថ្ម​ត្រូវ​បាន​ទិញ​មក​វិញហើយបច្ចេកវិទ្យារុករករ៉ែចាប់​ផ្តើម​រីក​ចម្រើន​នៅ​ពាក់​កណ្តាល​សម័យ Taisho។

កន្លែង​ដែល​លេច​ធ្លោ​នៃ​សារមន្ទីរ​គឺ​ជាអណ្តូង​ថ្ម​ពី​បុរាណ​មាន​ផ្ទៃ​ដី​ទំ​ហំ​ ២០.០០០​ម៉ែត្រ​ការ៉េ ហើយ​មាន​ជម្រៅ ៦០​ម៉ែត្រ​​។ សីតុណ្ហភាពជាមធ្យមនៃកន្លែងយកថ្មគឺ ៨ អង្សាសេ។

វាមិនខុសពីវប្បធម៌បុរាណនៅក្រោមដីនោះទេ។

ផ្ទៃ​នៃ​ថ្ម​ Oya មាន​ជាប់​គ្រី​ស្តាល់​ពណ៌​ស​ ប្រសិន​បើ​អ្នក​ភ្លក់​នឹង​មាន​រស់​ជាតិ​ប្រៃដោយ​សារ​វា​មាន​ផ្ទុក​អំបិល វា​មាន​នៅ​ក្នុងរដូវ​រងា ហើយ​បាត់​ទៅ​វិញ​ក្នុង​រដូវ​ក្តៅ។ នេះគឺជាបាតុភូតអាថ៌កំបាំងមួយដែល​ហៅ​ថា “ផ្កាថ្ម​​” (Ishi no hana)

ពី​មុន​ កន្លែង​នេះ​ត្រូវ​បាន​គេ​ប្រើ​ជារោង​ចក្រ​ថ្ម​ និង​ជា​កន្លែង​សម្រាប់ចុះ​ចតនៃយន្តហោះប្រយុទ្ធ​ក្នុង​សង្គ្រាម​។

សាល​នេះ​ភ្លឺ​ដោយសារ​ពន្លឺ​ភ្លើង​ពណ៌​ចម្រុះ​ ហើយ​ក៏​មាន​ការ​រៀប​ចំ​សិល្បៈនៅ​ទីនេះ។

បរិយាកាសដ៏អស្ចារ្យនៅទីនេះធ្វើអោយ​ភ្ញៀវទេសចរណ៍នឹក​ឃើញ​ដល់ប្រាសាទបុរាណនៃទីក្រុងរ៉ូម ខាង​ក្រោម​​ត្រូវ​បាន​គេ​ប្រើ​ជា​ទី​លាន​ប្រារព្ធ​ព្រឹត្តិការណ៍ ពិធីមង្គលការ ថតរឿង​ និង​ថត​ចម្រៀង​។

ខាង​ក្រោម​មាន​សម្លេង​លាន់​ឮ​ល្អ​ ហេតុ​នេះ​បន្ទប់​មួយ​ចំ​នួន​រៀបចំការប្រគំតន្ត្រី មានក្រុមតន្ត្រីដ៏ល្បីល្បាញជាច្រើនរបស់ប្រទេសជប៉ុនសម្តែង​នៅទីនេះ។

សីតុណ្ហភាពក្រោម ៨​អង្សាសេ​ នៅ​កន្លែង​នេះ​សាក​សម​ធ្វើ​ជា​កន្លែង​ផ្ទុក​ស្រា​។ ច្រើន​បែប​ណាស់​មែន​ទេ?

បិរវេណ​ធំ​ទូ​លាយ​ប្រហាក់​ប្រហែល​នឹង​រាន​កី​ឡា​បាល់បោះ ហេតុ​នេះ​បើ​មិន​ដើរ​ជា​មួយ​អ្នក​ណែ​នាំ អ្នក​អាច​នឹង​វង្វេងផ្លូវ។

ខាង​ក្រៅសារមន្ទីរ ភ្ញៀវ​ទេសចរណ៍​ថែម​ទាំង​អាច​ទិញ​វត្ថុ​អានុស្សាវរីយ៍ស្អាតនៅ​ហាង Rockside Market ស្ថិត​នៅ​ជាប់​សារមន្ទីរ​ និង​ភ្លក់​​អាហារ​សម្រន់ដូចជា​ការ៉េម ឬ​នុំ Crep។

លើសពីនេះទៀតអ្នកក៏គួរតែទៅកន្លែងគោរពបូជាដល់ព្រះនៃអាពាហ៍ពិពាហ៍ដែលជិតនោះ​ អ្នកអាចបន់​ស្រន់ដើម្បី​រក​បាន​គូអនាគត​ ឬ​បួងសួង​អោយ​អាពាហ៍ពិពាហ៍មាន​សុភមង្គល។

ទេសភាពនៅជុំវិញទីនេះត្រូវបានចង្អុលបង្ហាញដោយថ្មធម្មជាតិធំៗដែលផ្សំគ្នាប្រកបដោយភាពសុខដុម ជាមួយនឹងការកាត់ផ្ទាំង​ថ្ម​ស្មើ​យ៉ាង​អស្ចារ្យ​ដោយ​ស្នាដៃរបស់​​មនុស្ស​ធ្វើ​ រួម​ផ្សំ​ជាមួយពេលព្រះ​អាទិត្យលិច ធ្វើអោ​យ​យើងមានអារម្មណ៍ថាខ្លួន​ដូចជាតូចណាស់។

មិនមែន​កន្លែងណាក៏មានថ្មស្អាតរងផលប៉ះពាល់ដោយស្នា​ដៃមនុស្សទេ ហេតុ​នេះ​ប្រសិន​បើ​អ្នក​ជា​អ្នក​ចូលចិត្ត​ស្ថាបត្យ​កម្ម​ដ៏​ធំនេះ ហើយចង់ស្វែង​យល់ប្រវត្តិសាស្រ្ត នេះ​ជាកន្លែង​ដែល​អ្នក​គួរ​តែ​មក។

ពត៌មាន​លម្អិត​សូម​មើល​នៅ​ខាង​ក្រោម​៖

អណ្តូង​រ៉ែ​ក្រោម​ដី Oya (សារមន្ទីរ​ប្រវត្តិសាស្រ្ត Oya)

អាស័យដ្ឋាន​៖ Oyamachi 909 Utsunomiya, Tochigi 321-0345 ជប៉ុន

លេខទូរស័ព្ទ៖ (+81)28-652-1232

សំ​បុត្រចូល៖ ៨០០យេន (មនុស្សធំ) ៤០០យេន (ក្រោម ១៥​ឆ្នាំ)

Website: http://www.oya909.co.jp/

Neko