កំណត់ត្រាហ្គីណេសថ្មី “Karitou ទឹកឃ្មុំខ្មៅ” ធំហើយវែងបំផុតរបស់ក្រុមហ៊ុនជប៉ុន

ក្រុមហ៊ុន Tokyo Karinto Co., Ltd., ក្នុងឱកាសគម្រប់ខួប ៧០ ឆ្នាំបង្កើតក្រុមហ៊ុនបានអនុវត្តការសាកល្បងផលិត “ទឹក​ឃ្មុំ​ខ្មៅ Karintou” ដ៏ធំមួយ។ ការផលិតនេះឈានទៅដល់ការបង្កើត​កំណត់ត្រា​ពិភពលោក​ហ្គីណេស​ថ្មី។

នៅថ្ងៃទី ១០ ខែវិច្ឆិកាដែលជាថ្ងៃ Karinto ក្រុមហ៊ុន Tokyo Karinto ប្រកាសផលិតផលដែលទើបតែទទួលបានកំណត់ត្រាពិភពលោកដល់អ្នកសារព័ត៌មាន ហើយក៏ទទួលវិញ្ញាបនបត្រពីបុគ្គលិកផ្លូវការរបស់កំណត់ត្រាពិភពលោក​ហ្គីណេសដែរ។

Karinto គឺជាប្រភេទស្ករ​គ្រាប់រាង​ស៊ីឡាំង ខ្លី បំពង រួចរោយស្ករត្នោត។ ថ្វីត្បិតតែរសជាតិមានភាពទាក់ទាញ ជាទីពេញចិត្តរបស់ក្មេងៗ និងមនុស្សធំជាច្រើននៅក្នុងប្រទេសជប៉ុន ប៉ុន្តែរូបរាងរបស់វាបែរជាមិនគួរអោយចាប់អារម្មណ៍​ទាល់តែសោះ ឬអាចនិយាយបានថាអាក្រក់មើល។ ជនជាតិជប៉ុនក្នុងការតុបតែងមុខម្ហូប ប៉ុន្តែពេលពេលខ្លះពួកគេក៏ធុញទ្រាន់នឹងភាពល្អិតល្អន់ពេកដែរ ឬផ្តោតលើលក្ខណៈពិសេស។

មើលទៅមិនមានភាពទាក់ទាញនោះទេ ប៉ុន្តែឆ្ងាញ់។ 

នេះជាទំហំធម្មតារបស់ Karinto ។

ហើយនេះជាកំណត់ត្រាហ្គីណេសលើកនេះ…

កុំគិតផ្តេសផ្តាសអោយសោះ។

តាំងពីខែកញ្ញាឆ្នាំ ២០២០ កម្មករ​ជំនាញរបស់ Tokyo Karinto បានបង្កើតកំណត់ត្រាហ្គីណេសធ្វើ Karinto ធំបំផុត (Largest karinto) ក្នុងឱកាសគម្រប់ខួប ៧០ ឆ្នាំបង្កើតក្រុមហ៊ុន។ ពួកគេ​​សំយោគ​ចំណេះដឹង​ផ្នែក​ផលិតកម្ម​ដែល​ប្រមូល​បាន​ក្នុង​រយៈពេល​ប៉ុន្មាន​ឆ្នាំ​មកនេះ ហើយបន្តស្រាវជ្រាវរហូតមក។ ក្រោយពេលសាកល្បងប្រមាណ ១៣ ខែ កាលពីថ្ងៃទី ១៥ ខែលា ឆ្នាំ ២០២១ នៅរោងចក្រ Kawagoe សម្រេចបាន “ទឹកឃ្មុំខ្មៅ Karinto” ជាមួយនឹងទម្ងន់ ៦.៣៨០ គីឡូក្រាម ប្រវែង ១០៥២ មីលីម៉ែត្រ ស្នាដៃនេះធ្វើអោយគោលដៅរបស់កម្មករជំនាញក្លាយទៅជាការពិត។

វីដេអូនៃដំណើរការផលិត៖

Sacchan