រលកយក្សស៊ូណាមិបំ​ផ្លាញទី​ក្រុង Miyako ​ទាំង​មូល​មាន​តែ​ផ្ទាំង​ថ្ម​មួយ​​​ដែល​​មិន​​អី

នៅ​ថ្ងៃទី ១១ ខែ​មី​នា​ ឆ្នាំ ២០១១ ពេលនោះខ្ញុំកំពុងធ្វើការនៅខេត្ត Chiba ។ ស្ថានភាពរញ្ជួយដីយ៉ាងខ្លាំងធ្វើ​អោយ​ខ្ញុំ​មិន​អាច​ឈរ​បាន។ ខ្ញុំប្រញាប់ត្រឡប់ទៅផ្ទះវិញ ហើយបើកទូរទស្សន៍ ខ្ញុំមិនជឿថា រញ្ជួយដីស្ថិត​ក្នុង​កម្រិតធ្ងន់​បែប​​នេះ​ទេ។ កម្លាំង​បំ​ផ្លាញ​របស់​វាគឺ​ខ្លាំង​រហូត​ដល់​ខ្ញុំ​មិននឹក​ស្មាន​​ដល់ ទាំង​ធ្លាប់​ឃើញរញ្ជួយដីហើយក៏ដោយ។

រញ្ជួយដីនៅឆ្នាំនោះ​មាន​ទាំងរលកស៊ូណាមិ។ ផ្ទះ​តា​របស់​ខ្ញុំ​ស្ថិត​នៅ​ទី​ក្រុង Miyako ខេត្ត Iwake ជាកន្លែងដែលមានឆ្នេរសមុទ្រស្រស់ស្អាត ជលផលរីកចម្រើន។ ខ្ញុំ​ទៅ​ផ្ទះ​លោក​តា​ស្ទើរ​តែ​រាល់​ឆ្នាំ ប៉ុន្តែ​គ្រាន់​តែ​រលក​យក្ស​មួ​យ ​ទី​ក្រុង​ទាំង​​មូល​​ត្រូវ​​បំ​ផ្លាញ​យ៉ាង​ធ្ងន់​ធ្ងរ។

តើអ្នកយល់ពីអារម្មណ៍ពេលឃើញទិដ្ឋភាព​គ្រោះ​ធម្មជាតិ​ដែរទេ?

ទោះ​បី​ខ្ញុំ​មើល​ឡើង​​វិញ​ Clip ខាង​លើ​ជាច្រើន​ដង​ ខ្ញុំ​នៅ​តែ​មិន​ជឿ​លើ​ភ្នែក​របស់​ខ្លួន​។

មានមនុស្ស​ជាទីស្រឡាញ់របស់ខ្ញុំជាច្រើនត្រូវរលក​បក់ទៅ មួយ​ចំនួន​បាត់​ខ្លួន ​ឬ​បាត់​បង់​ជីវិត។

ទោះជាយ៉ាងណា មាន​រឿង​ចម្លែកមួយដែល​ខ្ញុំ​គិត​មិន​យល់។ រលក​ស៊ូណា​មិ​បំ​ផ្លាញទី​ក្រុង​ Miyako ប៉ុន្តែ​តំបន់ Anigoshi Shigemo បែរជា​គ្មាន​រឿង​អ្វី​កើត​ឡើង។ មានពាក្យចចាមអារ៉ាមថា តំបន់នេះត្រូវ​បាន​ការពារ​ដោយ​ទេវតា​​ថ្ម។

រូបភាព https://ja.wikipedia.org/wiki/大津浪記念碑

ផ្ទាំងថ្មត្រូវបានគេនិយាយថា មានព្រលឹងអ្នកដែលបានស្លាប់ក្នុងគ្រោះមហន្តរាយមុនៗ។ ប្រជាជនរស់នៅក្បែរនោះតែងប្រាប់ខ្ញុំថា “មិន​អាច​សង់ផ្ទះនៅក្រោមផ្ទាំងថ្មទេ”។

ផ្ទាំងថ្មត្រូវបានដាក់នៅទីនោះក្នុងឆ្នាំ ១៩៣៣ ឆ្នាំ​ដែល​កើត​រលក​ស៊ូណា​មិសម្លាប់​មនុស្សជាច្រើន​ ដោយ​ដឹង​ថា​ក្នុង​តំបន់​មាន​តែ​មនុស្ស ៤ នាក់ដែល​នៅ​រស់។

ទីតាំងផ្ទាំងថ្មស្ថិតនៅលើជម្រាល ៨០០ ម៉ែត្រពីកំពង់ផែត្រី ខ្ពស់​ជាង​នីវ៉ូ​ទឹក​សមុទ្រ ៦០ ម៉ែត្រ ជាភស្តុតាងនៃការបំផ្លាញរបស់​ធម្មជាតិ រំ​លឹក​មនុស្ស​​យល់​អំពី​តម្លៃ​នៃ​ជីវិតបច្ចុប្បន្ន​។

នៅពេលដែលរញ្ជួយដីស៊ូណាមិក្នុង​ឆ្នាំ ២០១១ បាន​កើត​ឡើង រលកឈប់នៅពីមុខផ្ទាំងថ្ម ភូមិទាំងមូលស្ថិតនៅក្នុង​តំបន់មានសុវត្ថិភាព។ ប្រជាជនជាច្រើនដែលធ្វើការនៅក្បែរឆ្នេរត្រលប់ទៅផ្ទះពេលមាន​រញ្ជួយដីកើត​ឡើងសុទ្ធ​តែ​នៅរស់។ ការ​បំ​ផ្លាញ​ទៅលើ​មនុស្ស​ និង​ទ្រព្យ​សម្បតិ្តនៅក្នុងតំបន់នេះស្ទើរតែស្មើ​សូន្យ ខណៈដែលតំបន់ជុំវិញត្រូវបំផ្លិចបំផ្លាញយ៉ាងខ្លាំង។

រឿងរ៉ាវស្រដៀងគ្នាជាច្រើនក៏កើតឡើងនៅទូទាំងប្រទេសជប៉ុនដែរ មិនមែនមានតែ​ផ្ទាំង​ថ្មប៉ុណ្ណោះទេ​។

នៅកន្លែង​ណា​​មាន​ប្រាសាទ​ទេវតា ​ទោះបី​មាន​រលក​ស៊ូ​ណា​មិ​កើត​ឡើង​ក៏​មិន​សូវរងការ​បំ​ផ្លាញ​ធ្ងន់​ធ្ងរដែរ។ មិនត្រឹម​តែ​រលកយក្សស៊ូណាមិប៉ុណ្ណោះទេ ប៉ុន្តែគ្រោះមហន្តរាយធម្មជាតិផ្សេងទៀតដូចជារញ្ជួយដី ទឹកជំនន់ និងបាក់ដីក៏មិន​ប៉ះ​ពាល់ច្រើនដល់តំបន់ដែលត្រូវ​បាន​ការពារដោយ​ទេវតាដែរ។

ប្រាសាទ​ទាំង​នេះត្រូវបានសាងសង់តាំងពីយូរយារណាស់មកហើយ ប៉ុន្តែនៅតែអាចឈរនៅ​នឹង មិនរង្គោះរង្គើដោយសារ​រញ្ជួយដី។ ប្រហែល​ជា​រលក​ស៊ូ​ណាមិក៏​មិន​ហាន​បំ​ផ្លាញ​ដែន​ដី​ទេវ​តាដែរ។

Kengo Abe