ធ្លាប់តែផឹកស្រាម្នាក់ឯង – ឥឡូវនេះផឹកជាមួយ Idol តុក្កតា

ថ្ងៃពុធ 28/08/2019 | 20:01 ល្ងាច

តើអ្នកស្គាល់ពាក្យថា Vtuber ដែរឬទេ?

នេះគឺជាការរួមបញ្ចូលគ្នារវាង Youtuber (អ្នកដែលរកលុយដោយវិធីថតវីដេអូនៅលើ Youtube) និង Virtual (និម្មិត)។ និយាយអោយខ្លី Vtubers គឺជា Youtubers និម្មិត។

Vtuber ពិតជាគួរអោយចាប់អារម្មណ៍សម្រាប់អ្នកមើល Youtube ដោយសារតែគ្មាននរណាម្នាក់ដឹងថាជាសម្លេងរបស់អ្នកណានៅពីក្រោយតួអង្គនិម្មិតនោះទេ។ គ្រាន់តែដឹងថាជាមនុស្សម្នាក់មានសមត្ថភាពនិយាយគួរអោយទាក់ទាញ។ ដូច្នេះ Idol Vtuber មានអ្នកស្រលាញ់ចូលចិត្តច្រើនមិនចាញ់ Idol មនុស្សពិតទេ។

នៅក្នុងសង្គមបច្ចេកវិទ្យាសព្វថ្ងៃនេះ Vtuber ឈានទៅជំហានមួយថ្មី។ អ្នកអាចប្រាស្រ័យទាក់ទងដោយផ្ទាល់ជាមួយ Idol Vtuber ដែលអ្នកចូលចិត្តនៅហាងស្រា។

ផឹកជាមួយ Idol និម្មិត តើអ្នកមានអារម្មណ៍យ៉ាងណាចំពោះគំនិតនេះ?

រូបភាព https://japan.cnet.com/article/35141637/

អ្នកដែលមកហាងស្រាអាចនិយាយជាមួយ Idol និម្មិតតាមរយៈអេក្រង់ធំមួយ។ ទោះបីជារូបភាពដែលបង្ហាញនៅលើអេក្រង់ត្រូវបានដំណើរការលើកុំព្យូទ័រ ប៉ុន្តែសម្លេងជាមនុស្សពិត។ នៅពេលម្នាក់នេះធ្វើចលនា រូបភាពនៅលើអេក្រង់នឹងធ្វើចលនាស្របតាមសម្តី មានអារម្មណ៍ដូចនិយាយជាមួយមនុស្សពិត។

Idol និម្មិតអាចផឹកស្រា និងជល់កែងជាមួយអ្នក។

រូបភាព https://japan.cnet.com/article/35141637/

នៅពេលដែលតួអង្គ Idol និម្មិតផឹកស្រា ជាការពិតអ្នកបញ្ចូលសម្លេងក៏កំពុងតែផឹកស្រាផងដែរ។ ដូច្នេះអ្នកនឹងមិនមានអារម្មណ៍ឯកាព្រោះតែអ្នកផឹកម្នាក់ឯងទៀតទេ។

Idol និម្មិតនេះក៏អាចច្រៀងខារ៉ាអូខេអោយអ្នកស្តាប់បានដែរ។

រូបភាព https://japan.cnet.com/article/35141637/

នៅក្នុងសម័យបច្ចុប្បន្នទម្រង់នេះបង្កើតឳកាសសម្រាប់ជួប និងប្រាស្រ័យទាក់ទងដោយផ្ទាល់ជាមួយនឹង Idol និម្មិតដែលខ្លួនចូលចិត្ត។ មិនត្រឹមតែអាចផឹកស្រាជាមួយនឹង Idol និម្មិត អ្នកអាចរៀបរាប់រឿងប្រចាំថ្ងៃ។