បរិយាកាស​ធ្វើ​ការ​ថ្មីនៅ​ក្នុង​ក្រុម​ហ៊ុន​ជប៉ុននាពេលបច្ចុប្បន្ន

តើអ្នកដឹងទេថាបរិយាកាសការងារបច្ចុប្បន្ននៅក្នុងប្រទេសជប៉ុនកំពុងមានការផ្លាស់ប្តូរច្រើន? 

ពិតណាស់អ្វីៗទាំងអស់មិនផ្លាស់ប្តូរទាំងស្រុងទេ​ ប៉ុន្តែ​មាន​វិធី​ធ្វើ​ការ​ជាច្រើនពីមុន​មិន​ដែល​គិត​ថាអាច​យក​មក​ប្រើបាន​ទេ​។

សម្លៀកបំពាក់ធម្មតា

រូបភាព https://www.pasonacareer.jp/hatalabo/entry/2015/12/16/102350

កាល​ពី​មុន​ពេល​និយាយ​ពី​បុគ្គលិក​ការិ​យាល័យ​ យើង​នឹង​គិត​ភ្លាម​ពី​បុគ្គលិក​ពាក់​អាវក្រសេ និង​​ក្រវាត់​កសមរម្យ។ ទោះយ៉ាងណាសម្លៀកបំពាក់ប្រចាំថ្ងៃកំ​ពុង​ត្រូវបានទទួលយកបណ្តើរៗ។ ដូចជា​រូប​ភាព​ខាងលើការ​ដែល​មិន​ពាក់​ក្រវាត់​កលែងជាបញ្ហាធំទៀតហើយ។ 

អាស្រ័យ​លើ​ក្រុម​ហ៊ុន​ខុសគ្នា កន្លែងខ្លះថែមទាំងអនុញ្ញាតអោយនិយោជិកពាក់ស្បែកជើងប៉ាតា និងពាក់អាវយឺតទៅធ្វើការទៀត។ ប៉ុន្តែ​ទៅ​ធ្វើ​ការ​មិន​មែន​ទៅ​ដើរ​លេង​ទេ ដូច្នេះ​ត្រូវ​មាន​ដែន​កំ​ណត់ ឧទាហរណ៍ដូចជា​ខោខ្លីឬ Sandal ទៅ​សមុទ្រ។

Free Address – កន្លែងអង្គុយសេរី

រូបភាព https://www.qualitysoft.com/corporate/csr/work/

កាលពី​មុន​បុគ្គលិក​នីមួយៗត្រូវ​បាន​កំ​ណត់​កន្លែង​អង្គុយ​ដាច់ដោយឡែក។ ទៅ​ដល់​ក្រុម​ហ៊ុន​អង្គុយត្រូវ​កន្លែង​របស់​ខ្លួន។ ប៉ុន្តែឥឡូវនេះនៅពេលដែលយើងនិយាយអំពី Free Address (អាច​បក​ថាកន្លែង​អង្គុយសេរី) និយាយ​អំ​ពី​ទម្រង់​ក្រុម​ហ៊ុន​មិន​កំ​ណត់​កន្លែង​អង្គុយ។ ទម្រង់​ក្រុមហ៊ុន​បែប​នេះកំ​ពុង​តែ​កើន​ឡើង។

​ហេតុ​អ្វីទម្រង់​ការ​ងារ​បែប​នេះត្រូវ​បាន​ទទួល​យកនៅក្នុងក្រុមហ៊ុនជប៉ុនសព្វថ្ងៃ តើអ្នកដឹងទេ? 

ដើម្បី​សន្សំ​កន្លែង ប្រសិន​វា​ជាកន្លែង​ផ្ទាល់​ខ្លួន​របស់​អ្នក​ យើ​ង​មាន​ទំ​នោរនឹង​ដាក់​ឥវ៉ាន់​នៅ​កន្លែង​នោះមែន​ទេ? ហើយប្រសិនបើវាជាកន្លែងអង្គុយសេរី អ្នក​នឹង​មិន​ដាក់​ឥវ៉ាន់​ច្រើន​កុំ​អោយ​ចំ​ណាយ​ពេល​រៀបចំ។ គ្មាន​កន្លែង​ដាក់​សម្ភារៈ ដូច្នេះយើង​នឹងកាត់បន្ថយបរិមាណប្រើក្រដាស ហើយ​ការ​ចំ​ណាយ​ទិញ​ក្រដាសនឹង​កាត់​បន្ថយទៅ​តាម​ដែរ។ នៅពេលធ្វើតាមវិធីនេះទំហំ​កន្លែង​អង្គុយ​របស់​បុគ្គលិក​ម្នាក់បាន​ថយ​ចុះពី ៤០%-៥០%។

ក្រៅពី​នេះជារៀង​រាល់​ថ្ងៃយើង​ត្រូវ​រៀប​ចំ​កន្លែង​ធ្វើ​ការ​មុន​ពេល​ទៅ​ផ្ទះ ដូច្នេះ​បន្ទប់​តែង​រក្សាអនាម័យ​ស្អាត។

ម្យ៉ាង​ទៀត​មិន​ចាំ​បាច់​អង្គុយ​នៅ​ក្បែរមនុស្ស​តែ​ម្នាក់​​រាល់​ថ្ងៃ រាល់ថ្ងៃអង្គុយក្បែរមនុស្សម្នាក់នឹងជួយអ្នកពង្រីក​ទំនាក់ទំនងថ្មី នាំមក​នូវអត្ថប្រយោជន៍កាន់តែប្រសើរសម្រាប់ជីវិត និងការងារ។

ទោះបីជាមានចំណុចល្អ​ជាច្រើនដូចខាងលើ វិធី​នេះ​មាន​ចំ​ណុច​មិន​ល្អ​មួយ​គឺ​ពិបាក​គ្រប់​គ្រង​ពេលវេលា​ធ្វើ​ការ។ នៅ​ក្រុម​ហ៊ុន​ដែល​មាន​ចំ​នួន​បុគ្គលិក​ច្រើន​ ប្រសិន​បើ​មិន​អង្គុយ​តាម​ការ​កំ​ណត់នឹង​មិន​ដឹង​ថា​បុគ្គលិក​​ណាមិន​ទៅ​ធ្វើ​ការ​ទេ ហើយ​អាច​នឹង​មាន​ករណី​គេចពី​ការងារ។

ជាការពិតណាស់នៅពេលដែលអ្នកគេចពី​ការ​ងារ​ត្រូវ​វាយ​តម្លៃមិន​ល្អ ដូច្នេះសមត្ថភាពគ្រប់គ្រងការ​ងារដោយ​ខ្លួនឯងរបស់​បុគ្គលិក​គឺជាភាព​ចាំបាច់ពេល​អនុវត្តវិធីសាស្ត្រនេះ។

ពេលវេលាសេរី

រូបភាព https://tenshoku.mynavi.jp/knowhow/caripedia/65

ពេលវេលាធ្វើការនឹងត្រូវបានកំណត់ដោយខ្លួនអ្នក​។ ប្រសិនបើអ្នកជាអ្នកក្រោកពីព្រលឹម អ្នកអាចទៅធ្វើការពីព្រឹក មិនចូលចិត្តជិះរថភ្លើងដែលមានមនុស្សច្រើន និង​ប្រជ្រៀតគ្នា​រាល់​ព្រឹក អ្នកអាចទៅធ្វើការយឺតបន្តិចក៏​បាន។ អ្នក​អាច​ទៅ​ធ្វើ​ការ​នៅពេលរសៀល ហើយត្រលប់ទៅ​ផ្ទះពាក់កណ្តាលអធ្រាត្រក៏មិនអីដែរ។

ប៉ុន្តែទោះបីជាពេលវេលាសេរីយ៉ាង​ណាក៏​ដោយក៏​ត្រូវ​តែកំ​ណត់​ពេលវេលាថេរហៅ​ថា Core Time។ Core Time គឺជាពេលវេលាដែលយើងប្រមូលផ្តុំគ្នាដើម្បីបំពេញភារកិច្ចសំខាន់ៗឧទាហរណ៍ដូចជាប្រជុំ។

ធ្វើ​ការ​ពី​ចម្ងាយ

រូបភាព https://www.lifehacker.jp/2016/11/161123remote_work_howtoask.html

អ្នក​អាច​ធ្វើ​ការ​នៅ​ផ្ទះ នៅ​ហាង​កាហ្វេ ឬសូម្បី​តែ​អង្គុយ​នៅ​ឆ្នេរសមុទ្រក៏​អាច​ធ្វើ​ការ​បាន​ដែរ​។ ប្រសិនបើក្រុមហ៊ុនមាន​កិច្ច​ប្រជុំ ទោះបីជាអ្នកនៅបរទេសក៏ដោយអ្នកនៅតែអាចចូល​រួម​តាមរយៈកុំព្យូទ័រ។ វិធីសាស្រ្តធ្វើការពីចម្ងាយល្អ​ជាងកន្លែង​អង្គុយសេរីនៅ​ក្រុម​ហ៊ុន ដោយសារមិនចាំបាច់ជួលការិយាល័យសម្រាប់បុគ្គលិក​ ដូច្នេះ​ការចំណាយប្រតិបត្តិការនឹងកាត់បន្ថយច្រើន​ ទន្ទឹមនឹងនេះនឹងជួយសន្សំសំចៃមួយផ្នែកនៃថ្លៃអគ្គិសនី និងទឹក។

ការងារពីចម្ងាយក៏ផ្តល់ភាពងាយស្រួលដល់បុគ្គលិក​ស្រីដែលមានកូនតូចផងដែរ។

ក្រុមហ៊ុនជប៉ុនឥឡូវនេះកំពុងព្យាយាមបង្កើតបរិយាកាសការងារប្រកបដោយផាសុកភាពសម្រាប់និយោជិករបស់ពួកគេ។ ទោះបីជាមិនគ្រប់គ្រងតឹងរឹង បុគ្គលិក​ម្នាក់​ៗត្រូវ​ខិត​ខំ​ធ្វើការ​ងារ។

តើអ្នក​ចូលចិត្ត​បរិយា​កាស​ការ​ងារ​បែប​ណា?

Kengo Abe