ជនឆបោកសំដៅលើមនុស្សចាស់នៅប្រទេសជប៉ុន

ថ្ងៃអង្គារ 27/08/2019 | 16:51 ល្ងាច

នៅប្រទេសជប៉ុនមានជនឈរបោកសំដៅទៅលើមនុស្សចាស់។

ការបោកបញ្ឆោតតាមទូរស័ព្ទមានតាំងពីយូរណាស់មកហើយ ប៉ុន្តែរហូតមកដល់ពេលនេះចំនួនអ្នកដែលត្រូវបានគេបោកប្រាស់នៅតែមាន។

អ្នកបោកប្រាស់តែងតែហៅទូរស័ព្ទមកនិយាយសម្លេងដូចជាពិតថា “ប៉ា/ម៉ាក អើយកូន” ប្រសិនបើមនុស្សចាស់ស្តាប់ទូរស័ព្ទនឹងហៅឈ្មោះកូនមុន។ ដូច្នេះជនឆបោកប្រើឈ្មោះនេះ ហើយនិយាយបន្លើសរឿងរ៉ាវដើម្បីជំរិតទារប្រាក់។

ថ្មីៗនេះវិធីសាស្ត្របោកបញ្ឆោតកាន់តែច្រើនជាងមុន។ ប៉ូលីសបានបញ្ជាក់ពីការឆបោកដែលជនរងគ្រោះជាលោកតាម្នាក់អាយុ ៧០ ឆ្នាំចំនួនទឹកប្រាក់ដែលបាត់បង់ដល់ទៅ ៣,៧ លានយ៉េន។

រូបភាព https://www.excite.co.jp/news

ពាក់កណ្តាលអធ្រាត្រមានបុរសម្នាក់ទូរស័ព្ទមកប្រាប់ថាខ្លួនជាប៉ូលីស។ ជននោះបាននិយាយថាខ្លួនកំពុងស៊ើបអង្កេតការក្លែងបន្លំដែលពាក់ព័ន្ធនឹងបុគ្គលិកនាយកដ្ឋានហិរញ្ញវត្ថុ ហើយបាននិយាយថាប្រាក់បញ្ញើសន្សំរបស់ជនរងគ្រោះកំពុងស្ថិតក្នុងគ្រោះថ្នាក់ត្រូវគេលួច។ ជនឆបោកបានស្នើអោយជនរងគ្រោះដាក់កាត និងលេខសម្ងាត់ក្នុងស្រោមសំបុត្រ បន្ទាប់មកមានបុគ្គលិកធនាគារមកផ្ទាល់ដើម្បីពន្យល់។

នៅពេលការហៅទូរស័ព្ទត្រូវបញ្ចប់ មានមនុស្សម្នាក់គោះទ្វារផ្ទះជនរងគ្រោះ។ ដោយជឿថាធ្លាប់ពិភាក្សាជាមួយប៉ូលីសតាមទូរស័ព្ទ ជនរងគ្រោះបានដាក់កាត និងក្រដាសលេខសម្ងាត់ក្នុងស្រោមសំបុត្រ។ អ្នកក្លែងបន្លំបុគ្គលិកធនាគារបានស្នើអោយបិទសំបុត្រ ពឹងអោយលោកតាយកត្រាចេញ។ នៅពេលជនរងគ្រោះចូលទៅក្នុងផ្ទះដើម្បីយកត្រា ជននេះបានលួចប្តូរស្រោមសំបុត្រ និងលួចយកក្រដាសលេខសម្ងាត់ ក្រោយមកចេញពីផ្ទះជនរងគ្រោះ។

បន្ទាប់ពីកូនប្រុសរបស់ជនរងគ្រោះបានត្រឡប់មកផ្ទះវិញ ដោយសង្ស័យក្រោយពេលស្តាប់រឿងរ៉ាវទាំងនេះបើកស្រោមសំបុត្រឃើញថាកាតត្រូវបានគេលួចបន្លំ ខណៈពេលនោះប្រាក់សន្សំត្រូវគេដកអស់។ ប៉ូលីសមិនទាន់កំណត់បានអត្តសញ្ញាណជនល្មើសនៅឡើយទេ។

ត្រូវចាំថាប៉ូលីសគ្មានសិទ្ធិដឹងអំពីលេខសម្ងាត់សៀវភៅគណនីរបស់អ្នកទេ ហើយក៏គ្មានបុគ្គលិកធនាគារណាមករកអ្នកដល់ផ្ទះដែរ។ ប្រសិនបើមានការសង្ស័យវិធីល្អបំផុតគឺត្រូវទៅរកធនាគារដោយផ្ទាល់ដើម្បីទទួលបានព័ត៌មាន។

ប្រទេសជប៉ុនត្រូវបានគេចាត់ទុកថាជាប្រទេសមានសុវត្ថិភាព។ ជាមួយនឹងព័ត៌មានដូចនេះកេរ្តិ៍ឈ្មោះល្អនឹងបាត់បង់បន្តិចម្តងៗ។

Kengo Abe