ស្វែងយល់ពីម៉ូត​សក់​របស់​ស្រ្តី​​ជប៉ុន​ក្នុង​សម័យ​បុរាណ

ស្រី្តជប៉ុន​ផ្តោត​សំ​ខាន់​លើ​រូបរាង​ខាង​ក្រៅ​ជាពិសេសគឺ​ម៉ូត​សក់។

អ្នក​អាច​មើល​នូវ​​ម៉ូត​សក់​របស់​ស្រ្តី​ជប៉ុន​សម័យ​បុរាណ ប្រហែលជា​អ្នក​អាច​ឆ្នៃ​ជា​ម៉ូត​សក់​សម្រាប់​ខ្លួន​​រួម​ផ្សំ​នៃ​សម័យ​បុរាណ​ និង​សម័យ​ថ្មី​។

សតវត្សទី៧ និង​សតវត្ស​ទី៩ ស្រ្តី​ជប៉ុន​សម័យ​បុរាណបែង​ចែក​ឋានៈក្នុង​សង្គម​តាម​រយៈរូប​រាង​ខាង​ក្រៅរួម​ទាំង​សក់​ក្បាល។ ក្រៅ​ពី​នេះ​អ្នក​អាច​ដឹង​ថា​ស្រ្តី​ម្នាក់មាន​ឬ​ក្រ​ វណ្ណៈគ្រួសារឬ​ជាជន​សាមញ្ញ​ដោយ​ការ​សង្កេត​មើ​ល​ការ​ប្រើ​ក្រាស​សិត​សក់ បូចងសក់ ដង្កៀបសក់ និង​ផ្កា​ដាក់​នៅ​លើ​សក់​របស់​នាង​។ ស្ត្រី​ដែល​មាន​ចូល​ចិត្ត​តុប​តែង​ច្រើន​នៅ​លើ​សក់។

រូបភាព Pinterest

ស្រ្តី​ជប៉ុន​សម័យ​បុរាណ​ភាគ​ច្រើន​បួង​សក់ខាង​ក្រោយ​ក្បាល។ សម្រាប់​​ស្រ្តី​ដែល​មាន​ឋានៈធម្មតា​ពួកគេ​មិន​ដាក់​គ្រឿង​អលង្ការលើ​សក់​ទេដោយ​សារ​តែ​ធ្វើ​អោយ​សក់​ធ្ងន់ បង្កភាព​លំបាក​ក្នុង​ជីវភាព​ប្រចាំ​ថ្ងៃ​។ លើក​លែង​តែ​ក្នុង​ពិធី​បុណ្យ​សំ​ខាន់ៗដូចជា រៀប​ការ​ ទើប​ពួក​គេ​តុប​តែង​ដោយ​ប្រើ​ស្នៀត​សក់​សាមញ្ញ។

ខាង​ក្រោមនេះ​គឺជា​ឈ្មោះ​នៃ​ម៉ូត​សក់​មួយ​ចំនួនរបស់​ស្រ្តី​សម័យ​បុរាណ៖

• Kepatsu (ម៉ូ​ត​សក់​យក​តាម​ប្រទេសចិន​)

• Taregami (ដាក់​សក់​វែង ហើយ​ត្រង់)

• Shimada Mage (បួង​សក់​ឡើងខ្ពស់ ដាក់​ក្រាស​សិត​សក់​លើ​ក្បាល)

• ម៉ូត​បន្ថែម​នៃ Shimada Mage (ប្រើ​ក្រាស​ប្រភេទធំ)

• Mage បញ្ឈរ (ប្រើ​ក្រាស​​ចូក​សក់​ឡើង​)

• Yoko – hyogo (ម៉ូត​សក់​ដូចជា​ផ្លិត​)

• Gikei (បួង​សក់​ជាពីរ​​)

• Maru Mage (បួង​សក់​មួយ​ដុំ​ធំ​ពី​ក្រោយ)

• Osuberakashi (ចង​សក់​បន្តិច ឬ​ទម្លាក់​ត្រង់)

សារសំ​ខាន់​នៃ​សក់

សម្រាប់​បុរស និង​ស្រ្តី​ជប៉ុន​សក់មានតួនាទីសំខាន់ ដើម្បី​បង្ហាញ​ពី​ឋានៈរបស់​ប្រជាជន​ជប៉ុន​សម័យ​បុរាណ។ សម្រាប់​ស្រ្តីសក់​ជាអ្វី​ដែល​បង្ហាញ​ពី​ភាព​ថ្លៃ​ថ្នូរ​ជាមួយ​នឹង​គ្រឿងអលង្កា​រមាន​តម្លៃ​ថ្លៃ។ ម៉ូត​សក់​ខ្លះ​សម្រាប់​វណ្ណៈរាជវង្ស អភិជន​ទើប​អាច​ដាក់​បាន​។ ក្រៅ​ពី​នេះ​នូវ​មាន​ម៉ូត​សក់​ខ្លះ​សម្រាប់​ស្រ្តី​ដែល​មាន​ប្តី​។

ការ​យល់​ច្រឡំ​ភាគ​ច្រើន​

រូបភាព Wanelo

តើ​អ្នក​ធ្លាប់​ឃើញ​ស្ត្រី​ជប៉ុន​ដាក់​ចង្កឹះលើ​ក្បាល​ទេ? តាម​ការ​ពិត​វាមិន​មែន​ជា​ចង្កឹះទេស្នៀត​សក់ (ដែល​គេ​ហៅ​ថា Kanzachi- សម្ភារៈតុបតែង​សក់)​។

អាច​និយាយ​បាន​ថា​ស្ត្រី​ដែល​មាន​ឋានៈនោះ​សក់​កាន់​តែ​ធ្ងន់​។ ហេតុ​នេះ​គេ​ត្រូវ​ប្រើ​ខ្នើយ​រាង​ការ៉េ (hako makura) ដើម្បី​ដេក។

សរុប​សេចក្តី

សម័យ​នេះ​សក់​មិន​សូវ​ជា​ក្បូរ​ក្បាច់ដូច​ពី​មុន​ទេ ជំនួស​​​ការ​តុប​តែ​គ្រឿង​អលង្កា​រលើ​សក់​ច្រើន​ដូច​ជាសម័យ​មុន​ មនុស្ស​សម័យ​បច្ចុប្បន្ន​បាន​រក​ឃើញ​វិធី​សាស្រ្ត​ថ្មីដើម្បី​ផ្លាស់​ប្តូរ​រូប​រាង​សក់​ដូចជា អ៊ុត​សក់​ត្រង់ រួញ និង​លាប​ពណ៌​សក់។ អ្វី​ទាំង​នេះ​ធ្វើ​អោយ​សក់​ខូច សក់ស្ងួត​ និង​ជ្រុះ​សក់។ សង្ឃឹម​ថា​អ្នក​អាច​ស្វែង​រក​ម៉ូត​សក់​ដែល​សាក​សម​សម្រាប់​ខ្លួន។

ព័ត៌មាន​បន្ថែម​ Thoughtco

អត្ថបទ៖ Sacchan