អាកប្បកិរិយា​មិន​ល្អរបស់​បុគ្គលិក​ធ្វើ​ការ​ថែម​ម៉ោង​

ថ្ងៃទី ២៩ ខែ​មករា​ក្រុម​អ្នក​ដឹក​នាំ Sukiya ហាង​អាហារ​ដែល​ពេញ​និយម​ទូ​ទាំង​ប្រទេសជប៉ុ​ន បានសុំទោស ដោយសារតែឥរិយាបថរបស់បុគ្គលិកធ្វើការនៅ​ក្នុង​ហាង​​។

វីដេអូ​ខាង​ក្រោម​ថត​នូវ​សកម្ម​ភាព​ប្រលែង​លេងនៃ​បុរស​ពីរនាក់ បូក​ម្នាក់ទៀត​កាន់​ទូរស័ព្ទក្នុង​បរិវេណ​ផ្ទះ​បាយ ​ភ្លាម​នោះ​បង្ក​អោយ​មាន​ភាព​ព្រួយ​បារម្ភអំពីការបណ្តុះបណ្តាលបុគ្គលិក ធ្ងន់ធ្ងរជាងនេះគឺកម្រិតអនាម័យ​អាហារនៅ​ Sukiya។

នៅ​ក្នុង​វីដេអូបុគ្គលិកទាំងពីរនាក់បានបន្តបោះទឹក​កក​។ បន្ទាប់​មកម្នាក់​ក្នុង​ចំ​ណោម​នោះចាប់​ផ្តើម​បង្ហាញ​សកម្មភាព​មិន​សមរម្យ​មុខ​កាមេរ៉ាជាមួយ​នឹង​វែក​។

ប្រភពវីដេអូ Youtube ANN News

Sukiya បាន​បង្ហាញ​ការ​សុំ​អភ័យ​ទោស​លើ​គេហទំ​ព័រ​ ជា​មួយ​នឹងអត្ត​ន័យ​ដូច​ខាង​ក្រោម​៖

“ក្នុង​ពេល​ធ្វើ​ការ​នៅ​ខាសា​ហាង​របស់ Sukiya បុគ្គលិកបានបណ្តាលអោយ​មានសកម្មភាពខ្វះ​ការ​គិត​​ ហើយ​រាលដាលលើ​បណ្តាញសង្គម​។ អ្វីទាំង​នេះបណ្តាលអោយ​មានបញ្ហាជាច្រើនក៏ដូចជាបង្កើតការព្រួ​បារម្ភ​​ផ្លូវចិត្តសម្រាប់អតិថិជ​ន។

អស់ពីចិត្តយើងសូមទោសអ្នក​ទាំង​អស់​គ្នា​ដោយ​ចិត្ត​ស្មោះ។ យើងនឹងចាត់វិធានការជាមួយបុគ្គលិកនៅក្នុងហេតុការណ៍នេះ។ ដើម្បី​អោយ​រឿងដូច្នេះមិនកើតឡើងម្តងទៀត យើងនឹងរឹតបន្តឹងការអប់រំ និងបណ្តុះបណ្តាលបុគ្គលិក។

ចំ​ណែក​បុគ្គលិក​ទាំង​បី​ខាង​លើ​បាន​បញ្ឈប់​ពី​ការងារ។ បណ្តាញ​សង្គម​​​នៅតែ​មិន​ទាន់​លើក​លែង​រឿង​នេះ និង​បាន​ស្វែង​រក​ព័ត៌​មាន​ផ្ទាល់​ខ្លួន​របស់​យុវជន​ខាង​លើដើម្បី “ដាក់ទោស” ពួក​គេ​ជា​អ្នក​គ្មាន​ការ​អប់​រំ គ្មាន​សី​លធម៌។

អ្នក​ទាំង​បី​ដូច​ជា​បាន​បំ​ផ្លាញកេរ្តិ៍​ឈ្មោះ​របស់​ខ្លួនឯង។ នឹក​ស្មាន​មិន​ដល់​គ្រាន់​តែជា​ការ​ប្រលែង​មិនត្រឹម​​ត្រូវ​ បន្ទាប់​ពី​ត្រូវ​គេ​ដឹង​ក្លាយ​ទៅ​ជា​បញ្ហា​បែប​នេះ។ តាម​រយៈរឿង​នេះ​ក៏​អោយ​យើង​មើល​ឃើញ​ពីអំ​ណាច​របស់​បណ្តាញ​សង្គម​ និង​មតិ​រិះ​គន់​ខ្លាំង​ក្លា​ដល់​កម្រិត​ណា។

នេះ​មិន​មែន​ជា​លើក​ដំ​បូង​បុគ្គលិក​ធ្វើ​ការ​ថែម​ម៉ោង​ធ្វើ​អោយ​ខូច​ឈ្មោះ​ក្រុម​ហ៊ុនទេ។

ឆ្នាំ ២០១៣ “រឿង” បុគ្គលិក​ហាង​លក់​ទំ​និញ Lawson ម្នាក់ចូល​ក្នុង​ទូការ៉ែម​ ហើយ​ថត​រូប​បាន​ធ្វើ​អោយ​ “ម្ចាស់” នៃ​ហាង​លក់​ទំ​និញ​នេះទទួល​ការ​រិះ​គន់​ជា​ច្រើន។

រូបភាព http://garakuta.chips.jp/blog/archives/2013/07/15204502.php

លទ្ធ​ផល​មិន​ត្រឹម​តែ​បុគ្គលិក​ត្រូវ​បញ្ឈប់​ពីការ​ងារហើយ​រួម​ទាំង​សាខា​កន្លែង​លក់​ទី​នោះ​ក៏​ត្រូវ​បិទ​ទ្វា​។ ដោយ​សារ​តែការ​នឹក​ស្រមៃ​ពី ទូការែ៉ម​ដែល​គ្មាន​អនាម័យធ្វើ​អោយ​អតិថិជន​មិន​ចង់​មក​ទិញទៀត។

ប្រភពព័ត៌​មាន​ http://news.livedoor.com/article/detail/15954017/

អត្ថបទ៖ Chee

មើលបន្ថែម: