ស្អាតមិនធម្មតា ទីតាំងទាំង ៤ កន្លែងមើលកាំជ្រួចក្នុងរដូវក្តៅ នៅ Tokyo ដែលអ្នកគួរតែមក…

ថ្ងៃពុធ 18/07/2018 | 12:08 ល្ងាច

រដូវក្តៅគឺជារដូវពិធីបុណ្យនៅក្នុងប្រទេសជប៉ុនហើយអ្វីដែលមិនអាចខ្វះបាននោះគឺកាំជ្រួច។ កាំជ្រួចនៅទីនេះក៏ត្រូវបានជនជាតិជប៉ុន ប្រារព្ធជាពិធីបុណ្យធំផ្សេងរបស់វាដែរ។ ក្នុងរដូវនេះបើមិនចូលរួមពិធី បុណ្យ មើលកាំជ្រួចគឺអ្នកពិតជាធ្វើអោយខាតបង់ពេលវេលាយុវវ័យ របស់ខ្លួនហើយ។ ប្រសិនបើអ្នកខ្ចិលទៅឆ្ងាយពី Tokyo កុំព្រួយបារម្មណ៍ សូមទុកអោយ Japo ណែនាំសម្រាប់អ្នកនូវកន្លែងដែលសាកសម។

ខាងក្រោមនេះគឺជាបញ្ជីឈ្មោះពិធីបុណ្យកាំជ្រួចនៅ Tokyo

១. ពិធីបុណ្យកាំជ្រួច Edogawa (ថ្ងៃសៅរ៍ ទី៤ ខែសីហា ឆ្នាំ ២០១៨)

អ្នកនឹងត្រូវទៅដល់ Chiba ប៉ុន្តែនោះពិតជាមានតម្លៃដោយសារ Edogawa ស្ថិតក្នុងចំណោមពិធីបុណ្យកាំជ្រួចដែលគួរអោយចាប់ អារម្មណ៍ជាងគេក្នុងតំបន់ Tokyo។ ត្រូវបានធ្វើឡើងនៅតាម បណ្តោយដងទន្លេ Edo វាត្រូវបានគេស្គាល់ដោយសារតែភាពលេចធ្លោនៃកាំជ្រួចមួយពាន់នឹងត្រូវបាញ់ទៅលើមេឃក្នុងរយៈពេល ៥វិនាទី។ នោះមានន័យថាអ្នកអាចនឹងបាត់បង់ឳកាសមើលកាំជ្រួចដ៏អស្ចារ្យនេះដោយសារការញីភ្នែករបស់អ្នក។ ពិតជាលឿនពិតជាគ្រោះថ្នាក់ណាស់មែនទេ?

រូបភាព : flickr

២. កីឡាដ្ឋាន Jingu Gaien (ថ្ងៃសៅរ៍ ទី១១ ខែសីហា ឆ្នាំ ២០១៨)

រូបភាព : timeout

អ្នកអាចមើលកាំជ្រួចខាងក្នុង ឬខាងក្រៅកីឡាដ្ឋាន។ ខាងក្រៅកីឡាដ្ឋាន Jingu Gaien មានអេក្រង់ធំៗជាច្រើននៅជុំវិញកន្លែង Harajuku និង Aoyama។ សូមមកទីនោះដើម្បីរីករាយកំសាន្តបរិយាកាស និងភាពស្រស់ស្អាតរបស់កាំជ្រួច។

ទោះជាយ៉ាងណាអ្នកគួរតែមកមុនដើម្បីរកបានកន្លែងអង្គុយ ឬក៏អាចនឹងឈរដោយសារមានមនុស្សមកមើលច្រើនណាស់។ កន្លែងដែលអាចមើលបានច្បាស់ល្អគឺខាងលើកៅអីខាងក្នុងកីឡាដ្ឋានប៉ុន្តែតម្លៃរបស់វាពិតជា “ថ្លៃ”។ ហេតុនេះសូមមើលលុយដែលអ្នកមានមុនពេលដែលមករើសនូវកន្លែងដែលសាកសមបំផុត។

៣. ពិធីបុណ្យកាំជ្រួច Tokyo Edomode (ថ្ងៃសៅរ៍ ទី១១ ខែសីហា ឆ្នាំ ២០១៨)

ឧទ្យានខាងមាត់សមុទ្រ Odaiba កំពុងតែចាប់ផ្តើមកម្មវិធីសម្តែងកាំជ្រួចរបស់ខ្លួន។ ជាមួយនឹងឈ្មោះ Edomode, Odaiba មោទនៈភាពដែលមានរូបភាពស្រស់ស្អាតនៃ ស្ពានជាមួយនឹងឈ្មោះថាឥន្ធនូឆ្លងកាត់ទន្លេ Sumida ផ្សារភ្ជាប់តំបន់ប្រជុំជនរបស់ Tokyo។ ទស្សនីយភាពនេះកាន់តែស្អាតនៅពេលដែលមើលកាំជ្រួចដែលមានព័ណ៌ច្រើនបាញ់ទៅលើផ្ទៃមេឃពេលយប់។

រូបភាព : instagrammernews

៤. ពិធីបុណ្យកាំជ្រួចទន្លេ Sumida (ថ្ងៃសៅរ៍ ទី២៨ ខែសីហា ឆ្នាំ ២០១៨)

រូបភាព : nipponnews

ត្រូវបានស្គាល់ថាជាពិធីបុណ្យកាំជ្រួចដែលមានយូរជាងគេបំផុតនៅជប៉ុន។ ប្រសិនបើអ្នកចង់មើលការសម្តែងកាំជ្រួចតាមបែបប្រពៃណីនេះហើយជាពិធីបុណ្យល្អឥតខ្ចោះសម្រាប់អ្នក។ នៅតំបន់ប្រវត្តិសាស្រ្តរបស់ Asakusa និង Ryogoku កាំជ្រួចឆ្លុះបញ្ជាំលើទន្លេ Sumida បង្កើតបានជាភាពស្រស់ស្អាត។ ប្រាកដជាអ្នកនឹងដិតជាប់ទិដ្ឋភាពនេះជាមិនខាន។

ប្រញាប់ឡើងកត់ទុកនូវកន្លែងកំសាន្តនេះដើម្បីត្រៀមវាលី និងធ្វើដំណើរភ្លាម។ ពិធីបុណ្យកាំជ្រួចនៅប្រទេសជប៉ុនកំពុងតែរងចាំពួកយើង។

ប្រភព : grapee

Neko