ប្តីប្រពន្ធជនជាតិ​ជប៉ុនគេងបន្ទប់ខុស​គ្នា – តើដោយសារតែអាពាហ៍ពិពាហ៍គ្មាន​សុភមង្គលឬ?

មានមតិជាច្រើននិយាយ​អំពី​គូស្វាមីភរិយាជនជាតិជប៉ុន ក្នុងចំណោមសំណួរដែលត្រូវបានគេលើក​ឡើង​ច្រើន​​បំផុតគឺ “ហេតុអ្វីបានជាគូស្វាមីភរិយាជនជាតិជប៉ុននៅ​បន្ទប់​ខុស​គ្នាខណៈដែលផ្ទះ​​តូច?”

ជាការពិតគូស្វាមីភរិយាជនជាតិជប៉ុនជាច្រើននៅបន្ទប់​តែ​មួយ ​ប៉ុន្តែពួកគេដេកនៅលើគ្រែពីរផ្សេងគ្នា។

រូបភាព https://rocketnews24.com/2013/07/23/351068/

ប្រសិន​បើ​អ្នក​ផ្សេង​ដឹង​អាច​នឹង​គិត​ថា​​ទំ​នាក់​ទំនង​ប្តី​ប្រពន្ធ​មិន​ល្អ ប៉ុន្តែបើអ្នកស្វែងយល់ ហេតុផលពិតប្រាកដស្ថិតនៅលើភាពខុសគ្នានៃរបៀបរស់នៅ។

ជនជាតិជប៉ុនលើ​​គេហទំព័រ Iromegane បាន​ចែករំលែកបទពិសោធន៍ផ្ទាល់ខ្លួន៖

“ពេលខ្ញុំនៅក្មេងឪពុកម្តាយខ្ញុំនៅបន្ទប់ផ្សេងគ្នា។ នៅ​ពេល​នោះ​ខ្ញុំ​គិត​ថាអ្នក​ទាំង​ពីរ​មិន​ស្រលាញ់​គ្នា ប៉ុន្តែក្រោយមកខ្ញុំដឹងថារបៀបរស់នៅរបស់ពួកគេខុសគ្នា។ ម្តាយរបស់ខ្ញុំធ្វើការវេនយប់ហើយទៅផ្ទះយឺត។ ពុកខ្ញុំក្រោកទាំងកណ្តាលយប់ដើម្បីទៅទទួល​ម្តាយរបស់ខ្ញុំនៅ​ស្ថានីយ៍​រថភ្លើងចម្ងាយ​ពី​ផ្ទះប្រហែល​កន្លះ​ម៉ោង​បើក​ឡាន។ នៅព្រឹកបន្ទាប់ឪពុក​របស់​ខ្ញុំ​នឹងភ្ញាក់ឡើងនៅម៉ោង ៦ៈ៣០ នាទី​ ដើម្បីដាស់ខ្ញុំ និងធ្វើអាហារពេលព្រឹក”។

នៅពេលគូស្វាមីភរិយាជនជាតិជប៉ុនមានកូន ធម្មតាកូននឹងគេងជាមួយឪពុកម្តាយ។ ខុសពី​កុមារនៅ​អឺរ៉ុប ក្មេង​គ្មាន​បន្ទប់ផ្ទាល់ខ្លួន​រហូត​ដល់​ចូល​រៀន​ថ្នាក់​បឋមសិក្សា (ឆាប់​បំ​ផុត)។ ទោះបីជាយ៉ាង​ណា​ដើម្បី​អោយ​ប្តី​សម្រាកបានស្រួល (ដោយ​សារប្តីជា​ម្ចាស់គ្រួសារ) គាត់​ត្រូវ​បាន​ដេកដាច់ដោយ​ឡែក ចំណែក​កូន​ដេក​ជាមួយ​ម្តាយ​។ ដូច្នេះគូស្វាមីភរិយាចាប់ផ្តើមគេងបន្ទប់ខុស​គ្នាពេលមានកូន។

លើសពីនេះទៀតហេតុផលមួយដែលគូស្វាមីភរិយាជនជាតិជប៉ុនគេងបន្ទប់​ខុស​គ្នាដោយ​សារពូកបែប​ជប៉ុន​ (Futon) មាន​ទំហំ​សម្រាប់​តែ​មនុស្ស​ម្នាក់។ អាស្រ័យលើទំនាក់ទំនងរបស់ប្តីប្រពន្ធនាំអោយ​ចម្ងាយ​រវាង​ពូក Futon ជិត​ឬ​ឆ្ងាយ។ ប្រសិន​បើ​អ្នក​ទាំង​ពីរគេង​នៅ​លើ Futon តែ​មួយ​អាច​នឹង​ធ្លាក់​នរណា​ម្នាក់ចុះ​ក្រោម​។

យោងតាមការស្រាវជ្រាវមួយចំនួនការគេងតែម្នាក់ឯងនាំមកនូវដំណេកលក់ស្រួល។ ប្រជាជនជប៉ុនជាច្រើនយល់​ថាការគេងម្នាក់ឯងមិនរំខានអ្នក​ដទៃ ខ្លួន​យើងក៏​មិន​ចាំ​បាច់​កម្រិត​ទម្លាប់​អាក្រក់​ដែរ។

រូបភាព https://allabout.co.jp/gm/gc/470873/

ទោះបីជា​យ៉ាង​ណា​ការដែល​គេង​បន្ទប់​ខុស​គ្នាអាច​ជាសញ្ញាមួយ​នៃ Kateinai Bekkyo (家庭内別居) – រស់នៅជាមួយគ្នាតែមិនមែនជាប្តីប្រពន្ធ។ មាន​ន័យ​ថា​ទោះបីជាអាពាហ៍ពិពាហ៍បានបញ្ចប់ដោយ​មូល​ហេតុ​ណា​មួយ​ (អាចមកពីកូន) ពួកគេនៅតែរស់នៅក្នុងផ្ទះតែមួយ។ Kateinai Bekkyo កើតឡើង​បន្ទាប់ពីស្វាមីចូលនិវត្តន៍។ ហើយ​អត្រា​គូស្វាមីភរិយាជនជាតិជប៉ុនដែលរស់នៅបែប​នេះច្រើនជាងការលែងលះគ្នាតាមច្បាប់។ 

មានហេតុផលជាច្រើនដែលគូស្វាមីភរិយាជប៉ុនមិនគេងជាមួយ​គ្នា​។ ប្រសិន​បើ​ក្មេង​នៅ​ក្នុង​គ្រួ​សារ​មួយ​និយាយ​ថា “ឪពុកម្តាយរបស់ខ្ញុំមិនដេកជាមួយគ្នាទេ ប៉ុន្តែពួកគេមើលទូរទស្សន៍ ចម្អិន​ម្ហូប និងញញឹមដាក់គ្នា” មិន​អាច​និយាយ​ថាគ្រួ​សារនេះ​គ្មាន​សុភមង្គល​ឡើយ។

ប្រភព Iromegane 

Sacchan