ផឹកកាហ្វេនៅផ្ទះបែបប្រពៃណីជប៉ុនមានអាយុជាង ៣០០ ឆ្នាំ

ថ្ងៃពុធ 15/08/2018 | 9:23 ព្រឹក

ជាមួយមនុស្សដែលចូលចិត្តភាពបុរាណមានលក្ខណៈប្រវត្តិសាស្ត្រ ពេលដែលទៅដល់ប្រទេសជប៉ុនអ្នកមិនគួររំលងហាងកាហ្វេ កន្លែងដែលនូវតែរក្សាទុកស្ថាបត្យកម្មដែលមានអាយុកាលជាង ៣០០ ឆ្នាំខាងក្រោម។

ស្ថិតនៅតំបន់ដាច់ស្រយាលនៅ Iya ទីក្រុង Miyoshi មានផ្ទះប្រពៃណីបែបជប៉ុនមួយ ត្រូវបានទទួលស្គាល់ដូចជាសម្បតិ្ត វប្បធម៌វត្ថុដែលមានតម្លៃសម្រាប់ប្រទេសជប៉ុន។ វាត្រូវបានកសាងនៅឆ្នាំ ១៦៩៩ និងមានឈ្មោះ Kimura-ke Jyutaku (កន្លែងរស់នៅរបស់គ្រួសារ Kimura)។ នេះគឺស្ថិតក្នុងចំណោម ផ្ទះបែបជប៉ុនដែលមានអាយុកាលយូរបំផុតនៅ Iya។ ដោយសារតែជាផ្ទះដែលកម្រត្រូវបានកសាងជាង ៣០០ ឆ្នាំមុនដែលនៅរហូតមកដល់សព្វថ្ងៃ ដូចនេះក្នុងប៉ុន្មានឆ្នាំថ្មីៗនេះ វាបានទាក់ទាញភ្ញៀវទេសចរណ៍ក្នុងប្រទេស និងក្រៅប្រទេសជាច្រើនមកមើល។

ជិះឡានជុំវិញភ្នំ Iya អ្នកនឹងឃើញផ្ទាំងផ្លាកមួយ “Kominka kissa kimura” (ផ្ទះប្រពៃណីរបស់ kimura) បង្ហាញនូវខាងមុខ គ្មានភោជនីយដ្ឋាន ឬអ្វីផ្សេងទៀតក្នុងតំបន់ជិតខាង ដូចនេះប្រសិនបើអ្នកគ្មានការចាប់អារម្មណ៍ វាអាចវង្វេងជាមួយសញ្ញានេះហើយទៅខុសផ្លូវ។

រូបភាព : setouchifinder.com

នៅក្នុងសួនច្បារផ្ទះបែបប្រពៃណីនេះ មានដើម Ginkgo មានអាយុជាង ៦០០ឆ្នាំ។

ពេលដែលអ្នកឆ្លងកាត់សួនឆ្ពោះទៅរកផ្ទះ អ្នកនឹងឃើញស្គរ Taiko ធំមួយ។ ហើយប្រសិនបើអ្នកវាយស្គរ លោក Kimura ម្ចាស់ផ្ទះនឹងបង្ហាញខ្លួននៅមុខផ្ទះ។

រូបភាព : japan-web-magazine.com

ហើយបន្ទាប់មកគាត់នឹងនាំអ្នកចូលក្នុងបន្ទប់ Tatami មួយ ជាមួយនឹងបរិយាកាសកក់ក្តៅ។ នៅក្នុងបន្ទប់នឹងមានចង្រ្កានភ្លើងពីរ ស្ថិតនៅទន្ទឹមគ្នា…

រូបភាព : japan-web-magazine.com

សូមផ្តល់ព័ត៌មានសម្រាប់អ្នកបន្ថែមដូចជា៖

ផ្ទះប្រពៃណីបែបជប៉ុននឹងមានរចនាបទដូចនេះ ពួកគេតែងតែមានចង្រ្កានភ្លើងមួយ ប៉ុន្តែតើអ្នកដឹងពីមូលហេតុ ហេតុអ្វីបានជាមានចង្រ្កាននេះនៅក្នុងផ្ទះទេ? ទោះបីជាចង្រ្កាននេះ ត្រូវប្រើអូសដើម្បីដុតហើយអាចនឹងធ្វើអោយផ្សែងពេញនៅក្នុងផ្ទះដែរឬទេ?

ភាពជាក់ស្តែងវានឹងមិនកើតឡើងទេ។ អ្នកនឹងឃើញនៅលើដំបូងផ្ទះប្រពៃណីបែបជប៉ុនដំបូលគ្របដោយស្លឹកក្រៅពីគោលលបំណងទប់ទល់ជាមួយភ្លៀង និងខ្យល់ ហើយវាត្រូវបានរចនាដើម្បីអោយផ្សែងអាចឆ្លងកាត់។ ហេតុនេះទោះបីជាអ្នកដុតអូសនៅក្នុងផ្ទះ ផ្សែងនឹងឆ្លងកាត់ដំបូលផ្ទះ។ ផ្សែងក៍អាចទប់ស្កាត់ការពុកក៍ដូចជា ដេញសត្វល្អិត។

ចង្រ្កានគឺជាវត្ថុដែលមិនអាចខ្វះបាននៅក្នុងផ្ទះប្រពៃណីបែបជប៉ុនដើម្បីរក្សាដំបូលផ្ទះ។

រូបភាព : thallius

មឺុនុយនៅក្នុងហាងកាហ្វេនេះពិតជាសាមញ្ញ។

អ្នកនឹងត្រូវបានបម្រើនូវមុខម្ហូបដូចជា នំផ្អែមដែលធ្វើដោយខ្លួនឯង និងភេសជ្ជៈដែលមានតម្លៃប្រហែល ៧០០យ៉េន។ អ្នកអាចជ្រើសរើសកាហ្វេ Matcha (តែបៃតង) ឬក៍តែរុក្ខជាតិធម្មជាតិ ហើយក្រៅពីនេះពួកគេថែមទាំងផ្គត់ផ្គង់នូវមុខ ម្ហូបមានប្រើប្រាស់ចង្រ្កានភ្លើងដូចជាស៊ុប ឬត្រីអាំង។

រូបភាព : kenh14

ពេលវេលាបើករបស់ហាងគឺ “ចាប់ពីព្រឹករហូតដល់យប់” ដូចទៅនឹងហាងដែលធ្លាប់ឃើញនៅតាមជនបទ។ ទន្ទឹមនឹងនោះ អ្នកក៍អាចដេកនៅទីនេះ ហេតុនេះប្រសិនបើអ្នកចង់សាកល្បងការ រស់នៅបែបជនបទនោះកន្លែងនេះគឺជាកន្លែងល្អសម្រាប់អ្នក។

នេះក៍ជាកន្លែងដែលសាកសមដើម្បីមើលទៅទិដ្ឋភាពទាំងមូលពីកំពូលភ្នំចម្ងាយ ៦០០ម៉ែត្រធៀបនឹងកម្រិតទឹកសមុទ្រ នៅពេលព្រឹក អ្នកអាចមានឳកាសនឹងមើលឃើញផ្ទៃមេឃដ៍ស្អាត។

ចំណាយពេលវេលាច្រើននៅទីនេះនឹងផ្តល់អោយអ្នកអនុស្សាវរីយ៍ដែលមិនអាចបំផ្លេចបានជាងសណ្ឋាគារកម្រិតខ្ពស់ផ្សេង។

ខាងក្រោមនេះគឺជាអាស័យដ្ឋានសម្រាប់នរណាដែលមានការចាប់អារម្មណ៍៖

Kominka Kissa Kimura (‘ហាងកាហ្វេតាមបែបប្រពៃណីជប៉ុន Kimura’)

អាស័យដ្ឋាន៖ ១០៧ Higashiiyatsurui, ទីក្រុង Miyoshi ខណ្ឌ Tokushima

លេខទូរស័ព្ទ៖ 0883-88-5433

តម្លៃ៖ កាហ្វេ ឬក៍តែ ៧០០យ៉េន។ នៅ ១០,០០០យ៉េន សម្រាប់មនុស្សម្នាក់ក្នុងមួយយប់ (កក់មុន)

ពេលវេលាបើកទ្វារ៖ តាំងពីព្រឹករហូតដល់យប់

កន្លែងចតឡាន៖ មានស្រាប់

ប្រភព៖ setouchifinder

Neko