ភាព​ជាក់​ស្តែងដ៏​​គួរ​ឲ្យ​ខ្លាចក្នុង​​គ្រួសារ​​​ជប៉ុន​នៅ​​សម័យ​មនុស្ស​​ចាស់​​ជរា​កើន​​ឡើង​

នៅចុង​ឆ្នាំ ២០១៧ នៅ Osaka គេ​បាន​រកឃើញ​សាក​សពនារី​ម្នាក់។ ក្រោយ​មក​ប៉ូលីស​សង្ស័យ​ថា ឪពុក​ម្តាយ​របស់​នាង​នៅពីក្រោយរឿង​នេះទើប​បាន​ឃាត់​ខ្លួន​ពីរ​នាក់​ប្តី​ប្រពន្ធ។ រឿង​​ក្តី​​នេះ​មិន​​សូវ​​ជា​​មាន​​អ្នក​ដឹង​ដូច​ជា​ករណីផ្សេង​ឡើយ ប៉ុន្តែ​កាន់​តែ​ស្វែង​យល់ពួកគេ​កាន់​តែ​រក​ឃើញ​ដំ​ណើរ​រឿងដ៏​​គួរ​​ឲ្យ​ខ្លាច។

ក្មេង​ស្រី​ត្រូវ​បាន​គេ​យល់​ថាត្រូវ​ឃុំខ្លួន​អស់​រយៈពេល ១៦ ​ឆ្នាំ។

រូបភាព https://tocana.jp/2019/01/post_19327_entry.html

នៅពេល​ដែល​ត្រូវបានគេ​រក​ឃើញសាក​សព​មាន​ទម្ងន់​ត្រឹម​តែ ១៩ គីឡូក្រាម កម្ពស់ ១៤៥ សង់ទីម៉ែត្រ កង្វះអាហារូបត្ថម្ភ​យ៉ាង​ធ្ងន់​ធ្ងរ។ បណ្តាល​ឲ្យអស់​កម្លាំងគ្មានកម្លាំង​គ្រប់គ្រាន់សម្រាប់បរិភោគ សីតុណ្ហ​ភាពរាង​កាយ​ថយ​ចុះរហូត​ដល់​នាង​ស្លាប់ក្នុង​ស្ថាន​ភាព​រឹង។ តាម​រយៈសម្តី​របស់​ប្តី​ប្រពន្ធនេះ កូនស្រីច្បងកើតមកមានជំងឺផ្លូវចិត្តទើប​ត្រូវ​ហាម​មិន​អោយ​ចេញ​ពី​ផ្ទះ។

សូម្បី​តែ​អ្នក​ជិត​ខាង​ក៏​មិន​ដឹង​ពី​វត្តមាន​របស់​នាង​ដែរ។ ពីព្រោះផ្ទះស្ថិតនៅក្នុងតំបន់ជិត​ត្រូវ​​គេ​ស្តារឡើង​វិញ នៅ​ពី​​មុខ​​គឺជា​ផ្លូវ​ល្បឿន​លឿន​ហេតុ​​នេះ​ទោះ​​បី​​ស្រែកក៏​គ្មាន​នរណា​ស្តាប់ឮដែរ។ នៅ​ប្រទេសជប៉ុនមាន​កន្លែង​ខ្លះ​ត្រូវ​បាន​​គេ​​ហៅ​​ថា (Zashikirou) គឺជាគុកក្នុង​គ្រួសារសម្រាប់អ្នកដែលមានជំងឺផ្លូវចិត្ត។ ហេតុ​នេះ​ក្នុង​រយៈពេល ៥០ ​ឆ្នាំ​ចាប់​​ពី​​ឆ្នាំ ១៩០០ ច្បាប់​ដែល​ទាក់​ទង​នឹង​មនុស្ស​ដែល​មាន​ជំ​ងឺ​ផ្លូវ​ចិត្តក្លាយ​ទៅ​ជា​ប្រធាន​បទ​ដែល​ត្រូវ​គេ​ចាប់​អារម្មណ៍​ក្នុង​​សង្គ​ម​​ជប៉ុន។

ប្រហែល​ជា​ឪពុក​ម្តាយ​ដែល​មាន​កូន​មាន​ជំ​ងឺ​ផ្លូវ​ចិត្ត​មាន​អារម្មណ៍​អាម៉ាស់ទើប​មិន​ឲ្យ​កូន​ចេញ​ទៅ​ទំ​នាក់​ទំនង​​នឹង​​សង្គម​។

កាល​ពី​មុន​ព័ត៌​មាន​ដែល​និយាយ​ពីកន្លែង​ឃុំ​ខ្លួន​ដ៏ឃោរឃៅមាន​ច្រើន​នៅ​លើ​ទស្សនាវដ្តី។

ឧទាហរណ៍​ដូចជារឿង​របស់​គ្រួ​សារ​នៅទី​ក្រុង​មួយ​ ជាកន្លែង​ដែល​​រដ្ឋាភិបាល​មិន​សូវ​ចាប់​អារម្មណ៍ក្នុង​ការ​អភិវឌ្ឍទី​ក្រុង ឆ្ងាយពីស្ថានីយ៍ មាន​ផ្ទះ​ចាស់មួយ។

ក្រោយ​មក​ទើប​ដឹង​ថា គ្រួសារ​នេះបាន​ចាកចេញព្រោះតែជំពាក់​បំ​ណុល។ ដូច្នេះរដ្ឋក៏បានបញ្ជាអោយរឹប​អូសផ្ទះនោះ ហើយ​នេះ​ជា​មូល​ហេតុ​ដែលមាន​​មនុស្សម្នាក់មកពីក្រុមហ៊ុនអចលនទ្រព្យចុះទៅមើល។

រូបភាព https://tocana.jp/2019/01/post_19327_entry_2.html

ស្រាប់​តែ​មាន​ខ្លិន​ស្អុយធ្វើ​ឲ្យ​បុរស​ម្នាក់​នេះ​ភ្ញាក់​ផ្អើល។ តើ​នេះជា​ខ្លិន​ទឹក​នោម​?

ទៅ​ដល់​កន្លែង​ដែល​មាន​ខ្លិន​ស្អុយ មិន​ជឿ​នឹង​ភ្នែក​ខ្លួន គាត់​បាន​មើល​ឃើញ​បន្ទប់​មួយ​ដែល​មាន​ទ្រុង​ដែក​ ខាង​ក្នុង​មាន​បន្ទប់​ទឹក​តូចមួយ ក្រៅ​ពី​នោះ​មិន​មាន​អ្វី​សោះ។ ស្រាប់​តែ​គាត់​បាន​ឃើញ​ស្រមោល​មនុស្ស​ចាស់​ជរា​ម្នាក់​អាយុ ៨០ ​ឆ្នាំ។

លោក​យាយ​ចាស់​ម្នាក់​នេះ​មិន​និយាយ​អ្វី​សោះ​គ្រាន់​តែ​បក់​​ដៃ។

បុរសម្នាក់​នេះ​ចាប់​ផ្តើម​សួរ៖

“តើ​នេះជា​កន្លែងស្នាក់​នៅ​របស់​គ្រួ​សារលោកយាយមុនពេលដែលចាកចេញព្រោះ​តែ​ជំពាក់​បំ​ណុលមែន​ទេ?”

– បក់ដៃ​ ម្តង

“តើលោក​យាយ​បាន​ដឹង​ទេថា​គ្រួសារ​របស់​ខ្លួន​បាន​ចាកចេញ​ដែរ​ទេ?”

– បក់ដៃ​ ២ដង

បក់ដៃ​ ម្តងមាន​ន័យ​ថា​ត្រូវ ហើយ​បក់ដៃ​ ២ដងមាន​ន័យ​ថា​ខុស។

បុរស​ម្នាក់​នេះ​ចាប់​ផ្តើម​ជាមួយ​នឹង​សំ​ណួរ៖

– តើ​លោក​យាយ​តែង​តែ​រស់​នៅ​ទី​នេះ? បក់ដៃ​ម្តង (YES)

– ប្រហែល​ប៉ុន្មាន​ឆ្នាំ? បក់ដៃ​ ២ដង (NO)

– ប្រហែល​រាប់​សិប​ឆ្នាំ? បក់ដៃ​ ម្ដង (YES)

– តើ​ពិត​ជា​លំ​បាក​ណាស់​មែន​ទេ? បក់ដៃ​ ម្ដង (YES)

– ការ​ហូប​ចុក​បាន​ដែរទេ? បក់ដៃ​ ម្ដង (YES)

លោក​យាយ​អាច​ចេញ​ចូល​ដោយ​សេរី​ដែរទេ? -ល-

សំ​ណួរ​ចុង​ក្រោយ​លោក​យាយ​មិន​អាច​ធ្វើ​កាយ​វិការ​បាន​ ព្រោះ​តែ​លោក​យាយ​ក៏​មិន​ចង់​ប្រាប់​។

យល់​នូវ​អ្វី​ដែល​ភាគីចង់​ប្រាប់​ថា ​គ្មាន​មនុស្ស​មាន​ជំងឺ​ផ្លូវ​ចិត្ត​ណា​ដែលស្គាល់​ខុស​ត្រូវបែប​នេះ​ទេ។

តើ​មូល​ហេតុ​ដែល​លោ​ក​យាយ​ត្រូវ​ឃុំ​ដោយ​សារ​មិន​អាច​និយាយ​បា​នឬ? ដោយសារតែមាន​បញ្ហា​ផ្លូវ​ចិត្ត​ ឬពិការ ហើយ​បដិសេធ​វត្ត​មាន​របស់​ពួក​គាត់។

រហូត​ដល់​ថ្នាក់​មិន​ខ្វល់​ទុក​អោយ​ស្លាប់។

ប្រសិន​បើ​ជា​អ្នក​ក្រៅ​មិន​ថានោះទេ នេះជា​គ្រួសារ​តែ​មួយ​ ហើយ​ថែមទាំង​ធ្វើ​ដូច្នេះ?

ប្រទេសជប៉ុននៃសតវត្សរ៍ទី ២១ កាន់​តែ​ធ្លាក់ក្នុង​ស្ថាន​ភាព​ខ្វះ​យុវវ័យ ហើយ​មនុស្ស​ចាស់​កើន​ឡើង។

ហេតុ​ដូច្នេះ​បន្ទុក​នៃ​មនុស្ស​ចាស់ យុវវ័យ​ជប៉ុន​កំ​ពុង​តែ​ស្ថិត​ក្នុង​ស្ថាន​ភាព​ធុញ​ទ្រាន់ និង​អស់​សង្ឃឹម​។ ហេតុ​នេះ​ការ​មើល​​ថែ​​ឪពុក​​ម្តាយ​ “មាន​ជំ​ងឺ​ផ្លូវ​ចិត្ត” គឺ​កាន់តែ​ពិបាក​សម្រាប់​​​ពួកគេ ទើប​ព័ត៌​មាន​សម្លាប់​ឪពុក​ម្តាយ​ចាស់ជរាថ្មីៗ​នេះ​មាន​កាន់​តែ​ច្រើន។

កាន់​តែ​ចង់​កាត់​បន្ថយ​ស្ថាន​ភាព​នា​ពេល​បច្ចុប្បន្ន​ រឿង​ដែល​​គួរ​អោយ​សោក​ស្តាយ​កើ​ត​មាន​ឡើងកាន់​តែ​ច្រើន​នៅ​ក្នុង​ប្រទេសជប៉ុន។

Abe Kengo