បុរសជប៉ុនម្នាក់ បានដាក់សាកសពម្តាយរហូតដល់ស្អុយក្នុងផ្ទះដែលគាត់កំពុងរស់នៅ

ថ្ងៃសៅរ៍ 17/11/2018 | 14:08 ល្ងាច

បុរសម្នាក់នេះស្ថិតក្នុងចំណោម Hikikomori ដែលជាផ្នែកមួយនៃជនជាតិជប៉ុន ចូលចិត្តចាក់សោខ្លួនឯងនៅក្នុងបន្ទប់ មិនមានទំនាក់ទំនងជាមួយសង្គម។ ពួកគេមិនចេញពីផ្ទះ ឬគ្រែរបស់ពួកគេក្នុងរយៈពេលយូរ។ មនុស្សខ្លះរស់នៅក្រោមការជំនួយពីឪពុកម្តាយរបស់ពួកគេ។ ទោះបីជាពេញវ័យហើយគ្រប់អាយុអាចរស់នៅដោយខ្លួនឯងក៏ដោយ ពួកគេនៅតែរស់ដោយពឹងលើការផ្គត់ផ្គង់ថវិកាពីគ្រួសារ។

តាមការសើុបអង្កេតពីនគរបាល(ប៉ូលីស) ម្តាយរបស់បុរសម្នាក់នេះមានអាយុ ៧៦ឆ្នាំ ទទួលមរណៈភាពនៅពាក់កណ្តាលខែតុលានៅក្នុងផ្ទះ។ គាត់រស់នៅជាមួយកូនប្រុសជាមនុស្ស Hikikomori។ នៅថ្ងៃទី៤ ខែ១១ ប៉ុន្មានសប្តាហ៍ក្រោយមកពេលដែលគាត់បានទទួលមរណៈភាព កូនស្រីរបស់គាត់អាយុ ៤៥ឆ្នាំបានមកលេងផ្ទះហើយគ្រាន់តែឃើញបងប្រុស។

រូបភាព

ក្រោយមកកូនស្រីរបស់គាត់បានរកឃើញបងប្រុសលាក់សាកសពរបស់ម្តាយនាងនៅក្រោមគ្រែ។ បុរសម្នាក់នេះត្រូវប៉ូលីសចាប់ខ្លួននៅថ្ងៃបន្ទាប់ (ថ្ងៃទី៥ ខែ១១)។ បុរសម្នាក់នោះគ្មានការងារធ្វើហើយមិនមានទំនាក់ទំនងជាមួយអ្នកណាទាំងអស់ក្នុងរយៈពេលយូរ។ ហេតុនេះការអោយចម្លើយ បុរសម្នាក់នេះបានសរសេរនៅក្នុងរបាយការណ៍ “ខ្ញុំមិនដឹងថាត្រូវធ្វើអ្វីនោះទេ ហេតុនេះខ្ញុំសម្រេចចិត្តរងចាំថ្ងៃបន្ទាប់មកពេលប្អូនស្រីខ្ញុំមកដល់”។

ប៉ូលីសបានពិនិត្យមើលសាកសពរបស់ម្តាយគាត់ ហើយមិនបានរកឃើញនូវស្នាមរបួសណាឡើយ។ ប៉ូលីសបានពន្យល់ថា គាត់ស្លាប់ដោយសារជំងឺ ឬមូលហេតុធម្មតា (គ្រោះថ្នាក់ដែលមិនដឹងមុន)។ ផ្អែកលើស្ថានភាពផ្លូវចិត្តរបស់កូនប្រុស បុរសម្នាក់នេះប្រហែលមិនចាំបាច់ប្រឈមចំពោះមុខច្បាប់ទេ ទោះបីជាការបណ្តោយអោយសាកសពរបស់ម្តាយនៅជាច្រើនថ្ងៃគឺខុសធ្ងន់ធ្ងរ។

ទោះបីជាយ៉ាងណាជីវិតរស់នៅរបស់បុរសម្នាក់អាយុជិត ៥០ឆ្នាំនេះប្រាកដជាមានការលំបាកខ្លាំងណាស់ ពេលដែលមិនមានអ្នកម្តាយនៅជិត។ សង្ឃឹមថាបុរសម្នាក់នេះអាចផ្លាស់ប្តូរ និងសះស្បាយពីបញ្ហាផ្លូវចិត្តនេះដើម្បីអាចជួយខ្លួនឯង។