ហេតុអ្វីបានជាជណ្តើរមួយចំនួននៅស្ថានីយ៍រថភ្លើងជប៉ុនមានគំនូសក្រហម និងលឿងដូចនេះ?
សូម្បីតែជនជាតិជប៉ុនក៏មិនចាប់អារម្មណ៍គំនូសក្រហម និងលឿងនៃសញ្ញាទាំងនេះដែរ។
តើអ្នកធ្លាប់ឆ្ងល់ទេថាគំនូសក្រហម និងលឿងលើជណ្តើរនៅស្ថានីយ៍រថភ្លើងក្នុងប្រទេសជប៉ុនមានន័យអ្វី? សូម្បីតែជនជាតិជប៉ុនក៏មិនសូវចាប់អារម្មណ៍ដែរ។ ថ្មីៗនេះអ្នកប្រើបណ្តាញសង្គម Twitter @a0s4u0k2a1 បានចែករំលែកបញ្ហានេះ និងផ្តល់ការពន្យល់ធ្វើអោយមនុស្សជាច្រើនភ្ញាក់ផ្អើល។
とある駅にあるこの目印。本当に感謝します。自分は斜視、乱視持ちなので、手すりがあっても階段が歪んで見えます。身内が居れば支えて貰えますが一人の時はそうもいきません。この目印があるだけで安心して歩けます。これが日本中の駅にあればどれだけ安心して階段が使えるか。分かって欲しいです。 pic.twitter.com/0m1H7WETMg
— 結月波瑠 (@a0s4u0k2a1) January 2, 2020
“ខ្ញុំពិតជាអរគុណចំពោះសញ្ញាទាំងនេះ។ ដោយសារខ្ញុំមានបញ្ហាភ្នែកទោះបីជណ្តើរមានបន្កាន់ដៃក៏ខ្ញុំនៅតែមានអារម្មណ៍ថាផ្អៀងដែរ។ ប្រសិនបើដើរជាមួយនរណាម្នាក់គេអាចជួយខ្ញុំ ប៉ុន្តែវាពិបាកក្នុងការដើរតែឯង។ ជាមួយនឹងសញ្ញាទាំងនេះខ្ញុំអាចប្រើបង្កាន់ដៃជណ្តើរដោយសុវត្ថិភាព។ ខ្ញុំចង់ចែករំលេកដល់អ្នករាល់គ្នាអំពីរឿងនេះ”។
បន្ទាប់មកម្នាក់នេះពន្យល់បន្ថែមទៀតថា៖
“សញ្ញានេះហៅថាសញ្ញាកម្គាល់ជណ្តើរ។ ទោះបីអ្នកមិនមានបញ្ហាភ្នែកដូចជាខ្ញុំក៏វាអាចជួយអ្នកច្រើនពេលអ្នកអស់កម្លាំងវិលមុខឬនៅពេលយប់ងងឹត”។
ចំពោះអ្នកដែលមានបញ្ហាភ្នែកដើរឡើងជណ្តើរមិនអីទេ ប៉ុន្តែពេលចុះជណ្តើរពួកគេអាចនឹងវិលមុខឬកំណត់កន្លែងដើរមិនបាន សូម្បីតែពេលមានបង្កាន់ដៃក៏ដោយ។
រូបភាព http://eby.blue/2020/01/07/post-3652/
មនុស្សជាច្រើននៅជប៉ុនបន្ទាប់ពីអាន Tweet បានដឹងអំពីអត្ថប្រយោជន៍នៃគំនូសពណ៌លឿង និងក្រហមនេះ ហើយសម្តែងការកោតសរសើរចំពោះគំនិតនេះថា៖
“ខ្ញុំមិនដែលដឹងថាមានសញ្ញាបែបនេះសោះឡើយ”។
“ខ្ញុំគិតថាមនុស្សជាច្រើនត្រូវដឹងអំពីរឿងនេះ” Re-tweet ។
“ខ្ញុំធ្លាប់ចាប់អារម្មណ៍តែមិនដែលគិតពីវាទេ។ ឥឡូវនេះខ្ញុំនឹងមើលវាក្នុងក្រសែភ្នែកផ្សេងរាល់ពេលខ្ញុំចុះជណ្តើរ”។
“ទីបំផុតក៏មានអ្នកពន្យល់។ កាន់តែងាយស្រួលប្រសិនបើជណ្តើរនីមួយៗត្រូវបានរចនាឡើងដូចនេះ។”
មានមនុស្សជាច្រើនជួបបញ្ហាភ្នែកស្រដៀងគ្នាក៏ចែករំលែកប្រយោជន៍នៃសញ្ញានេះផងដែរ។ លើសពីនេះស្ថាបត្យករជាតិ និងបរទេសនិយាយថាពួកគេចង់ប្រើការរចនានេះក្នុងគម្រោងការងាររបស់ពួកគេ។
ត្រឹមតែគំនូសតូចប៉ុណ្ណឹងអាចជួយមនុស្សជាច្រើន នេះជារបៀបដែលជនជាតិជប៉ុនបង្ហាញការយកចិត្តទុកដាក់របស់ពួកគេ។ ប្រទេសជប៉ុនមានចំនុចជាច្រើនទៀតគួរយកតម្រាប់តាម អ្នកគួរសង្កេតមើល និងលើកជាសំណួរ។
Sacchan
-
រូបគំនូរគួរអោយខ្លាចមួយចំនួនរបស់វិចិត្រករ Avogado6 -
ប្រសិនបើខ្ញុំក្លាយទៅជាដើមឈើ -
ការបញ្ជាទិញតាមទូរស័ព្ទរួចបដិសេធមិនព្រមទទួល -
ការសិក្សានៅបរទេស – បទពិសោធដែលគួរឱ្យចងចាំបំផុតនៅប្រទេសជប៉ុន -
តើអ្នកធ្លាប់ហូប Natto ទេ? ប្រសិនបើអ្នកដឹងពីគុណសម្បត្តិនៃការហូប Natto អ្នកប្រាកដជាចង់ហូបភ្លាម -
អោយតែរដូវធ្លាក់ព្រិលមកដល់ជនជាតិជប៉ុនចូលចិត្តធ្វើមនុស្សព្រិលដែលមានរូបប្លែកៗ
-
សណ្ឋាគារ Imperial Tokyo ដាក់លក់នំប៉័ងសជួយកាត់បន្ថយការខ្ជះខ្ជាយអាហារ -
ក្រុមហ៊ុនជប៉ុនអនុញ្ញាតឱ្យបុគ្គលិកធ្វើការក្រៅម៉ោងរកចំណូលបានរាប់លានក្នុងមួយឆ្នាំ -
រូបសំណាកព្រះពុទ្ធនៅប្រាសាទ Nanzoin ធ្វើពីស្ពាន់ធំជាងគេលើពិភពលោក -
អតីត Maiko និយាយអំពីស្ថានភាពបៀតបៀនផ្លូវភេទក្នុងវិស័យ Geisha -
បុរសជនជាតិចិនធ្វើប័ណ្ណស្នាក់នៅក្លែងក្លាយចំនួន ៣០០០ កាត -
ដាវជប៉ុនចំនួន ១ លានដែលគេចាត់ទុកជាកន្លែងស្នាក់អាស្រ័យនៃវិញ្ញាណរបស់សាមូរ៉ៃរសាត់អណ្តែតក្រោមបាតសមុទ្រ