ភ្ញៀវ​ដែល​គ្មាន​ប្រាក់ ក៏​​​អាច​ញាំ​អាហារ​នៅ​ភោជនីយដ្ឋាន​ជប៉ុន​បានដែរ

ស្ថិត​នៅ​តំបន់​ Chiyoda រាជធានី Tokyo ភោជនីយដ្ឋាន Mirai Shokudo ទទួល​ភ្ញៀវ​រហូត​ដល់​ទៅ​ ១២​នាក់​ក្នុង​ពេល​តែ​មួយ​ហើយ​ បុគ្គលិក​ផ្លូវ​ការ​ម្នាក់​នោះ​គឺអ្នក​ស្រី​​ម្ចាស់​ហាងអាយុ​ ៣៣ឆ្នាំ​ Sekai Kobayashi ​បាន​ផ្តល់​ព័ត៌មាន​។

មួយ​ឈុត​ម្ហូប​នៅ​ភោជនីយ​ដ្ឋាន​ធ្វើ​ការ​ដើម្បី​សង​លុយ​​ រូប​ភាព : Facebook

តម្លៃញ៉ាំ​​ក្នុង​មួយ​ពេលនៅ​ទី​នេះ​ប្រហែល​ 10$។ ប៉ុន្តែ​ភ្ញៀវ ​អាចជ្រើស​រើស​សង​ប្រាក់​ដោយ​ការ​រៀប​ចំ​ក្នុង​ហាង បម្រើ​ការ​ងារ​មុខម្ហូប ​ឬ​ជូត​តុក្នុង​ម៉ោង​ធ្វើ​ការ​ ៥០នាទី។ មនុស្សជាង​ ៥០០នាក់ ចាប់​ពី​និស្សិត​រហូតដល់​ទៅ​គ្រូ​បង្រៀន​ចូល​និវត្ត​ន៍បាន​ចូល​រួម​ក្នុង​ការ​ងារ ដើម្បីសង​លុយនេះ។ ភ្ញៀវ​ក៏​អាច​ជ្រើស​រើស​យក​​មុខម្ហូបដើម្បី​ ជូន​អ្នក​ផ្សេង​បានដែរ។​​

Mirai Shokudo មាន​ន័យ​ថា​ភោជនីយ​ដ្ឋាន​អនាគត(អត្ថន័យរបស់ហាង) ត្រូវ​បាន​ សាង​សង់​នៅ​ឆ្នាំ ២០១៥ ​ជាមួយ​នឹង​គោល​បំ​ណង​ផ្តល់​នូវ​បរិយាកាស​សម្រាប់​អ្នក​ទាំង​អស់​គ្នា​។ “ខ្ញុំជ្រើស​រើស​អាជី​វកម្ម​នេះ ដោយ​សារ​តែ​ចង់​ភ្ជាប់​ជា​មួយ​អ្នក​ដែលឃ្លាន​ប៉ុន្តែ​គ្មាន​លុយ​”​ ស្រ្តី​ម្នាក់ ដែល​ធ្លាប់​ធ្វើ​ការ​ងារ​វិស្វ​ករ​នៃ​កម្ម​វិធី​បាន​ចែក​រំលែកគំនិតមួយនេះ។

តាម​ប្រភេទ​អាជីវកម្ម​ អ្នក​ស្រ្តី​ Kobayashi ផុស​​គម្រោងអាជីវកម្ម​ និង​កម្រៃ​បាន​មក​ពី​គេហទំព័រ​របស់​ភោជនីយ​ដ្ឋាន ​ដើម្បីទទួល​ការ​រិះ​គន់​របស់​សាធារណៈ​ជន​ ព្រម​ទាំង​ផ្តល់​នូវ​គំនិតសម្រាប់​មនុស្ស​ដែល​ចង់​បើក​ភោជនីយ​ដ្ឋាន​។ “ចែក​រំ​លេក​ជា​មួយ​នឹង​អ្នក​ផ្សេង ហាក់​ដូច​ជា​កំ​ពុង​ជួយ​នរណា​ម្នាក់​ដែល​មាន​សេចក្តី​ប្រថ្នា​ចង់​បើកអាជីវកម្ម​ផងដែរ។ នោះ​គឺ​ជា​វិធី​ធ្វើ​ការ​ងារ​របស់​ខ្ញុំ​” អ្នក​ស្រ្តី Kobayashi បាន​និយាយ។

តាម​ VnExpress

មើលបន្ថែម: