នៅ​​ជប៉ុន​ទៅ​ងូត​ទឹក​ក្តៅ​​ងាយ​ស្រួល​រក​បាន​សង្សា​!

តើ​អ្នក​ធ្លាប់​គិត​ថា​ស្នេហា​អាច​ចាប់​ផ្តើម​នៅ​​អាង​ទឹក Onsen (កន្លែង​ងូត​ទឹក​សាធារណៈ)​ ឬនៅ? អ្វី​ទាំង​អស់​នេះ​អាច​នឹង​កើត​ឡើង​នៅ Ryokan (ផ្ទះ​សំ​ណាក់​ជប៉ុន​) មាន​ឈ្មោះ​ហៅ​ថា Shosenkaku ស្ថិត​នៅ Nagano។

រូប​ភាព : agoda.com

ដូច​ជា Ryokan ផ្សេង​ច្រើន​ណាស់ អ្វី​ដែល​ចាប់​អារម្មណ៍​បំផុត ​របស់ Shosenkaku គឺ​ងូត​ទឹក​ក្តៅ​ធម្មជាតិនៅ Onsen ជាពិសេស​ ក្នុង​នោះ​មាន​ប្រាសាទ​មួ​យដែល​អនុញាត​អោយ​អ្នក​និយាយ​ជាមួយ​មនុស្ស​ស្រី​នៅ​អាង​ទឹក​ម្ខាង​ទៀត​។

មុន​ពេល​ចូល​ទៅ​ដល់ Onsen ត្រូវ​តែ​ដុស​ខ្លួ​នអោយ​បាន​ស្អាត​ នេះ​គឺ​ជា​បំ​រាម​របស់​ជន​ជាតិ​ជប៉ុន​។ ដើម្បី​កាត់​បន្ថយ​កន្លែង​ក៍​ដូច​ជា ថវិ​កា​គេ​ធ្វើ​បន្ទប់​ងូត​ទឹក​ប្រុស និង​ស្រីនៅ​ Ryokan ជាច្រើន​ភាគ​ច្រើន គឺ​ទល់​គ្នា​ដោយ​មាន​ជញ្ជាំង​ឃាំង​ចំ​កណ្តាល។ Shosenkaku ក៍​មិន​លើក​លែង​ដែលប៉ុន្តែ​វា​នូវ​មាន​មុខ​ងារពិសេស​​មួយ​ផ្សេង​ទៀត និង​ខុស​ប្លែក​ទៅ​នឹង​កន្លែង​ផ្សេង។​

រូប​ភាព : www.agoda.com

ភាព​ខុស​គ្នា​គឺ​ជា​ប្រាសាទ​តូចត្រូវ​បាន​សាង​សង់​នៅ​កណ្តាលជញ្ជាំ​ឃាំង​បន្ទប់​ងូត​ទឹក​ទាំង​ពីរ​របស់​បរុស​ និង​នារី។ ផ្លាក​ផ្ជួរ​នៅ​ម្ខាង​បាន​បក​ស្រាយ​នេះ​គឺជា​ប្រាសាទ Omiai ជាមួយ​នឹង​គោល​បំ​ណង​ជួយ​អ្នក​ដែល​នៅ​លីវ​រក​បាន​សង្សា​ (“Omiai” សំ​ដៅ​ទៅ​លើ​ការ​ណាត់​ជួប​ដែល​មាន​អ្នក​​ណែ​នាំ​សម្រាប់ មនុស្ស​ទាំង​ពីរនាក់ដែល​នៅ​លីវ​កំ​ពុង​តែ​ស្វែង​រក​គូ​ជីវិត​ និង​សង្ឃឹម​ថា​អាច​រៀប​ការ​ជាមួយ​គ្នា)។

ខាង​ក្រោម​នេះ​គឺ​ជាការ​ណែ​នាំ​ពី​វិធី​ប្រើ​ប្រាស់​ប្រា​សាទ​នេះ៖

  1. អង្គុយ​នៅ​មុខ​ប្រាសាទ
  2. លើក​ដៃ​សំពះ
  3. ដាក់​កាក់​មួយ​នៅ​លើ​ប្រាសាទ​
  4. ទះ​ដៃ
  5. រង​ចាំ

ធម្ម​តា​អ្នក​គួរ​តែ​ទះ​ដៃ​ពេល​ដែល​បួង​សួង​នៅ​ប្រាសាទ Shinto ដើម្បី​ធានា​ថា​ទេវតា​ស្តាប់​នូវ​ការ​បួង​សួង​របស់​យើង​។ ទោះ​បី​ជា​យ៉ាង​ណានៅ​ទី​នេះអ្នក​មិន​ចាំ​បាច់​ទះ​ដៃ​ដើម្បី​ទទួល​បាន​ការជួយ​របស់​ទេវតាទេ ​ប៉ុន្តែ​សម្រាប់​ទាក់​ទាញ​ការ​ចាប់​អារម្មណ៍ ​របស់​នារីនៅ​ម្ខាង​ទៀត។ តើ​អ្នក​ដឹង​ថា​ហេតុ​អ្វី​ដែរ​ឬទេ? ដោយ​សារ​តែ​នៅ​កណ្តាល​ប្រាសាទ​មាន​ទ្វារ​តូច​មួយ​អោយ​អ្នក​ទាំង​ពីរ​នៅ​សង​ខាង​អាច​សន្ទនា​ជាមួយ​គ្នា។

រូប​ភាព : soranews24.com

វិធី​បើក​ទ្វារនេះ​គឺ​ត្រូវ​បាន​ខាង​នារី​ជា​អ្នក​បើក​ហើយ​ពេល​ដែល​ទ្វារនេះ​បើក​មាន​ផ្ទាំង​ក្រណាត់ស​ (នៅ​ចំ​កណ្តាល​ត្រូវ​បាន​កាត់​រូប​បេះដូង​តូច​) ហើយ​អ្នក​មិន​អាច​មើល​បាន​ច្បាស់​ទេ និង​មិន​អាច​មើល​ឃើញ​អ្វី​ក្រៅ ពី​មុខ​អោយ​តែ​អ្នក​កំពុង​អង្គុយ​ទល់​មុខ​គ្នា​នៅ​មុខ​ប្រាសាទ។

រូប​ភាព : nagano

ទោះ​ជា​យ៉ាង​ណា​គ្មាន​អ្វី​អាច​ធានា​បាន​ថា​អ្នក​អាច​រក​ឃើញ​ស្នេហា​តាម​រយៈ​អាង​ទឹក Onsen នេះ​ទេ។ ប៉ុន្តែ​មាន​រឿង​មួយ​ប្រាកដ​ថា​ ពេល​ដែល​អ្នក​ចាក​ចេញ​ពី​កន្លែង​ងូត​ទឹក​នេះ​អារម្មណ៍​របស់​អ្នក​នឹង​ប្រែ​ជា​ល្អ​ជាង​មុន​។

ហើយ​ជាក់​ស្តែង​ប្រសិន​បើ​អ្នក​ចង់​មាន​ពេល​វេលា​សម្រាក​ច្រើ​ន ជាមួយ​នឹង​ការ​ស្វែង​រក​គូ​ជីវិត​ដោយ​មិន​ចាំ​បាច់​ទៅ​ក្លឹប​ពោរពេញ​ទៅ​ដោយ​ផ្សែង​បារី ឬក៍​ក្លឹប​ដែល​អូអរ​ ចុះ​ហេតុ​អ្វី​មិន​សាក​ល្បង​មក​ទី​នេះដើម្បី​មាន​នូវ​ពេល​វេលា​ដែល​គួរ​អោយ​ចង​ចាំ​?

***ខាងក្រោម​នេះ​គឺ​ជា​ព័ត៌មាន​លម្អិត៖

ឈ្មោះ​ទី​កន្លែង​៖ Shosenkaku / Matsukenkaku

អាស័យដ្ឋាន៖ Nagano-ken, Nagana-shi, Shinonoi Komatsubara 2475

ទី​ក្រុង​៖ Nagano Nagano ទី​ក្រុង Shinonoi Komatsubara 2475

ប្រភព : soranews24

Neko

មើលបន្ថែម: