ឧទ្យាននៅជប៉ុនជាង ៨០០រូបសំណាកញញឹមបង្កប់អាថ៌កំបាំង

ថ្ងៃពុធ 28/11/2018 | 17:15 ល្ងាច

នេះមិនមែនជាកន្លែងសម្រាប់ទស្សនាពេលព្រះអាទិត្យរៀបលិចទេ។

នៅខេត្ត Toyama, ប្រទេសជប៉ុន មានឧទ្យានមួយដែលត្រូវគេបោះបង់ចោលមានឈ្មោះថា Fureai Sekibutsu no Sato (អាចនិយាយថា៖ ភូមិកន្លែងដែលអ្នកអាចឃើញរូបសំណាកព្រះ)។

បរិវេណខាងក្រៅឧទ្យានខ្មោច

ឧទ្យាននេះត្រូវបានបុរសអ្នកមានម្នាក់នៅក្នុងភូមិគឺ Mutsuo Furukawa ចំណាយទៅលើការសាងសង់ក្នុងឆ្នាំ ១៩៨៩ ក្នុងគោលបំណងបង្កើតជាកន្លែងសម្រាប់អ្នកទាំងអស់គ្នាអាចលំហែកម្សាន្ត ហើយទាក់ទាញភ្ញៀវទេសចរណ៍សម្រាប់តំបន់នេះ។

អ្នកជំនួញនេះចំណាយប្រហែល ៦ពាន់លានយ៉េន ដើម្បីសាងសង់កន្លែងក្នុងក្តីស្រមៃរបស់ខ្លួន។ គាត់ថែមទាំងបានជួលកម្មករចិនមួយក្រុមធ្វើជាង ៨០០រូបសំណាកថ្ម។ ក្នុងនោះមានប្រហែល ៥០០រូបសំណាកព្រះគ្រប់ប្រភេទ រូបភាព និងជាង ៣០០រូបសំណាកគឺជាតួអង្គដែលមានពិត។ ក្រោយមក គាត់បានចាកចេញពីតំបន់នេះដោយមិនច្បាស់ពីមូលហេតុ។

ទោះបីជាយ៉ាងណា មិនច្បាស់ថាហេតុអ្វីឧទ្យាននេះត្រូវគេបំភ្លេច និងបោះបង់ចោល។ ខ្មៅដុះគ្រប់កន្លែង រូបសំណាកចាប់ផ្តើមចាស់។ ដោយហេតុនេះធ្វើអោយការសាងសង់ដែលធ្លាប់ជាទីមោទនភាពនៃខេត្ត Toyama ក្លាយទៅជាភាពភ័យក្លាចនាពេលបច្ចុប្បន្ន។

ក្នុងឆ្នាំ ២០១៦ អ្នកថតរូប Ken Ohki ក្នុងពេលដែលមកទស្សនា បានថតទុកនូវរូបភាពគួរអោយក្លាចនេះ។ គាត់បាននិយាយ៖

ខ្ញុំដូចជាកំពុងចូលក្នុងពិភពមួយផ្សេង រាល់ពេលធ្វើដំណើរខ្ញុំមានអារម្មណ៍ដូចជារូបសំណាកកំពុងធ្វើចលនាបន្តិច។

នេះជារឿងពីរឆ្នាំមុន ចំណែកបច្ចុប្បន្នបន្ទាប់ពីបានរកឃើញ ឧទ្យាននេះប្រែជាល្បីឈ្មោះ និងត្រូវបានភ្ញៀវទេសចរណ៍ជាច្រើនមកទស្សនា។ ហេតុនេះប្រសិនអ្នកមានបំណងចង់មកទស្សនារូបសំណាក ប្រាកដណាស់អ្នកនឹងមិនចាំបាច់ទស្សនាតែម្នាក់ឯងទៀតទេ។