ទំព័រដើម
ពត៌មាន
យុវជនជប៉ុនអាយុ ២៨ ឆ្នាំស្លាប់បន្ទាប់ពីគេងហាលថ្ងៃក្រោមកម្តៅ ៩០ អង្សារ – ប្រជាជនជាច្រើននាក់ចូលមន្ទីរពេទ្យដោយសារអាកាសធាតុក្តៅ

យុវជនជប៉ុនអាយុ ២៨ ឆ្នាំស្លាប់បន្ទាប់ពីគេងហាលថ្ងៃក្រោមកម្តៅ ៩០ អង្សារ – ប្រជាជនជាច្រើននាក់ចូលមន្ទីរពេទ្យដោយសារអាកាសធាតុក្តៅ

ថ្ងៃអង្គារ 13/08/2019 | 20:41 ល្ងាច

យុវជនជប៉ុនអាយុ ២៨ ឆ្នាំ រស់នៅក្នុងទីក្រុង Yatomi ខេត្ត Aichi បានស្លាប់បន្ទាប់ពីគេងហាលក្តៅខាងក្រោយផ្ទះក្នុងអាកាសធាតុអាក្រក់នៃរដូវក្តៅនៅប្រទេសជប៉ុន។

ម្តាយជនរងគ្រោះបាននិយាយថាគាត់មានទំលាប់ហាលថ្ងៃដើម្បីធ្វើអោយស្បែកមានពណ៌ខ្មៅ ទោះយ៉ាងណានៅថ្ងៃអង្គារ ទី ៣ ខែសីហា ពេលម្តាយត្រលប់មកផ្ទះវិញនៅវេលាម៉ោង ៣ៈ២០ នាទីល្ងាច ប្រទះឃើញកូនប្រុសដេកសន្លប់ស្តូកនៅលើកៅអីក្រោយសួនច្បារ។

នៅពេលបុគ្គលិកមន្ទីរពេទ្យបានមកដល់ បុរសម្នាក់នោះកំពុងស្ថិតក្នុងស្ថានភាពបេះដូងឈប់លោត។ ជនរងគ្រោះភ្លាមៗនោះត្រូវបានបញ្ជូនទៅមន្ទីរពេទ្យ ប៉ុន្តែការខិតខំសង្គ្រោះជីវិតរបស់វេជ្ជបណ្ឌិតសុទ្ធតែគ្មានប្រយោជន៍។ ស្ថានភាពរបស់ជនរងគ្រោះមិនអាចសង្គ្រោះបានទេ។

ជនរងគ្រោះបានស្លាប់ក្រោយរយៈពេលត្រឹមតែ ៤០ នាទី។ វេជ្ជបណ្ឌិតសន្និដ្ឋានពីមូលហេតុនៃការស្លាប់ដោយសារកម្តៅព្រះអាទិត្យ។

រដូវក្តៅនៅប្រទេសជប៉ុនសីតុណ្ហភាពពេលថ្ងៃប្រហែល ៣១ ដល់ ៤១ អង្សារសេ។ កំឡុងពេលមានគ្រោះថ្នាក់ សីតុណ្ហាភាពនៅក្រុង Asai ប្រហែល ៣២ ដល់ ៣៣ អង្សារសេ។

បច្ចុប្បន្នមិនទាន់កំណត់បាននៅឡើយថាបុរសម្នាក់នេះហាលថ្ងៃយូរប៉ុណ្ណា ទើបធ្លាក់ក្នុងស្ថានភាពបេះដូងឈប់លោត។ ជាមួយនឹងកម្តៅព្រះអាទិត្យ និងសំណើមខ្ពស់នៃអាកាសធាតុក៏រួមចំណែកដល់គ្រោះថ្នាក់បណ្តាលអោយស្លាប់ផងដែរ។ បង្កអោយមានជំងឺដាច់សរសៃឈាមក្នុងខួរក្បាល និងខ្វះទឹក។

នៅថ្ងៃដដែលដូចជាជនរងគ្រោះខាងលើ មានមនុស្ស ៦៨ នាក់ផ្សេងទៀតនៅខេត្ត Aichi ត្រូវបញ្ជូនចូលមន្ទីរពេទ្យដោយសារអាកាសធាតុក្តៅពេក។

រូបភាព https://rainmakerofnews.com/9522.html

ចាប់ពីថ្ងៃទី ២៩ ខែកក្កដា រហូតដល់ ថ្ងៃទី ៤ ខែសីហាមានប្រហែល ៥៧ ករណីស្លាប់ និង ១៨,០០០ ករណី ចូលមន្ទីរពេទ្យដោយសារអាកាសធាតុក្តៅពេក ព័ត៌មានពីភ្នាក់ងារគ្រប់គ្រងគ្រោះធម្មជាតិ និងអគ្គិភ័យជាតិ។

Sacchan