ជិះរថភ្លើងក្រោមដីមុនម៉ោងទទួលបានឈុតអាហារ

ថ្ងៃអាទិត្យ 10/02/2019 | 9:50 ព្រឹក

ប្រសិនបើអ្នកដំណើរលើសពី ៣០០០ នាក់ អ្នកដំណើរម្នាក់ៗនឹងមានឱកាសទទួលបាន combo រួមមានមី Soba និង tempura។

រូបភាព TTXVN

អ្នកដំណើរនៅស្ថានីយ៍រថភ្លើងក្រោមដីនៃទីក្រុង Tokyo

ជាខ្សែរថភ្លើងក្រោមដី (metro) ច្រើនបំផុតនៅទីក្រុង Tokyo នៅប្រទេជប៉ុនកំពុងតែសង្ឃឹមថានឹងទាក់ទាញចិត្តរបស់អ្នកដំណើរតាមរយៈការផ្តល់ជូនអាហារសម្រាប់ពួកគេ ហើយវាអាចកាត់បន្ថយការកកស្ទះដោយផ្តល់អាហារឥតគិតថ្លៃនៅម៉ោងមានអ្នកដំណើរច្រើន។

ការប៉ាន់ប្រមាណប្រហែល ៧,២ លាននាក់ប្រើប្រាស់ប្រព័ន្ធ metro ខ្នាតធំនៃ Tokyo ជារៀងរាល់ថ្ងៃ ជាមួយនឹងខ្សែរថភ្លើងខ្លះស្ថិតក្នុងស្ថានភាពកកស្ទះមនុស្ស នៅម៉ោងដែលប្រជាជនទៅធ្វើការ។

Tozai ជាខ្សែរថភ្លើង metro រងផលប៉ះពាល់ធ្ងន់ធ្ងរបំផុត ដោយសារតែស្ថានភាពកកស្ទះ។ ហេតុនេះ Tokyo Metro ផ្នែកបើកដំណើរការខ្សែនេះកំពុងខំប្រឹងបញ្ចុះបញ្ចូលអ្នកដំណើរប្រើប្រាស់ខ្សែរថភ្លើងក្រោមដីមុនម៉ោងមមាញឹកពេលព្រឹក។

ប្រសិនបើបញ្ចុះបញ្ចូលយ៉ាងតិចបំផុត ២០០០ នាក់ដំណើរក្នុងរយៈពេល ២ សប្តាហ៍ទៀត Tokyo Metro និងផ្តល់ជូនសម្រាប់អ្នកដំណើរម្នាក់ៗមួយឈុត tempura ឥតគិតថ្លៃ (មុខម្ហូបចៀនដ៏ល្បីឈ្មោះរបស់ជប៉ុន)។

ការផ្តល់ជូននេះនឹងកាន់តែច្រើនជាមួយនឹងមី Soba ប្រសិនបើមាន ២.៥០០ នាក់ដំណើរជិះខ្សែរថភ្លើងមុនម៉ោងរាល់ព្រឹកក្នុងថ្ងៃសម្រាប់រយៈពេលជាក់លាក់ណាមួយ។

ប្រសិនបើលើស ៣០០០ នាក់ដំណើរ អ្នកដំណើរម្នាក់ៗនឹងមានឱកាសទទួលបាន combo មួយរួមទាំងមី Soba និង Tempura។

អ្នកនាំពាក្យរបស់ Tokyo Metro លោក Takeshi Yamshita សង្ឃឹមថាគំនិតផ្តួចផ្តើមនេះនឹងជួយអោយអ្នកដំណើរបន្តប្រើខ្សែរថភ្លើងមុនម៉ោងជួយកាត់បន្ថយស្ថានភាពលើសចំនុះក្នុងម៉ោងមមាញឹកខ្លាំង។

គំនិតខាងលើត្រូវបានអនុវត្តពេលរដ្ឋាភិបាលទីក្រុង Tokyo ចាប់ផ្តើមអនុវត្តក្នុងរយៈពេលពីរសប្តាហ៍នាពេលខាងមុខដើម្បីលើកទឹកចិត្តប្រជាជនធ្វើដំណើរដោយរថភ្លើងសាធារណៈដែលមិនមែនជាម៉ោងមមាញឹក។

ដើម្បីជួយសម្រួលទៅនឹងយុទ្ធសាស្រ្តនេះជាង ១០០០ កន្លែងអាជីវកម្មបានអនុញ្ញាតអោយបុគ្គលិករបស់ពួកគេចាប់ផ្តើម និងបញ្ចប់ម៉ោងធ្វើការមុនម៉ោង ឬអាចធ្វើការនៅផ្ទះ។

ភ្នាក់ងារប្រតិបត្តិការប្រព័ន្ធ metro របស់ជប៉ុនក្នុងរយៈពេលកន្លងទៅបានបន្តការខំប្រឹងអនុវត្តផែនការនេះដើម្បីកាត់បន្ថយស្ថានភាពកកស្ទះនៅម៉ោងមមាញឹក ជាពិសេសគឺខ្សែរថភ្លើង Tozai តភ្ជាប់រវាងតំបន់ជាយក្រុងភាគខាងកើតនៃ Tokyo និងខេត្ត Chiba ជាមួយនឹងតំបន់ការិយាល័យជាកន្លែងអាជីវកម្មធំបំផុតលើពិភពលោក។

ក្នុងរយៈពេលពីម៉ោង ៧ៈ៥០នាទី ដល់ ៨ៈ៥០ នាទីព្រឹករាល់ថ្ងៃ មានជាង ៧៦.០០០ នាក់ដំណើរប្រើខ្សែរថភ្លើង metro នេះច្រើនទ្វេដងបើប្រៀបជាមួយគម្រោងដំបូង ដើម្បីឆ្លើយតបទៅនឹងការធ្វើដំណើររបស់អតិថិជន។ ហេតុនេះហើយ ប្រព័ន្ធរថភ្លើងខ្សែ Tozai ត្រូវធ្វើប្រតិបត្តិការច្រើន ធ្វើអោយបរិយាកាសលើរថភ្លើងពិតជាចង្អៀត និងពិបាកសម្រាប់អ្នកដំណើរ។

សម្រាប់អ្នកជំនាញកំពុងជំរុញរដ្ឋាភិបាលទីក្រុង Tokyo ដាក់ពង្រាយផែនការជាច្រើនជាក់ស្តែងដើម្បីកាត់បន្ថយស្ថានភាពកកស្ទះចរាចរណ៍នៅម៉ោងទៅធ្វើការ ដោយសារតែបញ្ហានេះត្រូវបានព្យាករណ៍ថានឹងក្លាយទៅជាបញ្ហាប្រឈមដ៏ធំដែល Tokyo ត្រូវប្រឈមមុខពេលដែលមានកីឡាអូឡាំពិកនៅរដូវក្តៅឆ្នាំក្រោយ។

ប្រភព៖ ព័ត៌មានយុវជន