រក​ឃើញ​ឃ្លាំង​ស្តុក​អាវុធ​ជា​ច្រើន​កប់​ក្រោម​សាលាបឋមសិក្សា

មន្រ្តី​ជប៉ុននៅ​ថ្ងៃទី ​៦ ខែ​សី​ហា​បាន​អោយ​ដឹង​ ជិត ៣,០០០ អាវុធយោធារួម​មាន​កាំ​ភ្លើង​ ដាវ និង​គ្រាប់​បែក​បាន​រក​ឃើញ​នៅ ​ខាង​ក្រោមសាលាបឋមសិក្សានៅ Tokyo។

កម្មការ​សំ​ណង់​បាន​រក​ឃើញចំនួន​អាវុធ​នេះនៅ​ជម្រៅ ២មែ៉ត្រ​ ពេល​ដែល​កំ​ពុង​ជីក​ទៅ​ក្រោម​ដីនៃ​បរិវេណសាលា​បឋមសិក្សា Tanashi ខាង​លិច​រាជធានី Tokyo។

ប្រហែល​ ១,៤០០​ កាំ​ភ្លើង​ ១,២០០ ដាវ ៨​ គ្រាប់​បែក​ និង​ ៣០២ គ្រាប់​កាំ​ភ្លើង​ដែល​នៅ​សល់តាំងពី​សម័យ​សង្រ្គាម​លោក​ លើកទី២ ដែល​ត្រូវ​បាន​រក​ឃើញ។

Masaki – Fujisawa – មន្រ្តី​មូល​ដ្ឋាន​ម្នាក់​បាន​អោយ​ដឹ​ង៖ “ពួក​យើង​ពិត​ជាមាន​ការ​ភ្ញាក់​ផ្អើរបន្ទាប់​ពី​ទទួ​លបាន​សេចក្តី​ជូន​ដំណឹង ចំនួន​អាវុធនេះសុទ្ធ​តែ​ត្រូវ​ច្រេះ និង​មិន​អាច​ប្រើ​ប្រាស់​បាន”​។

រូប​ភាព​បន្ថែម Kyodo

លោក​ Fujisawa និយាយ​ជាមួយ AFP។ “ខ្ញុំ​យល់​ថា​ ចំនួន​អាវុធ​នេះត្រូ​វ​បាន​កប់​នៅ​ក្នុង​ ឬ​ក្រោយ​សង្រ្គាម​។ ពួក​យើង​នឹង​ត្រួត​ពិនិត្យ​អោយ​ច្បាស់​ពី​ប្រភពរបស់​អាវុធ”។

តា​ម​រយៈប្រព័ន្ធ​ផ្សព្វ​ផ្សាយ​នៅ​ក្នុង​ស្រុក​ អាជ្ញាធរ​មាន​សមត្ថិកិច្ចបាន​សហការ​ជា​មួយ​ប៉ូលីស​ និង​ក្រុម​ការពារ​ទី​ក្រុង​បាន​ប្រកល់​អាវុធ​ទាំង​អស់ចេញ​ពី​បរិវេណ​សាលាបឋម​សិក្សា​ដោយ​សុវត្ថិភាព តាមការ​ត្រួត​ពិនិត្យ​ដំ​បូង​ ចំនួន​អាវុធ​ទាំង​នេះអាចត្រូវបាន​គេកប់បន្ទាប់​ពី​ពួក​ហ្វា​សុីសជប៉ុនចុះ​ចាញ់​នៅ​ឆ្នាំ ១៩៤៥។

ក្រៅ​ពី​នេះ នៅ​ខែ​សី​ហា ឆ្នាំ ២០១៧ គ្រាប់​បែក​ដែល​សេស​សល់នៅ​ក្នុង​សង្រ្គាម​លោក​លើក​ទី​២ ត្រូវ​បាន​គេ​រក​ឃើញ​នៅ​រោង​ចក្រ​ថាម​ពល​នុយ​ក្លេអ៊ែរ Fukushima ឦសានប្រទេសជប៉ុន។

រូបភាព​បន្ថែម NHK

ហើយ​ក្នុង​ខែ​មករា​ ឆ្នាំ២០១៨ អ្នក​ជំនាញ​ខាងគ្រាប់​បែក ​នៅ​ខេត្ត Okinawa បាន​បិទគ្រាប់​បែកមួយ​មាន​ទម្ងន់ ៥០Kg ​​យ៉ាង​ជោគ​ជ័យ ប្រវែង​ប្រហែល​ ៧០Cm ត្រូវបាន​រក​ឃើញ​នៅ​ខែ ១១ ឆ្នាំ ២០១៧ នៅ​កន្លែង​សំ​ណង់សណ្ឋាគារមួយនៅ​ទី​ប្រជុំ​ជន ទីក្រុង Naha ខេត្ត Okinawa ប្រទេសជប៉ុន​។

ភ្នាក់​ងារ​សមត្ថិកិច្ច​របស់​ប្រទេសជប៉ុន​តែងតែ​រក​ឃើញ​គ្រាប់​បែក​ដែល​មិន​ទាន់​ផ្ទុះ ឬក៍​អាវុធ​ដែល​សេសសល់​ពី​សង្រ្គាម​ ប៉ុន្តែ​ករណី​ដែល​បាន​រក​ឃើញ​ចំនួន​អាវុធ​ច្រើនត្រូវ​បានគេ​កប់​បែប​នេះពិត​ជាកម្រ​នឹង​មាន​ ប្រភព​នៃ​ចំ​នួន​អាវុធនេះបច្ចុប្បន្ន​នៅ​តែ​ បន្ត​ស្រាវ​ជ្រាវ និងសើុប​អង្កេត។

Hai Au តាម​ Japantoday