គូស​លេង​លើ​រថភ្លើង​មួយ​ឆ្នាំ​មុន​ មួយឆ្នាំក្រោយត្រឡប់មកជប៉ុន​វិញពលរដ្ឋអូស្រ្តាលីត្រូវចាប់ខ្លួន

បុរស​ម្នាក់​មាន​សញ្ជាតិអូស្រ្តាលីត្រូវ​ចាប់​ខ្លួន​ដោយ​សារ​តែ​គូស graffiti លើរថ​ភ្លើង​នៅ Tokyo រយៈពេលមួយ​ឆ្នាំមុន បន្ទាប់ពីគាត់បានទៅប្រទេសជប៉ុនដើម្បីកំ​សាន្ត។

តាម​ NHK ជនសង្ស័យមាន​ឈ្មោះ​ថា Paul Han បាន​ចូល​ទៅ​ផ្លូវ​រថ​ភ្លើង​ Koishikawa នៅ​ម៉ោង​ប្រហែល​ ១ ព្រឹក​ថ្ងៃទី​ ១៩ ខែ​កុម្ភៈ ឆ្នាំ២០១៨។ របាយការណ៍ប៉ូលីសបានបង្ហាញថាបុរស​នេះទៅជាមួយមនុស្សម្នាក់ផ្សេងទៀតពេលដែលកំ​ពុង​គូស​ graffiti បច្ចុប្បន្ន​មិន​ទាន់​ដឹង​អំពី​អត្ត​សញ្ញាណអ្នកសមគំនិតទេ។

បុរសម្នាក់​នេះ​ និង​មិត្ត​ភក្តិ​ចំណាយ​ពេល​ ៩០ នាទីដើម្បី​គូស​គំ​នូរ​ graffiti ធំលើ​រថភ្លើង​ក្រោម​ដីនៅ Tokyo Metro Marunouchi Line។ ប៉ូលីសអាចកំណត់អត្តសញ្ញាណរបស់ Han តាមរយៈរូបភាពពីកាមេរ៉ាសុវត្ថិភាព។ ប៉ុន្តែ​ពេល​នោះប៉ូលីស​មិន​អាច​ចាប់​ខ្លួន​បុរស​នេះបានពី​ព្រោះជនសង្ស័យបានចាកចេញពីប្រទេសជប៉ុនមួយសប្តាហ៍ក្រោយពេល​គូស។

https://twitter.com/OonaMcGee/status/1113769823811452929?ref_src=twsrc%5Etfw%7Ctwcamp%5Etweetembed%7Ctwterm%5E1113769823811452929&ref_url=https%3A%2F%2Fjapo.vn%2Fcontents%2Ftin-tuc%2F94193.html

ទោះយ៉ាងណានៅ​ថ្ងៃទី ៣ ខែមេសា​ឆ្នាំ​នេះ Han បាន​ត្រលប់​មក​ប្រទេសជប៉ុន​វិញ។ នៅពេលគាត់កំ​ពុង​ត្រៀមខ្លួនចូលព្រលានយន្តហោះ Narita គាត់ត្រូវបានចាប់ខ្លួនភ្លាម និងត្រូវ​ឃុំខ្លួន។

អាជ្ញាធរបានចាប់​ខ្លួន​ Han ជោគ​ជ័យដោយ​សារតែតាមដានទិន្នន័យដែល​ Han បាន​ជួល​រថយន្ត កត់ត្រាការ​ធ្វើដំណើរទាំងអស់របស់ជនសង្ស័យនៅក្នុងខេត្ត Kanagawa និងខេត្ត Miyagi ស្ថិត​នៅភាគឦសានប្រទេសជប៉ុន។ ប៉ូលីសកំពុងព្យាយាមស៊ើបអង្កេតថាតើ Han មានពាក់ព័ន្ធនឹងគំនូរ graffiti ខុសច្បាប់ដទៃទៀតនៅក្នុងតំបន់នេះទេ ឬ​នោះជាសកម្មភាព​របស់​ជ​ន​ផ្សេង​ទៀត។

ក្នុងអំឡុងពេលស៊ើបអង្កេត Han ប៉ូលីសបានរកឃើញភស្តុតាងរួមមានកំប៉ុងបាញ់ពណ៌ ប៊ិចសញ្ញាសម្គាល់ ឧបករណ៍​បំបែក​សោរ ពិល​ពាក់​លើ​ក្បាល កែវយឹត និង​មា៉សីុន​ថត GoPro។ អាជ្ញាធរជឿថា Han អាច​នឹង​ប្រព្រឹត្ត​ឡើង​វិញ​ពេល​ដែល​មក​ប្រទេស​ជប៉ុនម្តង​ទៀត​។

ទោះបីជាមានភស្តុតាងខាងលើក៏ដោយបុរសម្នាក់នេះបដិសេធការទទួលខុសត្រូវរបស់គាត់ចំពោះគំនូរ graffiti ដែល​គេ​រក​ឃើញ​នៅ​ឆ្នាំមុន​។ បច្ចុប្បន្នគាត់កំពុងប្រឈមនឹងការចោទប្រកាន់បង្កការខូចខាតទ្រព្យសម្បត្តិហើយ​គាត់​អាច​ជាប់ពន្ធនាគាររហូត​ដល់​ទៅ ៣​ឆ្នាំ។

ប្រភព ANNnewsCH

Sacchan

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: