ទំនើបហួស! ក្រុមហ៊ុនបច្ចេកវិទ្យាជប៉ុនបានដាក់ដំណើរការ AI ដើម្បីចាប់សកម្មភាពចោរលួចទោះបីគ្រាន់តែជាបំណងក៏ដោយ

ថ្ងៃចន្ទ 11/03/2019 | 12:33 ល្ងាច

ក្រុមហ៊ុន Startup បច្ចេកវិទ្យានៅ Tokyo ប្រទេសជប៉ុន បានបង្កើតកម្មវិធីគំនិតសិប្បនិមិ្មតមានសមត្ថភាពអាចរកឃើញសកម្មភាពលួចរបស់ចោរ។

ក្រុមហ៊ុន Vaak ស្ថិតនៅ Chiyoda, Tokyo បានដាក់ឈ្មោះអោយកម្មវិធីនេះថា Vaak Eye មានសមត្ថភាពវិភាគខ្លាំង ចង្អុលបង្ហាញហេតុផល និងព្យាករណ៍ចេញពីកន្លែងផ្ទុកទិន្នន័យដែលប្រមូលបានជាង ១០០,០០០ ម៉ោងសង្កេត។

តាមរយៈអ្នកបង្កើត Vaak, Ryo Tanaka បានអោយដឹងថា៖

“យើងបានបោះជំហានសំខាន់ទៅដល់សង្គមមួយជាកន្លែងដែលពួកចោរលួចត្រូវបានរារាំងដោយកម្មវិធី AI”។

Vaak Eye ប្រាប់មុនម្ចាស់ហាងដោយផ្អែកលើការវិភាគជាង ១០០ ចំនុចនៃភិនភាគបុគ្គលនោះរួមមានមុខមាត់ សម្លៀកបំពាក់ ទិសដៅ និងរបៀបផ្លាស់ទីដើម្បីទាយពីគោលបំណងរបស់អ្នកទិញទំនិញ។ ក្រៅពីនេះកម្មវិធីទិន្នន័យមានស្រាប់ដូចជាលក្ខខណ្ឌអាកាសធាតុ និងអាត្រាឧក្រិដ្ឋកម្មដើម្បីបង្កើនប្រសិទ្ធភាពនៃការព្យាករណ៍។

នៅក្នុងវីដេអូ demo, Vaak Eye នឹងចាប់ផ្តើមកំណត់អត្តសញាណបុគ្គលតាមព័ត៌មានដូចជា ភេទ អាយុ ទីតាំង វត្ថុដែលនាំមកជាមួយ និងសកម្មភាពហើយក្នុងពេលតែមួយគណនាអត្រាសង្ស័យ។ ប្រព័ន្ធរក្សាទុកព័ត៌មានទាំងអស់ដែលមនុស្សម្នាក់នេះទិញឬមានបំណងចង់ទិញក៏ដូចជាពេលវាលាបុរសកាន់ទំនិញមួយនោះ។

ពីមុនគេចាប់ភស្តុតាងកម្មភាពលួចចំណែក Vaak Eye នឹងបញ្ចូនដំណឹងប្រាប់បុគ្គលិកតាមរយៈ App ទូរស័ព្ទ។ ពេលនោះបុគ្គលិកអាចប្រុងប្រយ័ត្នហើយអាចរារាំងសកម្មភាពលួចទាន់ពេល។

ចាប់ពីថ្ងៃទី ១២ ខែធ្នូ ឆ្នាំមុន កម្មវិធីបានរកឃើញចោរយ៉ាងហោចណាស់ ៧ នាក់ក្នុងការពិសោធមួយចំនួននៅហាងលក់ទំនិញ។ បច្ចេកវិទ្យានេះត្រូវបានគត់សម្គាល់ថាអាចកាត់បន្ថយជាង ៧៥% ករណីលួចតាមរយៈ IT Media។

បច្ចុប្បន្ន Vaak នឹងបន្តសម្រាប់ការពិសោធ Vaak Eye ក្នុងហាងលក់ទំនិញទាំង ១៦ ផ្សេងទៀតនៅ Tokyo។ ជាមួយភាពងាយស្រួលកម្មវិធីនេះទំនងជាអាចត្រូវបានបង្កើត និងប្រើប្រាស់ទូលំទូលាយនៅថ្ងៃអនាគត។ ទោះជាយ៉ាងណា ដោយសារការតាមដានខ្ពស់ពេកហាងលក់នឹងមិនប្រើវាដោយបើកចំហដើម្បីកុំអោយប៉ះពាល់ដល់អតិថិជន។

ប្រភពបន្ថែម IT MEDIA

Sacchan