ព្យុះ Jongdari កាត់ប្រទេសជប៉ុនមាន ១៩នាក់រងរបួស និង១០០ការហោះហើរត្រូវបានពន្យារពេល

ថ្ងៃពុធ 08/08/2018 | 8:52 ព្រឹក

ពេលព្រឹកប្រលឹមថ្ងៃទី ៣០ខែកក្កដា ព្យុះ Jongdari កាត់ប្រទេសជប៉ុន ធ្វើអោយមានភ្លៀងខ្លាំងដែលមិនអាចស្មានទុកមុន មានមនុស្ស ១៩នាក់រងរបួស។

ព្យុះ Jongdari បានឆ្លងកាត់ភាគខាងលិចនៃប្រទេសជប៉ុន ធ្វើអោយមានទឹកជំនន់ និងធ្វើអោយបាក់ដី ហើយបណ្តាលអោយទី ប្រជុំជនមានភ្លៀងខ្លាំង។ ជាមួយនឹងកម្លាំងខ្យល់ឡើងទៅដល់ ១៨០Km/h ព្យុះបានទៅដល់ Ise, ខេត្ត Mie នៅវេលា ម៉ោងមួយព្រឹក (ម៉ោងតាមបំបន់) យោងតាមភ្នាក់ងារឧតុនិយម។

ប្រជាជន Tokyo ជួបប្រទះភ្លៀងខ្លាំងដោយសារព្យុះ Jongdari – រូបភាព : Reuters

ជាង ១៧០ការហោះហើរក្នុងតំបន់ត្រូវបានលុបចោល និងសេវាកម្មបណ្តុះបណ្តាលត្រូវបានផ្អាកនៅថ្ងៃទី ២៩ ខែ កក្កដា ដើម្បីការពារព្យុះ។ មានមនុស្សប្រហែលជា ១០នាក់រងរបួស ដោយសារតែដួល ឬក៍ប៉ះទង្គិចជាមួយកញ្ចក់ និងវត្ថុដែលធ្លាក់តាមបង្អួចដោយបូ៉លីសតំបន់បានអោយដឹង។

NHK បានអោយដឹងពីចំនួនមនុស្សដែលរងរបួសឡើងដល់ ១៩នាក់ក្នុងខណ្ឌធំៗទាំង៦។

បន្ទាប់ពីធ្វើអោយបាក់ដី ព្យុះបានកាត់បន្ថយហើយប្រែទៅជា ព្យុះធម្មតាវិញប៉ុន្តែខេត្តជាច្រើននៅប្រទេសជប៉ុននូវតែរក្សាភាពប្រុងប្រយ័ត្នគ្រប់ពេល។

Koji Konitomi មន្រ្តីគ្រប់គ្រងវិបត្តិគ្រោះធម្មជាតិនៅខណ្ឌភាគ ខាងលិច Okayama បានអោយដឹង៖ “ខ្ញុំបានធ្វើការប្រកាសជាការ ប្រញាប់គ្រប់ពេលវេលាចាប់ពីពេលមានភ្លៀងខ្លាំងនៅដើមខែ កក្កដា”។

“ពិតជាសំណាង ពួកយើងមិនជួបប្រទះទឹកជំនន់ប៉ុន្មានថ្ងៃ” គាត់បាននិយាយ។

ខ្យល់ព្យុះ មុនពេលចូលភាគខាងលិចបានធ្វើអោយភ្លៀងខ្លាំង ភាគខាងកើតប្រទេជប៉ុន។ អាជ្ញាធរនៅទីនេះបានប្រាប់ និងរៀបចំ ជម្លៀសសម្រាប់មនុស្សរាប់មឺុននាក់។ វីដេអូរបានអោយឃើញថា រលកធំបានបក់បោកច្រាំងថ្មនៅសមុទ្រភាគនិរតី Tokyo ហើយដើមឈើបានដួលរលំជាច្រើនដោយសារខ្យល់ខ្លាំង។

ខ្យល់ខ្លាំងនៅតំបន់សមុទ្របានធ្វើអោយបែកកញ្ចក់នៅសណ្ឋាគារមួយធ្វើអោយមនុស្សចំនួន ៥នាក់ត្រូវរបួសពេលដែលស្វែងរក កន្លែងសុវត្ថិភាព។

“ពួកយើងនឹកស្មានមិនដល់ថាកម្លាំងខ្យល់ខ្លាំងយ៉ាងនេះទេ។ រលកបានឡើងដល់ភោជនីយដ្ឋានពេលដែលបង្អួចបែក។ ប៉ុន្តែភ្ញៀវទាំងអស់បានជម្លៀសដោយអ្នកណែនាំយ៉ាងរហ័ស និងតាមដំណាក់កាល។ ពួកយើងពិតជាអរគុណសម្រាប់អ្វីទាំងនេះ” អ្នកដែលគ្រប់គ្រងភោជនីយដ្ឋានបានអោយដឹង។

“ពិតជាសំណាងពេលដែលគ្មាននរណាត្រូវរបួសធ្ងន់” គាត់បានបន្តនិយាយ។

ព្យុះបានផ្លាស់ទីទៅតំបន់ភាគខាងលិចនៃ Chugoku កន្លែងដែលមានភ្លៀងខ្លាំងដែលមិនធ្លាប់មានពីមុនបានធ្វើអោយមានទឹកជំនន់ និងបាក់ដី ធ្វើអោយមនុស្ស ២២០នាក់ត្រូវបាត់បង់ជីវិត។

ប្រភពព័ត៌មាន : Reuters

តាមរយៈព័ត៌មាន/ជីវិត និងការរស់នៅ