ភ្ញៀវទេសចរណ៍បរទេសម្នាក់បាត់ខ្លួនពេលដែលទៅកំសាន្តនៅជប៉ុន

ថ្ងៃសុក្រ 07/09/2018 | 9:32 ព្រឹក

នៅថ្ងៃ២៧ ខែកក្កដា ស្រ្តីជនជាតិបារាំងម្នាក់មានឈ្មោះ Tiphaine Veron បានទៅប្រទេសជប៉ុន ស្ត្រីម្នាក់នេះមានអាយុ ៣៦ឆ្នាំ បានរៀបចំគំរោងទៅលេង Tokyo និងតំបន់ Tohoku មានទីតាំងស្ថិតនៅភាគឦសាននៃប្រទេសជប៉ុននៅក្នុងការធ្វើដំណើររបស់ខ្លួន។ ប៉ុន្តែមុននោះស្រ្តីម្នាក់នេះមានបំណងស្នាក់នៅទីប្រជុំជន Nikko ប៉ុន្មានថ្ងៃ។ នេះគឺជាទីប្រជុំជនតំបន់ភ្នំនៅខេត្ត Tochigi ល្បីឈ្មោះជាមួយនឹងភ្នំ ទឹកជ្រោះ និងមានប្រាសាទយ៉ាងស្អាត។

រូបភាព : ដំណើរកំសាន្តប្រទេសជប៉ុន.Travel

Tiphaine បានកក់កន្លែងស្នាក់នៅពីរយប់ក្នុងផ្ទះសំណាក់មួយ នៅតំបន់ Takumicho នៃ Nikko នៅថ្ងៃ២៨ ខែកក្កដា។ ប្រហែលម៉ោង ១០ព្រឹកថ្ងៃ២៩ ខែកក្កដា បុគ្គលិកសណ្ឋាគារម្នាក់បានណែនាំទេសភាពស្អាតនៅតំបន់កំសាន្តមួយចំនួន ហើយបន្ទាប់មកស្រ្តីម្នាក់នេះបានសម្រេចចិត្ត ដើរចេញទៅក្រៅដើម្បីមើលទេសភាព។ ពេលនោះ Tiphaine បានយកតាមកាបូបតូចមួយ ប៉ុន្តែវ៉ាលីធំនៅតែដាក់ក្នុងសណ្ឋាគារ ក៍ដូចជាលិខិតឆ្លងដែននៅក្នុងបន្ទប់របស់ស្រ្តីម្នាក់នេះ។

នេះគឺជារូបភាពរបស់ភ្ញៀវទេសចរណ៍ដែលបានបាត់ខ្លួន

រូបភាព : www.asahi.com

ប៉ុន្តែ Tiphaine (មនុស្សដែលមានជំងឺសរសៃរប្រសាទ) មិនបានត្រលប់មកសណ្ឋាគារវិញក្នុងយប់នោះ ហើយក្នុងថ្ងៃ៣០ ខែកក្កដា បុគ្គលិកបានទំនាក់ទំនងជាមួយបូ៉លីសដើម្បីរាយការណ៍ ពីការបាត់ខ្លួនរបស់ស្រ្តីម្នាក់នេះ។ ទោះបីជាបូ៉លីសកំពុងតែចាត់វិធាន ការណ៍ស្វែងរកនៅក្នុងតំបន់ ចាប់ផ្តើមពីតំបន់នៅជិតកន្លែងកំសាន្តដែ Tiphaine បានឡើងគំរោងហើយកត់នៅក្នុងសៀវភៅនៅសណ្ឋាគារ ប៉ុន្តែរហូតមកដល់បច្ចុប្បន្នស្រ្តីម្នាក់នេះនៅតែមិនទាន់រកឃើញ។

នៅថ្ងៃ៥ ខែសីហា ប៉ូលីសខណ្ឌ Tochigi បានប្រកាសជាសាធារណៈការបាត់ខ្លួនអោយអ្នកទាំងអស់បានដឹង។ ម្តាយ និងប្អូនស្រី (Sibylle) បានផ្ញើសំបុត្រទៅអោយប្រធានាធិបតីនៃប្រទេសបារាំង Emmanuel Macron នៅក្នុងសំបុត្រពួកគេបានរិះគន់ការស្វែងរក ដែលខុសរបស់បូ៉លីសជប៉ុន ពួកគេគួរតែប្រើប្រាស់ការកំណត់រកទីតាំង GPS នៅលើទូរស័ព្ទរបស់ Tiphaine ដើម្បីស្វែងរក។

នេះគឺជារូបភាពស្វែងរកបងស្រីនៅលើទំព័រ Twitter របស់ប្អូនស្រី។

រូបភាព : sibyllevron

នៅថ្ងៃ៧ ខែសីហាទូតបារាំងដែលស្ថិតនៅប្រទេសជប៉ុន Laurent Pic បានមកដល់ទីក្រុងរាជធានីនៃខេត្ត Tochigi, Utsunomiya ដើម្បីជួបអភិបាល Tomikazu Fukuda ភ្នាក់ងារប៉ូលីស។ បងប្រុសរបស់ Tiphaine គឺ (Stanislas) ក៍បានមកដល់ប្រទេសជប៉ុនជាមួយនឹងប្អូនស្រី (Sibylle) បាននិយាយជាមួយអ្នកកាសែតថា៖ “ពួកយើងនឹងនៅ Nikko រហូតដល់ពេលដែលអាចនាំប្អូនស្រីត្រលប់ទៅប្រទេសបារាំងវិញ។”

បងប្អូនទាំងពីរនាក់សុទ្ធតែដាក់សេចក្តីប្រកាសដូចខាងក្រោម៖ “ប្រសិនបើមានព័ត៌មាន ឬជួប Tiphaine នៅកន្លែងណាសូមទំនាក់ទំនងជាមួយគ្រួសារតាមរយៈគណនី Twitter (sibyllevron) ទន្ទឹមនឹងនោះអ្នកក៍អាចទំនាក់ទំនងជាមួយបូ៉លីសខណ្ឌ Tochigi តាមលេខទូរស័ព្ទ 0288-53-0110។”

ប្រសិនបើអ្នកកំពុងតែនៅប្រទេសជប៉ុន និងមានព័ត៌មានរបស់ស្រ្តីម្នាក់នេះសង្ឃឹមថាអ្នកនឹងទំនាក់ទំនងជាមួយគ្រួសារ Tiphaine តាមរយៈអាស័យដ្ឋានដែលមាននៅលើរូប ឬក៍ទូរស័ព្ទអោយប៉ូលីសដើម្បីពេលរកឃើញអ្នកដែលបានបាត់ខ្លួន។ សង្ឃឹមថាអ្វីដែលល្អគ្រប់យ៉ាងនឹងមានចំពោះ Tiphaine។

ប្រភព : soranews

Neko