ទំព័រដើម
ពត៌មាន
ប៉ូលីសជប៉ុនធ្វេសប្រហែសអោយជនល្មើសគេចខ្លួនដោយសាររវល់មើលរឿងអាសអាភាសក្នុងទូរស័ព្ទ

ប៉ូលីសជប៉ុនធ្វេសប្រហែសអោយជនល្មើសគេចខ្លួនដោយសាររវល់មើលរឿងអាសអាភាសក្នុងទូរស័ព្ទ

ថ្ងៃព្រហស្បតិ៍ 20/12/2018 | 18:12 ល្ងាច

លោក Junya Hida អាយុ 30 ឆ្នាំ ជនសង្ស័យទាក់ទងករណីរំលោភ និងប្លន់។ គាត់បានរត់គេចខ្លួនពីបន្ទប់ឃុំឃាំងបណ្តោះអាសន្ននៃប៉ុស្ត៍ប៉ូលីស Tondabayashi, Osaka ប្រទេសជប៉ុន។ លោក Hida បានបាត់ខ្លួនក្នុងប៉ុស្ត៍ប៉ូលីស Tondabayashi ខណៈពេលដែលមានប៉ូលីសដល់ទៅ ២០ នាក់កំពុងតែបំពេញភារៈកិច្ច។

ការស៊ើបអង្កេតដំបូងបានអោយដឹងថា Hida រត់គេចខ្លួនពីបន្ទប់ឃុំឃាំងបណ្តោះអាសន្នក្រោយពេលនិយាយជាមួយមេធាវីផ្ទាល់ខ្លួន។ Camera ថតនៅប៉ុស្ត៍ប៉ូលីស Tondabayashi បង្ហាញថាទ្វារបន្ទប់ឃុំឃាំងមិនបានបិតដោយស្វ័យប្រវត្តិក្រោយពេលមេធាវីរបស់ Hida ចាកចេញទៅហើយជនសង្ស័យបានឆ្លៀតឱកាសរត់គេចខ្លួនពេលដែលប៉ូលីសមិនបានប្រុងប្រយ័ត្ន។

ក្នុងពេលកំពុងបំពេញភារៈកិច្ច ប៉ូលីសម្នាក់នៅ Osaka – បាននិយាយថា គាត់រវល់តែមើលកីឡាបាល់បោះក្នុងទូរស័ព្ទ លទ្ធផលធ្វើអោយជនសង្ស័យរត់គេចខ្លួន។ Hida ត្រូវចាប់ខ្លួនតាំងពីថ្ងៃ 29/9 មកម្ល៉េះ។

ជនល្មើសត្រូវបានចាប់ខ្លួនវិញហើយ ប៉ុន្តែរឿងដែលហួសចិត្តរបស់ប៉ុស្ត៍ប៉ូលីស Tondabayashi គឺទើបតែបែកធ្លាយចំនុចថ្មីមួយ។ តាមការពិតមិនមែនគាត់រវល់មើលកីឡាបាល់បោះនោះទេ ។

មិនមែនកីឡាបាល់បោះ ចុះអ្វីទៅដែលទាក់ទាញរហូតដល់ប៉ូលីសម្នាក់អាយុ 40 ឆ្នាំ និងបទពិសោធការងារជាង១០ឆ្នាំ ភ្លេចភារកិច្ចរបស់ខ្លួន? ចម្លើយគឺរឿងអាសអាភាស ក្នុងសម័យនេះ ច្បាស់ណាស់ការស្វែងរក និងមើលវីដេអូអាសអាភាសឥតគិតថ្លៃក្នុង smart-phone ពិតជាងាយស្រួល។ ពិសេសនៅក្នុងប្រទេសដែលល្បី “ទីផ្សារភាពយន្តអាសអាភាស” ដូចជាជប៉ុន។

ពួកយើងឃើញក្នុងរឿងឬប្រលោមលោកអ្នកអង្កេតថាវិធីដែលជនល្មើសកំពូល ប្រើដើម្បីបង្វែងដានប៉ូលីសកំពុងតាមពួកគេគឺ… ស្រីស្អាត។ ភាពច្រំដែលស្រីស្អាតម្នាក់លេចមុខធ្វើអោយប៉ូលីសគ្មានការប្រុងប្រយ័ត្នហើយនាំអោយបក្សពួករត់គេចខ្លួន។

ប៉ុន្តែក្នុងករណីរបស់ Hida គឺអ្វីដែលជនសង្ស័យនេះត្រូវការដើម្បីឱកាសរត់គេចខ្លួនដែល “អំណោយផល” នោះគឺចាំពលប៉ូលីស… បើកទូរស័ព្ទហើយចូលគេហទំព័រមានរឿងអាសអាភាស។

តាមរយៈ SoraNews ប៉ូលីសនេះកំពុងប្រឈមមុខជាមួយកម្រិតផាកពិន័យធ្ងន់ 3 ឆ្នាំមិនត្រូវបានត្រួតពិនិត្យការតម្លើងឋានៈ និងកាត់បន្ថយ 30% ប្រាក់ខែក្នុងបីខែចុងឆ្នាំ 2018 (ពីខែតុលា)។ ការពិន័យសម្រាប់ការមើលរឿងអាសអាភាសជាជាងផ្ចង់អារម្មណ៍ធ្វើការងារពិតប្រាកដរបស់ខ្លួន។

ប្រភព SoraNews