រក​ឃើញ​ទំ​និញ​ជាច្រើន​ដែល​​ជន​ជាតិ​វៀត​ណាមបា​ន​លួច

ជនជាតិ​វៀ​តណាម​បី​នាក់​ត្រូវ​បាន​ចាប់​ខ្លួន​ហើយ​ប្រហែល ១.៧០០ ផលិត​ផល​ដែល​ត្រូវ​បាន​លួចត្រូវ​បាន​រក​ឃើញ​នៅ​ផ្ទះ​មួយ​ នៅ​ខេត្ត Saitama ប្រទេសជប៉ុន។

របស់​ដែល​ត្រូវ​បាន​លួច​មួយ​ចំ​នួន​របស់​ក្រុម​ជន​ជាតិ​វៀតណាមបាន​ប៉ូលីស​រក​ឃើញ

រូប​ភាព៖ ANN News

Sankei បាន​រាយ​ការណ៍​ថា​ជន​សង្ស័យ​ដែល​ត្រូវ​បាន​ចាប់​ខ្លួន​ មាន​ឈ្មោះ Pham Trong Ha អាយុ​ ២៦​ឆ្នាំ ជាមួយ​នឹង​ពីរ​នាក់​ទៀត​ ដែល​មិន​ទាន់​ដឹង​ច្បាស់​ពី​ប្រវត្តិ។ អ្នក​ទាំង​បី​សុទ្ធ​តែ​គ្មា​ន​ការ​ងារ​ធ្វើ។

នៅ​ថ្ងៃ​ទី៦​ ខែ​សី​ហា​ នៅផ្ទះ​របស់ Pham Trong Ha នៅ​ទី​ក្រុង Kawaguchi ខេត្ត Saitama ពួក​គេ​រក​ឃើញ​ប្រហែល​ ១.៧០០ មុខ​ទំនិញ​ដែល​បាន​លួច​ ក្នុង​នោះ​មាន​ ៣០០ ផលិត​ផល​ជា​ថ្នាំ និង​គ្រឿង​សម្អាង​។ ចំនួន​មុខ​ទំ​និញ​ទាំង​នេះ​ដោយ​សារ​ក្រុម​ជន​ជាតិ វៀតណាម​ជាច្រើន​បាន​លួច​ហើយ​បញ្ជូន​មក​ទីនេះប្រមូល​ផ្តុំ​មុន​ពេល​ដឹក​ជញ្ជូន​ទៅ​វៀត​ណាម​ដើម្បី​លក់។

Pham Trong Ha ត្រូវ​បាន​បូ៉​លីស​ចាប់​ខ្លួន​ដោយ​ការ​សារភាព​ របស​់​អ្នក​ដែល​នៅ​ជាមួយ​ដែល​ធ្លាប់​ចូល​រួម​ការ​លួច​តាំង​ពី​ខែឧសភាកន្លង​ទៅ។ យុវជន​ម្នាក់​នេះបាន​ទទួល​ស្គាល់​ការ​លួច​របស់​ខ្លួន និង​រក្សាទុក​នូវ​របស់​ដែល​បាន​លួច​។

Kyodo តាំង​ពី​ខែ​មេសា​បាន​នាំ​ទិន្នន័យ​របស់​ប៉ូ​លីស​ជប៉ុន​ បាន​អោយ​ដឹង​ជន​ជាតិ​វៀតណាម​ឈាន​មុខ​គេ​បទ​ល្មើស​លួច​នៅក្នុង​ប្រទេស​នេះ។ កម្មករ​វៀតណាម​បាន​បង្ក​ ៥.១៤០​ ករណី​បទ​ល្មើស​ ក្នុង​ឆ្នាំ ២០១៧​ កើន​ឡើង​ពី ៣.១៧៧ បទ​ល្មើស​នៅ​ក្នុង​ឆ្នាំ ២០១៦ ហើយ​រហូត​ដល់ ៣០%សុរប​នៃ​បទ​ល្មើស​ដែល​ជន​ជាតិ​បរទេស​គឺជា ជន​ល្មើស។

ការ​លួច​នៅ​ក្នុង​ផ្សារ​ទំ​នើប​ និង​ហាង​លក់​ទំ​និញ​គឺ​ជា​សកម្ម​ភាព ដែល​កើត​ឡើង​ញឹក​ញាប់​បំ​ផុត​របស់​ជន​ជាតិ​វៀតណាម​ហើយ​ជាង ២.០០០ ករណី​ដែល​ត្រូ​វ​បាន​កត់​ត្រា​នៅ​ក្នុង​ឆ្នាំ​មុន​។ បច្ចុប្បន្ន​មាន​ប្រហែល​ ២៦០.០០០ នាក់​ជាជន​ជាតិ​វៀត​ណាម​ កំពុង​រស់​នៅ​ប្រទេសជប៉ុន​មិន​ទាន​់​មាន​ប័ណ្ណ​ស្នាក់​នៅ​អចិន្រ្តៃយ៍ កើន​ ៦​ដង​ប្រៀប​ជា​មួយ​ឆ្នាំ ២០០៨។

តាម​រយៈព័ត៌មាន​ Anh Ngoc/Vnexpress