បុរសជនជាតិវៀតណាមវាយប្រហារបុគ្គលិក NHK ដោយប្រើបំពង់ពន្លត់អគ្គិភ័យ
កាលពីថ្ងៃទី ១៧ ខែសីហាប៉ូលីសខេត្ត Aichi អ្នកហាត់បច្ចេកទេសជនជាតិវៀតណាមម្នាក់ (អាយុ ៣៤ ឆ្នាំ) នៅ Kita-ku ទីក្រុង Nagoya ចោទថាបានវាយប្រហារបុគ្គលិក NHK ដោយប្រើបំពង់ពន្លត់អគ្គិភ័យជាមួយនឹងមូលហេតុថា “ខ្ញុំមិនយល់ម្នាក់នេះកំពុងនិយាយអ្វី”។
នៅម៉ោង ៥ ល្ងាចថ្ងៃទី ១៥ បុគ្គលិក NHK បានគោះទ្វារផ្ទះបុរសម្នាក់ស្រាប់តែត្រូវម្នាក់នេះប្រើបំពង់ពន្លត់អគ្គិភ័យវាយប្រហារ។ ព័ត៌មានអំពីការសន្ទនារវាងអ្នកទាំងពីរមិនទាន់ដឹងនៅឡើយទេ។
រូបភាព https://nhk受信料.net/nhk_vs_vietnamese/
មូលហេតុនៃរឿងនេះ SoraNews បានអោយដឹងជនជាតិជប៉ុនទម្លាប់នឹងរឿងបុគ្គលិក NHK មកគោះទ្វារផ្ទះស្នើអោយចុះហត្ថលេខាលើកិច្ចសន្យាទូរទស្សន៍ ហើយមិនស្តាប់មូលហេតុបដិសេធឡើយ។ បុគ្គលិកមិនខ្វល់ថាមានអ្នកមើល NHK ឬគ្មានទូរទស្សន៍នោះទេ ពួកគេមិនព្រមចាកចេញរហូតដល់អ្នកចុះហត្ថលេខាលើឯកសារ។
ប្រជាជនជប៉ុនទម្លាប់នឹងការមកសួរបែបនេះហើយបដិសេធមិនបើកទ្វារ។ វីដេអូខាងក្រោមបង្ហាញអំពីករណីស្រដៀងនេះ។
ទោះជាយ៉ាងណាករណីបុរសក្នុងស្ថានភាពខាងលើជាជនបរទេស មិនគួរធ្វើបែបនេះទេ។ ប្រហែលបុរសម្នាក់នេះយល់ថាគាត់កំពុងត្រូវគេទារប្រាក់ ហើយវាយប្រហារបុគ្គលិកនោះដើម្បីការពារខ្លួន។
រូបភាព https://snjpn.net/archives/152019
ប៉ូលីសកំពុងតែធ្វើការស៊ើបអង្កេតឧប្បត្តិហេតុនេះ ប៉ុន្តែបណ្តាញអ្នកលេងអុីនធឺណែតបែរជាគាំទ្រជនសង្ស័យ។ ខាងក្រោមនេះជាយោបល់មួយចំនួន៖
“ធ្វើបានល្អណាស់”
“គាត់មិនមានកំហុសទេ គាត់ត្រូវគេបង្ខំអោយចុះកិច្ចសន្យាដែលគាត់មិនយល់ទាល់តែសោះ”។
“ជ្រុលដៃបន្តិចប៉ុន្តែខ្ញុំយល់”
“ជាការពិតអ្នកមិនដឹងពីរបៀបដែលបុគ្គលិក NHK ធ្វើការទេ។ តើអ្នកនឹងដោះស្រាយយ៉ាងដូចម្តេចនៅពេលមានគេមកទារលុយរបស់អ្នក?”
“ទោះបីគាត់ចេះភាសាជប៉ុនបន្តិចបន្តួចក៏ដោយ ប៉ុន្តែប្រហែលជាពិបាកសម្រាប់គាត់ក្នុងការយល់ពីអ្វីដែលបុគ្គលិកកំពុងពន្យល់”។
“ទោះបីមានការគាំទ្រពីបណ្តាញអ្នកលេងអីុនធឺណែត ប៉ុន្តែការវាយប្រហារទៅលើអ្នកដទៃគឺជាអាកប្បកិរិយាមិនត្រឹមត្រូវ ដូច្នេះនៅតែត្រូវរង់ចាំការសន្និដ្ឋានចុងក្រោយពីប៉ូលីស”។
ប្រភព Headlines.yahoo.co
Sacchan
-
ទស្សនៈគំនិតនៃ “អំពើអាក្រក់ចាំបាច់” នៅក្នុងសង្គមជប៉ុន -
ហេតុអ្វីក្រុមហ៊ុន និងសាលារៀនជប៉ុនកំណត់យកខែមេសាដើម្បីចាប់ផ្តើមការងារ ឬឆ្នាំសិក្សាថ្មី -
លោកតាម្នាក់នៅជប៉ុនចំណាយពេល ៤ ខែប្រឈមនឹងហាងដែលបំពានចិញ្ចើមផ្លូវសម្រាប់អ្នកថ្មើរជើង -
ពិធីបុណ្យពន្លឺស្អាតទាក់ទាញភ្ញៀវទេសចរណ៍ជាច្រើនមកទស្សនា -
កាន់តែមានភាពងាយស្រួលសម្រាប់អ្នកចង់ទៅលេងជប៉ុន ក្រោយជប៉ុនអនុញ្ញាតអោយភ្ញៀវទេសចរណ៍កម្ពុជាប្រើទិដ្ឋាការអេឡិចត្រូនិច -
ឆ្មាមួយក្បាលទទួលបានការសរសើរពីប៉ូលីសជប៉ុនដោយសារជួយសង្គ្រោះបុរសម្នាក់ធ្លាក់ចូលប្រឡាយទឹក