ឪពុកម្តាយរបស់ព្រះនាង Mako សំនូមពរខាងប្រុសដោះស្រាយបញ្ហាហរិញ្ញវត្ថុគ្រួសារ

ថ្ងៃពុធ 29/08/2018 | 10:18 ព្រឹក

ឪពុកម្តាយរបស់ព្រះនាង Mako បានសូមនូមពរអោយ Kei Komuro និងម្តាយរបស់គាត់ត្រូវតែដោះស្រាយបញ្ហាហរិញ្ញវត្ថុ មុនពេលដែលខាងរាជវង្សនឹងពន្យាពេលនូវពិធីដែលបានគ្រោងទុកនៅក្នុងខែកុម្ភៈដើម្បីភ្ជាប់ពាក្យ និងរៀបពិធីមង្គលការជាផ្លូវការ។

រូបភាព : kyodonews

ព្រះអង្គម្ចាស់ Akishino និងប្រពន្ធជាអ្នកនាង Kiko បាននិយាយជាមួយ Komuro (ឈ្មោះរបស់កូនកំលោះ) ដោយពិធីភ្ជាប់ពាក្យផ្លូវការមិនអាចប្រារព្ធធ្វើឡើងប្រសិនបើគូរដណ្តឹងមិនដោះស្រាយទាំងស្រុងនូវបញ្ហាហរិញ្ញវត្ថុគ្រួសារ។

រូបភាព : japantoday.com

នៅខែកញ្ញាឆ្នាំមុន ព្រះនាង និង Komuro ប្រកាសភ្ជាប់ពាក្យ ក្រោយពីទទួលបានការអនុញ្ញាត និងការជូនពរពីប្រជាជន។ ប៉ុន្តែគ្រួសាររាជវង្សបានប្រកាសនឹងពន្យាពេលពិធីនេះជាមួយនឹងមូលហេតុគឺ “ខ្វះការរៀបចំ”។

ការពន្យាពេលភ្លាមៗនេះតាមទស្សនាវដ្តីបានអោយដឹងមូលហេតុដោយសារតែបញ្ហាដោយជម្លោះហរិញ្ញវត្ថុរវាងម្តាយរបស់ Komuro និងអតីតប្តីអំពីបញ្ហាលុយសម្រាប់សិក្សារបស់កូនប្រុស។

ប្រភពព័ត៌មានបានអោយដឹងថាគ្រួសាររបស់ព្រះនាងមិនដឹងមុនពីបញ្ហាជំពាក់បំណុលដែលកំពុងកើតមានឡើងនោះទេ។ ប៉ុន្តែគ្រួសាររបស់ Komuro បាននិយាយជាមួយរបស់ព្រះនាងថា ពួកគេមិនគិតចំនួនលុយនេះជា “បំណុល” ហើយកំពុងតែរកវីធីនិយាយជាមួយនឹងអតីតប្តីរបស់គាត់។

ព្រះអង្គម្ចាស់ Akishino និងព្រះនាង Kiko ក៍បានសូមនូមពរ Komuro បកស្រាយនូវបញ្ហានេះជាផ្លូវការ ប៉ុន្តែរហូតមកដល់សព្វថ្ងៃ គ្មានសកម្មភាពបកស្រាយណាសោះឡើយ។

ទន្ទឹមនឹងនោះពួកគេក៍សូមនូមពរ Komuro រៀបរាប់ពីជីវភាពរស់នៅក្នុងថ្ងៃអនាគត រួមទាំងការកសាងការងារក្នុងពេលខាងមុខក្រៅពីការងារបច្ចុប្បន្នរបស់ខ្លួន ជំនួយការផ្នែកច្បាប់នៅក្នុងក្រុមហ៊ុនច្បាប់ Tokyo ដូចជាលក្ខខណ្ឌចាំបាច់សម្រាប់ពិធីរៀបអាពាហ៍ពិពាហ៍ជាមួយព្រះនាង Mako។

រូបភាព : english.kyodonews.net

Komuro បានទៅដល់ New York នៅថ្ងៃពុធ និងគម្រោងវិលត្រលប់មកក្រុមហ៊ុនច្បាប់ Tokyo កន្លែងដែលគាត់បានធ្វើការតាំងពីឆ្នាំ ២០១៦ ដើម្បីធ្វើការនៅក្នុងផ្នែកច្បាប់របស់ក្រុមហ៊ុន ប្រភពព័ត៌មានបានអោយដឹង។

មានទំនៀមទម្លាប់ជាច្រើនរួមទាំងទំនៀមទម្លាប់ក្នុងពិធីរៀបការ “Nosai no Gi” មុនពិធីរៀបការជាផ្លូវការ បានឡើងគម្រោងតាំងពីដើមសម្រាប់ខែ ១១ ត្រូវបានពន្យារហូតដល់ ឆ្នាំ ២០២០។

ទោះបីជាមានការពន្យាពេល ប៉ុន្តែទំនាក់ទំនងរបស់ព្រះនាង Mako និង Komuro នៅតែមានភាពរឹងមាំហើយពួកគេនឹងមិនផ្លាស់ ប្តូរគំនិតរៀបអាពាហ៍ពិពាហ៍របស់ខ្លួន។

ប្រភព : news.abs-cbn.com

Neko