ទំព័រដើម
ពត៌មាន
សាកលវិទ្យាល័យវេជ្ជសាស្រ្ត Tokyo ត្រូវបានចោទប្រកាន់កែពិន្ទុប្រឡងដើម្បីកាត់បន្ថយនិស្សិតស្រីចូលរៀន

សាកលវិទ្យាល័យវេជ្ជសាស្រ្ត Tokyo ត្រូវបានចោទប្រកាន់កែពិន្ទុប្រឡងដើម្បីកាត់បន្ថយនិស្សិតស្រីចូលរៀន

ថ្ងៃព្រហស្បតិ៍ 16/08/2018 | 10:18 ព្រឹក

កាសែត The Yomiuri Shimbun ថ្ងៃ ២ ខែសីហាបាន ចោទប្រកាន់សាកលវិទ្យាល័យវេជ្ជសាស្រ្ត Tokyo នៅប្រទេសជប៉ុន រយៈពេលច្រើនឆ្នាំបានកែប្រែពិន្ទុប្រឡងទៅលើបេក្ខនារី ដើម្បីត្រួតពិនិត្យចំនួននិស្សិតស្រីដែលចូលសាលា។

ទស្សនាវដ្តីនេះបានអោយដឹងពីល្បិចខាងលើនឹងត្រូវរកឃើញពេលដែលព្រះរាជអាជ្ញាកំពុងធ្វើការសុើបអង្កេតរឿងអាស្រូវមួយផ្សេងទៀត។ ហើយសាកលវិទ្យាល័យដែលមានកេរិ៍្តឈ្មោះនៅខាងផ្នែក វេជ្ជសាស្រ្តនៅប្រទេសជប៉ុនត្រូវបានចោទប្រកាន់ទទួលកូនប្រុសរបស់មន្ត្រីអប់រំម្នាក់ចូលរៀនទោះបីជាលក្ខខណ្ឌមិនគ្រប់គ្រាន់

“បន្ទាប់ពីព័ត៌មានត្រូវបានទស្សវដ្តីចុះផ្សាយនៅព្រឹកនេះថ្ងៃ ២ខែសីហា ពួកយើងបានស្នើសុំអោយក្រុមហ៊ុនច្បាប់ ដើម្បីរៀបចំការសើុបអង្កេតផ្ទៃក្នុងពីការចោទប្រកាន់ថ្មីនេះ” តាម AFP សម្រង់ពាក្យរបស់លោក Fumio Azuma ជាអ្នកនាំពាក្យរបស់សាកលវិទ្យាល័យវេជ្ជសាស្រ្ត Tokyo។ គាត់សង្ឃឹមថានឹងមានលទ្ធផលក្នុងប៉ុន្មានសប្តាហ៍ខាងមុខ។

ទស្សនាវដ្តី Yomiuri សម្រង់ប្រភពព័ត៌មានមួយចំនួនដែលមិន ប្រាប់ឈ្មោះបានអោយដឹងថាសាកលវិទ្យាល័យនេះបានចាប់ផ្តើមកាត់បន្ថយពិន្ទុដំបូងដែលចូលរបស់និស្សិតស្រីចាប់ពីឆ្នាំ ២០១១ បន្ទាប់ពីលទ្ធផលនៅក្នុងឆ្នាំ ២០១០ បានអោយឃើញថានិស្សិតស្រី ទទួលបានការឳកាសចូលរៀនច្រើន រហូតដល់ទៅ ៤០% ក្នុងចំណោមសិស្សថ្មីនៅក្នុងឆ្នាំនោះ។

ចំពោះស្ថានភាពមាននិស្សិតស្រីច្រើន សាកលវិទ្យាល័យនេះរក វិធីកាត់បន្ថយចំនួននិស្សិតនារីនៅកម្រិតប្រហែល ៣០% នៅក្នុងពេលវេលាចូលរៀនរាល់ឆ្នាំ។

ប្រភពព័ត៌មានមួយបានអោយដឹងពីមូលហេតុនៃការកែប្រែនេះដោយសារតែការបោះបង់ការងារបន្ទាប់ពីក្លាយទៅជាពេទ្យ ពេលដែលពួកគេមានគ្រួសារ និងកូន។ ពេទ្យប្រុសអាចនៅធ្វើការ ទ្រាំបាននូវសម្ពាធពេលវេលា និងការធ្វើការងារច្រើន។

តាមព័ត៌មានយុវជន