ប្រជាជនជប៉ុនប្រឆាំងនឹងពលករបរទេសដោយសារខ្លាចប្រឈមនឹងការគំរាមកំហែងនាពេលអនាគត

ថ្ងៃព្រហស្បតិ៍ 03/01/2019 | 18:55 ល្ងាច

មិនខ្វល់ពីភាពខ្វះខាតកម្លាំងពលកម្មធ្ងន់ធ្ងរ ប្រជាជនជប៉ុនជាច្រើនបានប្រឆាំងនឹងច្បាប់ថ្មីដែលនាំពលករបរទេសជាច្រើនចូលក្នុងប្រទេសដោយសារខ្លាចអស្ថេរភាព។

Ken Kato គឺជាអ្នកគាំទ្រគណបក្សប្រជាធិបតេយ្យសេរី កាន់អំណាចនៅក្នុងប្រទេសជប៉ុន។ ប៉ុន្តែគំនិតរបស់គាត់ត្រូវបានជំទាស់ដោយច្បាប់ថ្មីបានអនុម័តនៅដើមខែនេះ ហេតុនេះអាចនឹងទទួលយកពលកររាប់ពាន់នាក់ ចូលប្រទេសជប៉ុន។

លោក Kato មិនត្រូវបានបញ្ចុះបញ្ចូលដោយហេតុផល របស់នាយករដ្ឋមន្ត្រី Shinzo Abe ថាជប៉ុនត្រូវការប្រភពពលករបរទេសដើម្បីបំពេញសម្រាប់ករណីខ្វះពលករធ្ងន់ធ្ងរ ជាពិសេសនៅពេលអត្រាកំណើតធ្លាក់ចុះ ហើយចំនួនប្រជាជនកាន់តែចាស់ទៅ។

“រដ្ឋាភិបាលបានព្យាយាមផ្គាប់ចិត្តអាជីវកម្មនៅពេលដែលសេដ្ឋកិច្ចមានភាពរឹងមាំ ប៉ុន្តែយើងសុទ្ធតែដឹងថាសេដ្ឋកិច្ច នឹងមិនបែបនេះរហូតទេ។ នឹងមានពេលប្រជាជនជប៉ុនខ្វះការងារធ្វើក្រោយពេលទទួលរាប់ពាន់ពលករបរទេស” Kato និយាយជាមួយ South China Morning Post។

កំហុសអាចកើតឡើងម្តងទៀតតាមការស្ទង់មតិរបស់ Mainichi 17/12, Kato ស្ថិតក្នុងចំនួន ៥៥% ប្រជាជនជប៉ុនត្រូវបានសាកសួរហើយប្រឆាំងនឹងច្បាប់ថ្មី។ បញ្ហានេះបង្ករភាពចម្រូងចម្រាសដែលវាហាក់ដូចជាកាត់បន្ថយអត្រាជឿទុកចិត្តរបស់លោក Abe។ ភាគរយជឿទុកចិត្តរបស់គាត់បានថយ ៤% សល់នៅ ៣៧% បន្ទាប់ពីច្បាប់បានអនុម័ត។

ទោះបីជាយ៉ាងណាអ្វីទាំងនេះមិនធ្វើអោយនាយករដ្ឋមន្ត្រីរាថយឡើយ។ គាត់គាំទ្រទទួលយកពលករបរទេស ៣៤៥.១៥០ នាក់ចូលប្រទេសជប៉ុន ៥ឆ្នាំ ជាមួយនឹងហេតុផលដែលតម្រូវអោយមានក្នុងស្ថានភាពនេះ “ភាពយកចិត្តទុកដាក់លើស្ថានភាពភ្លាមៗ”។

“នៅទូទាំងប្រទេសកំពុងខ្វះពលករ ហើយប្រព័ន្ធថ្មីនេះត្រូវការជនបរទេសមានទេពកោសល្យដើម្បីចូលរួមចំណែកបន្ថែមទៀតសម្រាប់ប្រទេសជប៉ុន” លោកបាននិយាយនៅក្នុងសន្និសីទសារព័ត៌មាន។

រូបភាព Kyodo

ច្បាប់ដែលអនុម័តដោយរដ្ឋសភាជាតិជប៉ុនទោះបីជាមានការប្រឆាំងពីសំណាក់គណបក្សប្រឆាំងក៏ដោយអត្រាគ្មានការងារធ្វើរបស់ជប៉ុនមានចំនួនទាបបំផុតក្នុងរយៈពេល 25 ឆ្នាំ ខណៈពេលដែលការងារបានកើនឡើង ដល់កម្រិតខ្ពស់បំផុតជាង 44 ឆ្នាំ។ បច្ចុប្បន្នមាន ១៦០ ការងារធ្វើសម្រាប់មនុស្សម្នាក់ៗក្នុងចំណោមមនុស្ស ១០០នាក់ ស្វែងរកការងារធ្វើ។

កម្មវិធីកម្មសិក្សាជំនាញចាប់ផ្តើមនៅដើមឆ្នាំ ១៩៩៣ ដើមឡើយការងារជាមធ្យោបាយដើម្បីជួយអ្នកមកពីប្រទេសកំពុងអភិវឌ្ឍន៍រៀនជំនាញថ្មីៗហើយគេអាចយកទៅប្រើពេលចាកចេញពីប្រទេសជប៉ុន។

កម្មវិធីនេះត្រូវបានគេរិះគន់ដោយសារវាអនុញ្ញាតអោយក្រុមហ៊ុនប្រើលក្ខខណ្ឌដើម្បីផ្តល់ប្រាក់ខែទាបជាងប្រៀបទៅនឹងកម្រិតត្រឹមត្រូវ។ ធ្វើអោយពលករត្រូវធ្វើការថែមម៉ោង តែមិនទទួលបានប្រាក់ខែ ត្រូវស៊ូទ្រាំនឹងការរស់នៅ និងលក្ខខណ្ឌការងារមិនល្អ។

រូបភាព Twitter

ការផ្សព្វផ្សាយរបស់រដ្ឋាភិបាលជប៉ុនលើពលករបរទេស មានប្រហែល ២២ សិក្ខាកាមបរទេសបានស្លាប់ នៅក្នុងឧប្បត្តិហេតុដែលពាក់ព័ន្ធនឹងលក្ខខណ្ឌការងារពីឆ្នាំ ២០១៤ ដល់ឆ្នាំ ២០១៦។ សិក្ខាកាមមួយចំនួនបានរត់គេចខ្លួនដោយសារលក្ខខណ្ឌការងារអាក្រក់។

ដោយយល់ពីបញ្ហានេះ រដ្ឋាភិបាលលើកឡើងនូវគំនិតមួយចំនួន ដើម្បីជួយសម្រួលដល់ពលករបរទេសរស់នៅងាយស្រួលជាងមុន។ មជ្ឈមណ្ឌលប្រឹក្សាយោបល់ត្រូវបានបង្កើតឡើងនៅ ៤៧ ខេត្តក្រុងក្នុងប្រទេសជប៉ុន។ ពលករបរទេសក៏ត្រូវបានផ្តល់ជំនួយបង្កើតគណនីធនាគារ រៀបចំកន្លែងស្នាក់នៅ និងកិច្ចសន្យាប្រើទូរស័ព្ទ។

អ្នកដែលជួលពលករត្រូវមានអត្តសញ្ញាណប័ណ្ណគ្មានទំនាក់ទំនងជាមួយក្រុមឧក្រិដ្ឋកម្ម មិនធ្លាប់បង្ខំអោយពលករឈប់ការងារ ហើយធានាថាផ្តល់ប្រាក់ខែស្មើនឹងពលករជប៉ុនធ្វើការដូចគ្នា។

ភ័យខ្លាចការឈ្លានពាននៃជនបរទស

ពេលដែលពលករបរទេសមានសុភមង្គល ហើយងាយស្រួលជាមួយនឹងជីវភាពរស់នៅថ្មី រដ្ឋាភិបាលសង្ឃឹមថាពួកគេនឹងមានទំនាក់ទំនងល្អជាមួយអ្នកជិតខាងនិងមិត្តរួមការងារជនជាតិជប៉ុន។ ប៉ុន្តែមនុស្សមួយចំនួនយល់ថាអ្វីទាំងនេះនៅតែមិនគ្រប់គ្រាន់។

“ពិតជាល្អ ពេលដែលរដ្ឋាភិបាលបង្កើតមជ្ឈមណ្ឌល់ផ្តល់យោបល់ ហើយជួយពលករបរទេសបង្កើតគណនីធនាគារ ប៉ុន្តែពួកខ្ញុំចង់អោយពួកគេធ្វើការច្រើនជាងដើម្បីការពារសិទ្ធិរបស់ប្រជាជននៅកន្លែងធ្វើការ ហើយក្នុងសង្គមជប៉ុន” Oie សមាជិកគណៈកម្មាធិការមេធាវីជប៉ុនមានជំនាញដោះស្រាយបញ្ហាទាក់ទងទៅនឹងពលករបរទេស។

រូបភាព AFP

បាតុករបានប្រឆាំងនឹងច្បាប់នេះដែលទទួលពលករបរទេសនៅក្នុងខែធ្នូ Oie និងសហការីរបស់គាត់ភ័យខ្លាចថាប្រព័ន្ធថ្មីនេះ ស្ថិតក្នុងស្ថានភាពគ្រោះថ្នាក់អាចកើតឡើងម្តងទៀត។ ក្នុងនោះ ឈ្មួញកណ្តាលដែលគ្មានសីលធម៌អាចទាញយកអត្ថប្រយោជន៍បានប្រសិនបើជួលកម្មករបរទេសជាកម្មសិទ្ធិរបស់ឯកជន។ ការកំណត់លើការស្នាក់នៅ ៥ឆ្នាំសម្រាប់កម្មករបរទេសក៏មានបញ្ហា។

“ពួកយើងមិនចង់ធ្លាក់ក្នុងស្ថានភាពពេលដែលពួកយើងធ្វើល្អជាមួយកម្មករបរទេស ប៉ុន្តែក្រោយមក ពេលដែលសេដ្ឋកិច្ចធ្លាក់ចុះ ពួកយើងត្រូវបង្ខំកម្មករចាកចេញ។ ពួកយើងគួរតែមានគោលការណ៍ច្បាស់លាស់”។

“ក៏មានមនុស្សខ្លះព្រួយបារម្ភ មានជនបរទេសច្រើននិយាយភាសាខុសគ្នា ភ្លេចចោលសំរាមតាមប្រភេទ ឬត្រឹមត្រូវតាមថ្ងៃ។ ប៉ុន្តែរដ្ឋាភិបាលកំពុងតែផ្តោតអារម្មណ៍លើអ្វីដែលវិជ្ជមាន ហើយខ្ញុំគិតថាពួកយើងក៏គួរតែគិតបែបនេះ” Jun Okumura អ្នកវិភាគនយោបាយក្នុងវិទ្យាស្ថាននៃបញ្ហាសកល Meiji។

រូបភាព Reuters

អ្នកស្ម័គ្រចិត្តជនជាតិទីម័រខាងកើតនិងកូននៅក្នុងប្រទេសជប៉ុន “ប្រហែលរដ្ឋាភិបាលមិនបានខំប្រឹងដោះស្រាយបញ្ហាតាមវិធីវិជ្ជមាន អ្វីទាំងនេះបង្កអោយមានភាពអវិជ្ជមាន លើគេហទំព័រសាធារណៈ ហើយធ្វើអោយមនុស្សសាមញ្ញភ័យខ្លាច ត្រូវរស់នៅជាមួយជនបរទេស។ ប៉ុន្តែខ្ញុំជឿថាមានមនុស្សឧស្សាហ៍ចង់មកទីនេះដើម្បីរកលុយជូនគ្រួសារ និងអនាគត មិនមែនអ្នកដែលរំលោភស្រ្តីភេទ ឬសម្លាប់អ្នកបើក taxi ទេ”។

Kato ជាម្ចាស់អាជីវកម្មលក់ផលិតផល ទៅអោយអ្នកកាន់តាមព្រះពុទ្ធសាសនា នៅតែមិនត្រូវជាមួយការបញ្ចុះបញ្ចូល។

“នៅពេលយើងមើលទៅប្រទេសអឺរ៉ុប ដូចជាប្រទេសបារាំង អង់គ្លេស និងប្រទេសអាល្លឺម៉ង់ ប្រទេសដែលបានផ្តល់អោយជនអន្តោប្រវេសន៍រាប់ពាន់នាក់ពីប្រទេសផ្សេងគ្នា វប្បធម៌ខុសគ្នាចូលក្នុងប្រទេសខ្លួន ខ្ញុំគិតថាគ្រោះថ្នាក់គឺច្បាស់ហើយ”។

យើងត្រូវព្រួយបារម្ភអំពីភាពជ្រុលនិយម វាអាចជាការគំរាមកំហែងនៃសន្តិសុខសម្រាប់ប្រជាជនជប៉ុន។ មេរៀននៃប្រទេសដ៏ទៃសម្រាប់ពួកយើង។ ពួកយើងត្រូវមើលថែខ្លួនជាមុនសិន លោក Kato បាននិយាយ។

តាមរយៈ News Zing