បន្ទាប់ពី Premium Friday ជប៉ុនបានសម្រេចអោយបុគ្គលិកឈប់នៅព្រឹកថ្ងៃច័ន្ទ

ថ្ងៃអង្គារ 14/08/2018 | 10:00 ព្រឹក

ខែកុម្ភៈ ឆ្នាំ ២០១៧ រដ្ឋាភិបាលជប៉ុនបានអនុម័តជាផ្លូវការ តាមរយៈ Premium Friday ក្នុងគោលបំណងកាត់បន្ថយ Karoushi (ចំនួនមនុស្សដែលស្លាប់ដោយសារកម្លាំងពលកម្មហួស)។ ហេតុនេះ ជារៀងរាល់ថ្ងៃសុក្រនៅចុងខែបុគ្គលិកនឹងចេញពីធ្វើការមុនម៉ោង រីករាយថ្ងៃចុងសប្តាហ៍ជាមួយគ្រួសារ។

រូបភាព : http://matolabo.net/japan/2045/

ទោះបីជាយា៉ងណាជាងមួយឆ្នាំកន្លងផុត ការសម្រាកនៅថ្ងៃសុក្រត្រូវបានបុគ្គលិកការិយាល័យបំពេញតាមការរំពឹងទុកដែរឬទេ?

ចម្លើយមានត្រឹមតែ ១០% ក្នុងចំណោម ៩០% សហគ្រាសបានបេជ្ញាអនុវត្ត។

តាម Asahi TV បានអោយដឹងពីមូលហេតុនោះគឺរាល់ថ្ងៃសុក្រ ចុងខែគឺជាថ្ងៃដែលរវិលបំផុតដូច្នេះបុគ្គលិកមិនអាចចាកចេញពីការិយាល័យមុនពេលបាន។ ហេតុនេះរដ្ឋាភិបាលអាចនឹងមានការ ពិចារណាផ្លាស់ប្តូរ Premium Friday ទៅថ្ងៃផ្សេង។

ទន្ទឹមនឹងនោះសេចក្តីព្រាងថ្ងៃសម្រាកព្រឹកថ្ងៃច័ន្ទជាមួយនឹងឈ្មោះ Shining Monday (ភាសាជប៉ុន) ក៍កំពុងត្រូវបានពិចារណា ដោយសារមូលហេតុនោះគឺជាថ្ងៃដើមសប្តាហ៍ ភាគច្រើនអ្នកទាំងអស់គ្នាសុទ្ធតែហត់ណើយដោយសារថ្ងៃចុងសប្តាហ៍។ ដូចនេះប្រសិនបើចាប់ផ្តើមការងារចាប់ពីពេលល្ងាចនោះ ផលិតភាព និងអារម្មណ៍ធ្វើការរបស់បុគ្គលិកអាចនឹងមានការកើនឡើង។

រូបភាព : http://asitaikimasu1993.hatenablog.com

ទោះបីជាយ៉ាងណា បញ្ហាទាំងពីរខាងលើសុទ្ធតែទទួលបាន មតិផ្ទុយគ្នានៅក្នុងសាធារណៈជន។ ការព្រួយបារម្មណ៍ច្រើនបំផុត អំពីថ្ងៃឈប់សម្រាកនៅពេលដែលត្រូវអនុវត្តជាក់ស្តែង។

“មនុស្សម្នាក់ៗមានបំណងខុសគ្នា ហេតុនេះអោយអ្នកទាំងអស់គ្នាសិទ្ធិជ្រើសរើសថ្ងៃសម្រាកដោយខ្លួនឯងគឺបានហើយ”។

“រយៈពេលសម្រាកកាន់តែយូរនោះអារម្មណ៍ដែលទៅធ្វើការវិញកាន់តែដូចជាឋាននរកទេ”។

“អ្វីដែលពួកខ្ញុំត្រូវការមិនមែន Shining Monday នោះគឺ Endless Sunday (ថ្ងៃអាទិត្យអមតៈ)”