បុរសជនជាតិជប៉ុនត្រូវចាប់ខ្លួនដោយសារ “ធ្វើពុតក្លែងបន្លំ”ចូលផ្សារទំនើប Aeon… រហូតដល់ ២,៧លានដង ?

ថ្ងៃពុធ 21/11/2018 | 9:13 ព្រឹក

សម្រាប់ផ្សារទំនើបនៅប្រទេសកម្ពុជា ការប្រើប្រាស់កម្មវិធីផ្សព្វផ្សាយ បញ្ចុះតម្លៃ ឬសន្សំពិន្ទុគឺជាវិធីសាស្រ្តដែលមានប្រសិទ្ធភាពដើម្បីទាក់ទាញអតិថិជន។ រាល់ពេលទិញទំនិញផ្សារទំនើបសុទ្ធតែអនុញ្ញាតអោយអ្នកសន្សំពិន្ទុដើម្បីបញ្ចុះតម្លៃ និងធ្វើអោយអ្នកទិញចង់មកលើកក្រោយម្តងទៀត។

រូបភាព http://suno.vn/

ហើយប្រទេសជប៉ុនក៏មិនស្ថិតក្នុងករណីលើកលែងដែរ មានផ្សារទំនើបថែមទាំងគិតចេញជាប្រាក់អោយអតិថិជនអោយតែអ្នកមកហាងរបស់ពួកគេដើម្បីទិញទំនិញ។ អ្វីទាំងនេះស្មានថាគ្មានអ្វីគួរឱ្យបារម្ភ តែទោះបីជាយ៉ាងណាវាបានធ្វើអោយចិត្តលោភលន់របស់មនុស្សកើតឡើង និងប្រព្រឹត្តបទល្មើស។

នេះគឺជាស្ថានភាពរបស់ Daigo Sugano អាយុ ២៩ឆ្នាំទើបតែត្រូវប៉ូលីសចាប់ខ្លួនដោយសារតែការក្លែងបន្លំផ្សារទំនើបមួយដែលធំបំផុតនៅប្រទេសជប៉ុនគឺ Aeon។

រូបភាព https://bnews.vn/

ប្រើប្រាស់កម្មវិធី Aeon អ្នកអាចទទួលបាន ១ពិន្ទុស្មើនឹង ២យ៉េនដោយវិធីឈានចូលផ្សារទំនើបរបស់ក្រុមហ៊ុន។ តាម Sugano ត្រូវបានចោទប្រកាន់ថាធ្វើពុតចូលផ្សារទំនើប Aeon រហូតដល់ ជិត ២,៧លានដងស្មើនឹង ៥,៤លានយ៉េន។

ពិតជាពិបាកជឿថាគាត់មានលទ្ធភាពទៅចាប់ពីចំនុចសូន្យដល់ផ្សារទំនើបទាំងអស់របស់ Aeon ក្នុងខណៈពេលដែលចំនួនផ្សារទំនើបលាតសន្ធឹងពីកោះភាគខាងត្បូង Kyushu ដល់កោះ Hokkaido។

គាត់មិនចាំបាច់ត្រូវទៅទេ Sugano បានធ្វើរឿងនេះដោយវិធីក្លែងបន្លំទិន្នន័យ GPS នៅលើកុំព្យូទ័រ ធ្វើអោយកម្មវិធីរបស់ Aeon គិតពិន្ទុរាល់ពេល “ឈានចូល” នេះ។ គាត់បានប្រើជាមួយនឹង កុំព្យូទ័រយួរដៃ ៤៥ គ្រឿង និងប្រហែល ១,០០០ គណនី បុរសម្នាក់នេះបានធ្វើអោយខ្លួនឯងហាក់ដូចជាឈានជើងចូលផ្សារទំនើប Aeon ទាំងអស់នៅទូទាំងប្រទេស។

រូបភាព https://vnreview.vn/

ដំបូងបុរសម្នាក់នេះគ្រាន់តែលួចពិន្ទុតូចស្មើនឹង ១៤០យ៉េន (១.២៣ដុល្លា) ហើយបាត់ខ្លួនក្នុងមួយរយៈពេល បុរសម្នាក់នេះនៅតែបន្តសកម្មភាពល្មើសរបស់ខ្លួនធ្វើអោយបុគ្គលិកក្រុមហ៊ុន Aeon មានអារម្មណ៍ថាខុសធម្មតាហើយប្រញាប់រាយការណ៍ទៅអោយប៉ូលីស។

រូបភាព https://clubofmozambique.com

បន្ទាប់ពីត្រូវចាប់ខ្លួនបុរសម្នាក់នេះបាននិយាយជាមួយប៉ូលីសអំពីគោលដៅរបស់ខ្លួនគឺ “ខ្ញុំនឹងប្រើប្រាស់ពិន្ទុសម្រាប់ការទិញទំនិញ”

បុរសម្នាក់នេះត្រូវចាប់ខ្លួនក្នុងខណៈពេលដែលមិនមានការងារធ្វើ។ សាធារណៈជនយល់ឃើញថាបុរសម្នាក់នេះគួរតែទុកពេលសម្រាប់រកការងារធ្វើជាជាងទៅបោកបន្លំបែបនេះ។ មិនរកការងារនោះអាចវិនិយោគបាន ជាជាងចំណាយលុយទិញ ៤៥ម៉ាសុីនកុំព្យូទ័រគ្រាន់តែដើម្បីបន្លំទិន្នន័យ GPS ដល់ទៅ ២,៧លានដង។

ក្នុងករណីរបស់បុរសម្នាក់នេះ ជាការរំលឹកដល់អ្នកណាដែលកំពុងមានគំរោងប្រើប្រាស់កម្មវិធីគិតសន្សំពិន្ទុទិញទំនិញដូចជា Aeon ដើម្បីធ្វើរឿងអាក្រក់។ បន្ទាប់់ពីរឿងខាងលើ អ្នកដែលគ្រប់គ្រងផ្សារទំនើប Aeon ត្រូវប្រជំុដើម្បីគិតដើម្បីកំណែនូវកម្មវិធីរបស់ខ្លួនប្រសិនបើមិនចង់អោយរឿងបែបនេះកើតឡើងទៀត។

សូមធ្វើជាអ្នកទិញដែលឆ្លាតវៃ ហើយកុំត្រូវល្បួងដោយការប្រព្រឹត្តបទល្មើសលើកម្មវិធីផ្សព្វផ្សាយរបស់ផ្សារទំនើប។

ប្រភព https://www3.nhk.or.jp/news/html

Neko