Paralympic – កីឡាបាល់បោះសម្រាប់ជនពិការ
តើអ្នកធ្លាប់គិតថាប្រសិនបើបាត់បង់ជើង អ្នកមិនអាចលេងកីឡាបានដែរឬទេ។
ជាការពិតមានជនពិការជាច្រើននៅលើពិភពលោកបានបោះបង់ក្តីស្រមៃ។
ប៉ុន្តែក្រៅពីនេះមានមនុស្សជាច្រើននៅតែបន្តខិតខំប្រឹងប្រែង ហើយក៏មានកីឡាមួយចំនួនដែលជនពិការអាចលេងបានដែរ។ កីឡាដែលជនពិការចូលចិត្តនោះគឺ Wheel chair basketball (កីឡាបាល់បោះលើរទះរុញ)។
រូបភាព https://sportiva.shueisha.co.jp/clm/othersports
នៅក្នុងកីឡាបាល់បោះ ជើងជាមុខងារដែលសំខាន់បំផុត។ ធ្វើយ៉ាងណាអាចរត់ដណ្តើមបាល់់បន្ទាប់មកបញ្ជូនចូលកន្ត្រក់ប្រសិនបើគ្មានជើង។ ប៉ុន្តែប្រសិនបើចង់ គ្រប់យ៉ាងសុទ្ធតែអាចរកវិធីដោះស្រាយ។
អ្នកលេងបាល់បោះត្រូវហ្វឹកហាត់យ៉ាងនឿយហាត់ ចំណែកអ្នកលេងបាល់បោះនៅលើរទះរុញត្រូវខំប្រឹងច្រើនជាងនេះ។ ពេលខ្លះរុញរទះលឿនពេកធ្វើអោយមានគ្រោះថ្នាក់ អាចនឹងធ្លាក់ពីលើរទះ ហើយឈឺរហូតដល់មិនអាចទប់បាន។ ប៉ុន្តែការលំបាកទាំងនេះមិនអាចបំបាកទឹកចិត្តរបស់កីឡាករបានទេ។ នេះក៏ជាចំណុចទាក់ទាញបំផុតធ្វើអោយមនុស្សជាច្រើនចង់មកមើលការប្រកួតពិសេសនេះ។
ច្បាប់លេងក៏ត្រូវបានផ្លាស់ប្តូរអោយសាកសមផងដែរ។
ជំហានរត់នៅក្នុងកីឡាបាល់បោះត្រូវបានគិតតាមចំនួននៃការរុញរទះ។ ដូចជាកីឡាបាល់បោះ ប្រសិនអ្នករុញរទះលើសពី ២ ដងក្នុងពេលរក្សាបាល់គឺខុស Traveling។ អ្នកអាចបង្វិលរទះរុញមួយជុំ ប៉ុន្តែនៅជំហានទីពីរប៉ុណ្ណោះ។
ពេលដួលអ្នកលេងត្រូវក្រោកឡើងដោយខ្លួនឯង។
ក្រៅពីនេះចំណុចដែលគួរអោយចាប់អារម្មណ៍ស្ថិតលើប្រព័ន្ធគិតពិន្ទុសម្រាប់សមាជិកក្រុម។ អាស្រ័យលើស្ថានភាពនៃជនពិការអ្នកលេងអាចទទួលបានពី ១ ទៅ ៤.៥ ពិន្ទុ សរុបពិន្ទុរបស់អ្នកលេង ៥ នាក់លើទីលានត្រូវក្រោម ១៤ ពិន្ទុ។
ប្រព័ន្ធនេះបង្កើតឳកាសសម្រាប់ជនពិការធ្ងន់ និងស្រាលអាចចូលរួមបាន។
ខាងក្រោមនេះជារូបភាពការប្រកួតមួយចំនួន សូមមើលរូបភាពទាំងនេះ។
រូបភាព http://www.kanpara.com/superathlete/3959
រូបភាព https://www.para-sports.tokyo/topics/column/yahoo_a0007
រូបភាព http://www.kanpara.com/sports/wheelchair_basketball/
កីឡានេះមានគ្រោះថ្នាក់ជាងកីឡាបាល់បោះធម្មតា។
ក្រៅពីកីឡាបាល់បោះ កីឡាមួយចំនួនផ្សេងទៀតដែលជនពិការអាចចូលរួមបាន។ ឧទាហរណ៍ដូចជាកីឡាបាល់ឱប។
Olympic 2020 ជិតមកដល់ជាមួយនឹងកីឡា Paralympic (កីឡាអូឡាំពិកសម្រាប់ជនពិការ) 2020 ត្រូវបានរៀបចំ។ ដោយសារ Paralympic មិនសូវមានការចាប់អារម្មណ៍នឹងមិនសូវផ្សាយលើទូរទស្សន៍។ ប៉ុន្តែមិនមែនកីឡា Paralympic មិនទាក់ទាញដូចជាកីឡា Olympic ទេ។ ខ្ញុំសង្ឃឹមអ្នកទាំងអស់នឹងទទួលយកកីឡាពិេសសមួយនេះ។
Kengo Abe
-
គ្មានរបាំងភាសាទៀតទេ – បុគ្គលិកនៅ Tokyo Metro ផ្តល់យោបល់អោយប្រើកម្មវិធីបកប្រែ -
ជប៉ុននៅតែបង្អែបង្អង់ការបន្ធូរបន្ថយព្រំដែនដោយបារម្ភស្មារតីរបស់ភ្ញៀវបរទេស -
នារីជនជាតិវៀតណាមម្នាក់ស្លាប់តាមដងផ្លូវក្នុងមាត់មានញាត់កន្សែងជូតដៃមួយ -
អ្នកនិពន្ធសៀវភៅរឿងបានសារភាពនូវអាកប្បកិរិយាមិនសមរម្យចំពោះក្មេងស្រីអាយុ ១៤ ឆ្នាំ -
ទេសភាពភូមិ Aogashima ប្រទេសជប៉ុនត្រូវបានកសាងលើមាត់ភ្នំភ្លើងសកម្ម -
ជប៉ុនបានក្លាយជាគោលដៅទេសចរណ៍លំដាប់លេខ ១ លើពិភពលោក