រថយន្តជប៉ុនបានជាប់រឿងអាស្រូវកាកសំណល់ឧស្ម័ន

ថ្ងៃអាទិត្យ 02/09/2018 | 13:55 ល្ងាច

ក្រុមហ៊ុនផលិតរថយន្តរបស់ប្រទេសជប៉ុនទើបតែទទួលស្គាល់ក្លែងបន្លំទិន្នន័យស្តីពីការបំភាយឧស្ម័នជាមួយនឹងម៉ូតរថយន្តមួយចំនួនរួមមាន Suzuki Motor, Mazda និង Yamaha។ រឿងនេះធ្វើអោយរឿងអាស្រូវក្លែងបន្លំការបំភាយឧស្ម័ននៃឧស្សហកម្មរថយន្តប្រទេសនេះក្លាយទៅជាធ្ងន់ធ្ងរជាងពេលណាៗបង្អស់។

តាមរយៈនេះក្រុមហ៊ុនផលិតរថយន្តទាំងបី Suzuki, Mazda និង Yamaha មិនបានអនុវត្តត្រឹមត្រូវតាមបទបញ្ញត្តិអំពិីការត្រួតពិនិត្យ សម្រាប់ប្រភេទរថយន្តមួយចំនួន ក្នុងនោះការត្រួតពិនិត្យពីកាកសំណល់ឧស្ម័នមិនទាន់ពេញលេញ ប៉ុន្តែអ្នកដឹកនាំក្រុមហ៊ុននៅតែបញ្ជាក់លទ្ធផលបានបំពេញការត្រួតពិនិត្យ និងមានលក្ខខណ្ឌគ្រប់គ្រាន់។

បញ្ហារួម Suzuki បានទទួលស្គាល់មិនត្រួតពិនិត្យ ត្រឹមត្រូវតាមបទបញ្ញត្តិជាមួយនឹង ៦.៤០១ រថយន្ត ប្រហែលជិតពាក់កណ្តាលក្នុងចំណោមចំនួន ១៣.០០០ រថយន្តបានផលិតតាំងពីខែ៦ ឆ្នាំ ២០១២ រហូតដល់ ខែ៧ ឆ្នាំ ២០១៨ របស់ក្រុមហ៊ុនដែលត្រូវបានរើសដើម្បីត្រួតពិនិត្យ។

Mazda ក៍បានទទួលស្គាល់ចំនួនរថយន្ត មិនត្រឹមត្រូវតាមបទបញ្ញត្តិគឺ ៧២ រថយន្តចាប់ពីខែ១១ ឆ្នាំ ២០១៤ មានប្រហែល ៤%។ ចុងក្រោយគឺ Yamaha ចំនួនរថយន្តដែលត្រួតពិនិត្យខុសគឺ ២,១% ក្នុងចំនួន ៣៣៥ រថយន្តដែលត្រូវបានរើសដើម្បីត្រួតពិនិត្យ។

ទោះបីជាអ្នកតំណាងក្រុមហ៊ុនទាំងបីមានការប្រកាសជាក់ស្តែងអំពីចំនួនរថយន្តដែលត្រួតពិិនិត្យមិនត្រឹមត្រូវតាមបទបញ្ញត្តិ ប៉ុន្តែរឿងនេះមិនមែនមានន័យថាការសុេីបអង្កេតនឹងត្រូវបញ្ឈប់ភ្លាមនោះទេ។ មន្រ្តីជប៉ុនបានអោយដឹងពួកគេនឹងមានវិធីសាស្រ្ត ដើម្បីត្រួតពិនិត្យជាក់ស្តែង ផ្អែកទៅលើរបាយការណ៍ របស់ក្រុមហ៊ុនផលិតរថយន្តនីមួយៗ បន្ទាប់មកនឹងមានវិធានការណ៍ផាកពិន័យជាក់ស្តែង។

ទីផ្សាររថយន្ត – កាន់តែច្រើនរថយន្តជប៉ុនបានជាប់រឿងអាស្រូវ កាកសំណល់ឧស្ម័ន (រូបភាព២)។ Suzuki Motor, Mazda និង Yamaha គឺជាឈ្មោះក្រុមហ៊ុនទើបតែត្រូវត្រួតពិនិត្យក្នុងរឿងអាស្រូវ កាកសំណល់ឧស្ម័នធំបំផុតនៅប្រទេសជប៉ុនប៉ុន្មានឆ្នាំកន្លងទៅ។

CEO របស់ Suzuki Motor លោក Toshihiro Suzuki (កណ្តាល) នៅសន្និសីទសារព័ត៌មាន Tokyo ថ្ងៃទី៩ ខែសីហា (រូបភាព : Bloomberg)

ការដែលអ្នកដឹកនាំទាំងបីព្រមគ្នាទទួលកំហុសបានធ្វើអោយករណីក្នុងរឿងអាស្រូវកាកសំណល់ឧស្ម័ននៅក្នុងផ្នែកផលិត ការដំឡើងរថយន្តនៅប្រទេសនេះកាន់តែមានភាពធ្ងន់ធ្ងរជាងនេះ។ មុននោះក្រសួងចរាចរណ៍ជប៉ុនបានសូមនូមពរសរុប ២៣ក្រុមហ៊ុនផលិតរថយន្តនៅក្នុងប្រទេសដំណើរការត្រួតពិនិត្យផ្ទៃក្នុង បន្ទាប់ពីក្រុមហ៊ុនផលិតរថយន្តពីរ Nissan និង Subaru ត្រូវបានគេរកឃើញថាក្លែងបន្លំគ្រឿងមា៉សីុនឥន្ធនៈ និងកាកសំណល់នៅក្នុងតំណាក់កាលត្រួតពិនិត្យផលិតផលលើកចុងក្រោយ។

ក្នុងពេលវេលាចុងឆ្នាំ ២០១៧ អ្នកផ្គត់ផ្គង់គ្រឿងម៉ាសីុននាំមុខគេនៅលើពិភពលោកគឺ Kobe Steel, Mitsubishi Materials និង Toray Industries ក៍បានទទួលស្គាល់បានក្លែងបន្លំតួលេខផលិតផល។

បន្ទាប់ពីការខំប្រឹងត្រួតពិនិត្យពីភ្នាក់ងារអាជ្ញាធរជាមួយនឹងភស្តុតាងជាក់ស្តែង ក្រុមហ៊ុនផលិតរថយន្តជាបន្តបន្ទាប់ក៍ត្រូវបាន គេរកឃើញ។ អ្វីទាំងនេះអាចធ្វើអោយអ្នកដែលចូលចិត្ត ប្រភេទរថយន្តនេះមានការអស់សង្ឃឹម។ បច្ចុប្បន្នមិនអាចនិយាយមុនទេ តើមានការបកអាក្រាតណាបន្តមកទៀតនៅក្នុងពេលខាងមុខទេ ដោយសារតែការត្រួតពិនិត្យនៅតែបន្ត។

តាមរយៈអ្នកដែលផ្តល់ព័ត៌មាន