ចង់​ដឹង​ថា​នាង​ជានារី​ជប៉ុន -​ គ្រាន់​តែ​មើល​ចំនុចទាំង ៧ នៃ​ការ​ស្លៀ​ក​ពាក់​របស់​នាង

នារី​ជនជាតិ​ជប៉ុន​ភាគ​ច្រើន​ទន់​ភ្លន់ហើយ​អោយ​តម្លៃ​រូប​រាង​ខាង​ក្រៅ​ណាស់។ កម្រ​មាន​នារី​ជប៉ុន​ដែល​មិន​ចេះ​តុប​តែង​ខ្លួន នេះហើយជាមូលហេតុធ្វើ​អោយ​ពួកគេមាន​ការ​ស្លៀក​ពាក់​តាម​បែប​ជប៉ុន។

ខាង​ក្រោម​នេះ​មាន​​ ៧​ ចំនុចក្នុង​ការ​ស្លៀក​ពាក់​របស់​នារី​​ជប៉ុន៖

១. មាន​ច្រើន​មូ៉ត

រូបភាព Japaaan

តើ​អ្នក​ធ្លាប់​ឮពាក្យ​ម៉ូត​សម្លៀក​បំ​ពាក់​ជាច្រើន​មក​ពី​ប្រទេស​ជប៉ុន​ដែរឬទេ? សម្រាប់តែ​ស្រ្តី​មាន​ម៉ូត​ច្រើន​ដូចជា kawaii, kirei, gyaru រហូត​ដល់ Shinjuku style, hime style, lolita, Go Tic -ល-។

២. ស្រលាញ់​គ្រឿងលម្អ​គួរអោយស្រលាញ់

រូបភាព nonno.hpplus.jp

 ជានារី​គ្មាន​នរណា​មិន​ចង់​អោយ​ខ្លួន​គួរអោយ​ស្រលាញ់​ទេ ប៉ុន្តែ “Kawaii” (គួរអោយ​ស្រលាញ់​) នៅ​ប្រទេស​ជប៉ុន​បាន​ឡើង​ដល់​មួយ​កម្រិត​ថ្មី។ គួរអោយ​ស្រលាញ់​មិន​ត្រឹម​តែ​ម៉ូត​សម្លៀក​បំ​ពាក់​ ប៉ុន្តែ​ជា​ការ​បង្ហាញ​តាម​រយៈគ្រឿងលម្អដូចជា​ កាបូប ស្បែក​ជើង ខ្សែ​ដៃ -ល-​។

ទាំង​នេះ​ជា​អ្វី​ដែល​នារី​ជនជាតិ​ជប៉ុន​ចូល​ចិត្ត​។ ពួកគេ​ចង់​ក្លាយទៅ​ជា​នារី​គួរ​អោយ​ស្រលាញ់ ពេល​ណា​ក៏​រីក​រាយ​ ពេញទៅ​ដោយ​ថាម​ពល ប៉ុន្តែ​ក៏​ទន់​ខ្សោយ​ហើយ​ត្រូវ​ការ​ការពារ​ពី​បុរស​ដែរ។

៣. សម្លៀក​បំ​ពាក់​ច្រើនជាន់

ប្រសិន​ត្រូវ​និយាយ​អំពី​ចំនុច​ពិសេស​ក្នុង​ចំ​ណោម​ម៉ូត​សម្លៀក​បំ​ពាក់​របស់​នារី​ជប៉ុនប្រាកដជា​មាន​សម្លៀក​បំ​ពាក់​ច្រើន​។

រូបភាព withonline

ជាមួយនឹង​ក្រសែ​ភ្នែក​ក្នុង​ការ​រើស​សម្លៀក​បំ​ពាក់​ ពួក​គេ​ចូល​ចិត្ត​ការ​រួម​បញ្ចូល​នៃ​សម្លៀក​បំ​ពាក់​ជាច្រើន​ប្រភេទដើម្បី​ក្លាយទៅជា​មួយ​ឈុត​។ នារី​ជប៉ុន​ចូល​ចិត្ត​ពាក់ Legging ជាមួយ​នឹង​សំ​ពត់​ មិន​ដឹង​​ហេតុ​អ្វី​គេ​មិន​បង្ហាញ​ជើងឬ​ចង់​ដូចតួ​អង្គ​ក្នុង Anime ណា​ម្នាក់ទេ។

៤. យកចិត្តទុកដាក់ការតុបតែង និងម៉ូត​សក់

មិន​ត្រឹម​តែ​ចំណាយ​ពេល​ច្រើន​សម្រាប់​ជ្រើស​រើស​សម្លៀក​បំ​ពាក់ នារី​ជប៉ុន​ក៏​ចំ​ណាយ​ពេល​ច្រើន​ដើម្បី​ធ្វើ​ម៉ូត​សក់ និង​ make-up ដែរ។ គេ​ធ្វើ​ម៉ូត​សក់ និង​ make-up អោយ​សម​​សម្រាប់​ចូល​រួម​ពិធីពិសេស​។ 

រូបភាព withonline

របៀប​ make-up នារី​ជប៉ុន​រៀនតាំងពី​ក្មេង​ដូចជា​ផាត់​មុខ គូស​ចិញ្ចើម លាប​ក្រែម​ ផាត់​ថ្ពាល់ -ល-។

៥. មិន​សិចស៊ី

ប្រសិន​បើ​ចូលចិត្តសិចស៊ីមាន​ន័យ​ថា​ខុសពី​ជប៉ុន។ សិច​សុី​ក្នុង​បណ្តា​ល​ប្រទេស​ភាគ​ខាង​លិច​មាន​ន័យ​ថា​ទាក់​ទាញ បង្កើត​ភាព​ទាក់​ទាញ។ ចំណែក​នៅ​ជប៉ុននាំមកនូវអារម្មណ៍ឯកជន ភាព​ទាក់​ទាញគ្រាន់​តែ​ជា​អ្វី​ដែល​អ្នក​ចង់​បង្ហាញ​សម្រាប់​នរណា​ម្នាក់ មិន​មែន​សម្រាប់​បង្ហាញ​កន្លែង​សាធារណៈទេ។

រូបភាព maquia.hpplus.jp

នេះ​​ជា​មូល​ហេតុ​ដែល​នារី​ជប៉ុន​ចូល​ចិត្ត Style មិន​សិច​សុី។

៦. ការរួម​បញ្ចូល​ពណ៌

រូបភាព meblo .jp

នារីជប៉ុន​ចូល​ចិត្ត​ពណ៌​ស្រស់​ស្រាយ​ សម្លៀក​បំ​ពាក់​មាន​ច្រើន​ពណ៌​កាន់​តែ​ស្អាត​គួរអោយ​ស្រលាញ់​។ នេះ​ជាមូល​ហេតុ​ដែល​អ្នក​ឃើញ​ថាហេតុ​អ្វី​សម្លៀក​បំ​ពាក់​របស់​នារីជប៉ុន​មាន​ពណ៌​ច្រើន។ ប្រសិន​ដើរ​តាម​ផ្លូវ​ Tokyo ដូចជា Shinjuku ឬ Shibuya អ្នក​នឹង​មើល​ឃើញ​ភាព​ចម្រុះ​ពណ៌។

៧. ស្បែក​ជើង​កែង​

រូបភាព Fancy style

នារី​ជប៉ុន​ចូលចិត្ត​ស្បែក​ជើង​កែង ដូច្នេះ​នាង​នឹង​ពាក់​ស្បែក​ជើង​កែងគ្រប់​ពេល​ សូម្បី​តែ​ពេល​ទៅ​ដើរ​លេង​ជាមួយ​មិត្ត​ភក្តិ។ 

ស្បែក​ជើង​កែង​អាច​បង្ហាញ​ពី​ភាព​ស្រស់​ស្អាត​របស់​នារី ប៉ុន្តែ​ប្រសិន​បើ​អ្នក​ពាក់​ច្រើន​ពេក​ក៏មិន​ល្អដែរ។

អ្នក​ប្រាកដជា​មាន​ចម្ងល់​ហេតុ​អ្វី​នារី​ជប៉ុន​ដើរ​ច្រើនតែ​ពាក់​ស្បែក​ជើង​កែង។ ព្រោះ​ផ្លូវ​នៅ​ប្រទេស​ជប៉ុន​ភាគច្រើន​រាប​ស្មើ ហើយ​ប្រព័ន្ធ​ជណ្តើរយន្ត​របស់​គេ​ក៏​ទំនើប​ណាស់​ដែរ។ ហេតុ​នេះ​មិន​ចាំ​បាច់​ខ្លាច​ឈឺ​ជើង​ទេ។

តើ​អ្នក​ធ្លាប់​ដឹង​ថា​នេះ​ជា​នារី​ជប៉ុន​​ពេលមើល​សម្លៀក​បំ​ពាក់​របស់​នាង​ដែរឬទេ?

ប្រភព MADAMERIRI 

Sacchan

មើលបន្ថែម: