គំរូ​ក្រដាស​ប្រាក់ថ្មី​ទាំង ៣ របស់​ជប៉ុនគ្រោង​នឹង​ផ្លាស់​ប្តូរ​ក្រោយរយៈ​ពេល ២០ ឆ្នាំ

ថ្ងៃទី ៩ ខែមេសាក្រសួងហិរញ្ញវត្ថុបានប្រកាសសេចក្តីសម្រេចចិត្តផ្លាស់ប្តូរការ​រចនា​រូបិយ​ប័ណ្ណ​បច្ចុប្បន្ន​។ នេះ​ជា​លើក​ដំ​បូង​ក្រោយរយៈ​ពេល ២០ ឆ្នាំដែលរដ្ឋាភិបាលថ្មីរបស់ជប៉ុនបានបញ្ចេញក្រដាសប្រាក់ថ្មី។ គោលនយោបាយដើម្បីទប់ស្កាត់ការក្លែងបន្លំក្រដាស​ប្រាក់​នៅក្នុងប្រទេសជប៉ុន។

រដ្ឋមន្ត្រីហិរញ្ញវត្ថុ Taro Aso បាន​ថ្លែង៖ “ជាមួយ​នឹង​ការ​ផ្លាស់​ប្តូរ​ថ្មី​ក្នុង​វិស័យ​ជាច្រើន​ដូចជាវិទ្យាសាស្ត្របច្ចេកទេស ការ​អប់​រំ សកម្ម​ភាព​សង្គម​របស់​ស្ត្រី -ល- ​បច្ចុប្បន្ន​នេះមានការផ្លាស់ប្តូរជាច្រើនដូច្នេះ​ក្នុង​ឳកាសសម័យ​កាល​ថ្មី ក្នុង​ពេលជាមួយគ្នានេះប្រទេសជប៉ុននឹងផ្លាស់ប្តូររូបភាពលើ​ក្រដាស​ប្រាក់”។

ខាង​ក្រោម​នេះ​ជាគំរូ​ក្រដាស​ប្រាក់​ចំនួន​ ៣ គ​ម្រោង​នឹង​ផ្លាស់​ប្តូរ​ តម្លៃ​រក្សា​នៅ​ដដែលគឺ ១០,០០០ យ៉េន ៥,០០០​ យ៉េន ១,០០០ យ៉េន។

គំរូ​ក្រដាស​ប្រាក់ទាំង​ ៣ ត្រូវ​បាន​ប្រកាសនៅក្នុងសន្និសីទសារព័ត៌មានថ្ងៃទី ៩ ខែមេសា (ខាង​ឆ្វេងសន្លឹក​ខាង​មុខ ខាង​ស្តាំសន្លឹក​ខាង​ក្រោយ)។

រូបភាព BIGLOBEニュース

រូបភាពមនុស្ស​នៅ​លើ​សន្លឹកខាង​មុខ​ក្រដាស​ប្រាក់។

ក្រដាស​ប្រាក់ ១០,០០០ យ៉េនគឺ​ជា Shibusawa Eiichi ពាណិជ្ជករ​ដែល​គេ​ហៅ​ថា “ឪពុកនៃសេដ្ឋកិច្ចរបស់​ប្រទេសជប៉ុនសម័យទំនើប”។

ក្រដាស​ប្រាក់ ៥,០០០ យ៉េនជារូបភាព​របស់ Tsuda Umeko ជា​សមាជិក​ម្នាក់ (ពេល​នោះ​អាយុ ៧ ឆ្នាំ) នៃគណៈប្រតិភូ Iwakura គឺជាបេសកកម្មការទូតនៅជុំវិញពិភពលោកក្រោមសម័យកាល Meiji។ គាត់​ជា​អ្នក​បើក​ផ្លូវនៃបដិវត្តន៍អប់រំសម្រាប់ស្ត្រី ក្រោយមកគាត់​បានបង្កើតសាកលវិទ្យាល័យ Tsuda។

ក្រដាស​ប្រាក់ ១,០០០ យ៉េនគឺ Kitasato Shibasaburo អ្នក​ដែល​បានរកឃើញវិធីព្យាបាលជំងឺ Tetanus។

រូបភាព 日本経済新聞

ខាង​ក្រោយ​ក្រដាស​ប្រាក់ ១០,០០០​ យ៉េនជាស្ថានីយ៍ Tokyo ខ្សែ Marunouchi។ ខាង​ក្រោយ​ក្រដាសប្រាក់ ៥,០០០ យ៉េនគឺជាផ្កា wisteria។ ចំណែក​ខាង​ក្រោយ​ក្រដាស​ប្រាក់ ១,០០០ យ៉េនគឺជាគំនូរដ៏ល្បីនៅ Kanagawa ស្ថិត​ក្នុង​ស្នាដៃ “៣៦ កន្លែង​ស្អាតនៃ​ភ្នំ Fuji” នៃវិចិត្រករ Katsushika Hokusai។

លើសពី​នេះយោងតាមគំរូក្រដាស​ប្រាក់​លើ​ពិភព​លោក ​លេខដែលបង្ហាញនៅលើក្រដាសប្រាក់នីមួយៗមានទំហំធំជាងមុន។

បន្ទាប់​មក​ទៀតក្រដាស​ប្រាក់ ៥០០ យ៉េនក៏​​មាន​ ២ គំរូខាង​ក្នុង​មាន​លោហៈ។ នេះក៏ជាវិធានការប្រឆាំងការក្លែងបន្លំក្រដាសប្រាក់ដែលក្រសួងហិរញ្ញវត្ថុបានលើក​ឡើង។

រូបភាព https://www.tokyo-np.co.jp/

គម្រោង​គំរូ​ក្រដាស​ប្រាក់​ថ្មីនឹង​ប្រើ​ជាផ្លូវ​ការពីពាក់កណ្តាលឆ្នាំ ២០២៤។

ប្រភព TBS

Chee

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: