​សាលាគ្មាន​​បទបញ្ជា​សិស្សអាច​ចេញចូល​បន្ទប់នាយកសាក​ថ្មទូរស័ព្ទដោយ​​សេរី

ពេលខ្ញុំនៅរៀន​វិទ្យាល័យបទបញ្ជាផ្ទៃ​ក្នុងនៅសាលាសិស្សប្រុសត្រូវកោរសក់ ចំណែក​សិស្ស​ស្រី​ត្រូវ​បាន​អនុញ្ញាតអោយ​ដាក់​សក់​ត្រឹម​ស្មា។ ក្រៅពីនេះការពិន័យចំពោះអ្នក​ដែល​មិនពាក់ឯកសណ្ឋាន និង​​ទៅ​យឺតគឺ​ធ្ងន់។

សង្គមជប៉ុនគឺគោរពតាមច្បាប់ទម្លាប់ណាស់។

ប៉ុន្តែសាលាវិទ្យាល័យ Sakuragaoka នៅ Setagaya-yu, Tokyo បានប្រកាសថានឹងលុបបទបញ្ជា ​អោយ​សិស្សមាន​​បិរយាកាសរៀន​សេរី​។

រូបភាព https://www.news-postseven.com/archives/20190228_877555.html

បទបញ្ជានេះត្រូវបានធ្វើឡើងដោយនាយកសាលាឈ្មោះ Saito។

សិស្ស​មាន​សិទ្ធិពាក់​ឯកសណ្ឋាន​ដោយ​សេរី ហើយ​ក៏​គ្មាន​កណ្តឹងបន្លឺឡើងប្រាប់អោយដឹងថាដល់ម៉ោងចូលរៀនដែរ។ រហូត​ដល់​មាន​សិស្ស​មួយចំនួន​ចូល​បន្ទប់​នាយក​សាក​ថ្ម​ទូរស័ព្ទ​ទៀត។

ថ្មីៗនេះឪពុកម្តាយជាច្រើនមិនចង់អោយ​កូនរបស់ពួកគេទៅសាលារៀនដែល​មានបទបញ្ជាតឹងរឹងទេ។ សាលានេះធ្លាប់គ្មាន​សិស្សចូល​រៀន​ដោយសារការគិតបែបនេះ។ ដូច្នេះក្រុមប្រឹក្សាភិបាលសាលាបានជួបពិភាក្សា​គ្នាហើយធ្វើការផ្លាស់ប្តូរ។

លទ្ធផលសាលាទទួលបានសិស្សបន្ថែមទៀតព្រោះទទួលបានទំនុក​ចិត្តពីឪពុកម្តាយសិស្ស។

នៅឆ្នាំ ២០១០ លោក Saito បានចូលកាន់តំណែងនាយកសាលាជាផ្លូវការ។ គាត់​និយាយ​ថា​ចង់​ផ្លាស់​ប្តូរ​បទបញ្ជាសាលា​តាំងពី ៩ ឆ្នាំ​មុនមក​ម៉្លេះ។ ខ្លួនគាត់ផ្ទាល់ក៏​ជាអ្នក​ស្អប់បទបញ្ជាដែរ។

រូបភាព 朝日新聞デジタル

Saito គិតថាសិស្សនឹងមានអារម្មណ៍ធុញពេល​ត្រូវ​ធ្វើតាមបទបញ្ជាដែលពួកគេមិនយល់។

“ប្រសិនបើមិនគោរពតាម​បទបញ្ជា ការគោរពប្រតិបត្តិតាមគឺគ្មានន័យទេ។ ខ្ញុំ​នឹង​ដកវិន័យនេះ​ចេញបន្តិចម្ដងៗហើយបង្វែរសាលាទៅជាកន្លែងគួរអោយចាប់អារម្មណ៍សម្រាប់​សិស្ស”។

នេះជាបទបញ្ជាដែល​មិន​គួរ​អោយ​ជឿមួយចំនួន​របស់សាលា៖

  • នៅម៉ោង​រៀនសិស្ស​មាន​សិទ្ធិ​នៅ​ក្រៅ​ថ្នាក់
  • ការណែនាំកម្មវិធីបង្រៀនជាភាសាអង់គ្លេស (អ្វី​ទាំង​នេះ​កម្រមាន​នៅ​សាលា​វិទ្យា​ល័យ​ជប៉ុន​ណាស់)
  • ម៉ោង​រៀន​ពេល​យប់​រួម​មាន​អាហារ (ស្តាប់ទៅដូចជាការផ្សាយពាណិជ្ជកម្មភោជនីយដ្ឋាន)។

នាយកសាលាជឿជាក់ថាមូលហេតុធ្វើ​អោយ​ប្អូនៗ​គេច​ថ្នាក់ព្រោះពួកគេយល់ថាគ្រូរបស់ពួកគេគួរអោយធុញទ្រាន់។ នេះមិនមែនជាកំហុសរបស់សិស្សទាំងស្រុងទេ ដូច្នេះវាគ្មានប្រយោជន៍ក្នុងការបង្ខំពួកគេអោយ​ចូលរៀន​ពេញ​ម៉ោង​ទេ។ ផ្ទុយទៅវិញគួរ​បង្កើតបរិយាកាសរៀនដែលសិស្ស​ចូលរួមដោយស្ម័គ្រចិត្ត និងសកម្មល្អ​ជាង។

សូម្បី​តែ​ម៉ោង​រៀន​នៅ​ពេល​យប់ ប្រសិន​បើ​សិស្ស​មាន​ចំ​ណាប់​អារម្មណ៍ សិស្សអាចមក​ថ្នាក់​រៀន។

ប្រសិនបើចង់ដឹងអំពីលទ្ធផលនៃបរិយាកាសសាលារៀនសេរីនេះ ពិន្ទុមធ្យមរបស់សិស្សនៅសាលាខ្ពស់ ប្រហាក់ប្រហែលភាគរយសិស្សដែលចូលសាលាល្បី​ដែរ​។ សាលា​ស្ថិត​ក្នុង​ Top សាលាដែល​មាន​កេរ្តិ៍​ឈ្មោះនៅ​ជប៉ុន ចំណែក​នាយកសាលាមិនមានការទាមទារពិសេសអ្វី​ពីសិស្សឡើយ។

“រៀន​ថ្នាក់​វិទ្យា​ល័យ​ត្រឹម​ ៣ ឆ្នាំត្រូវ​​រីករាយនឹងជីវិតជាសិស្ស”

សង្ឃឹម​ថា​បរិ​យាកាស​រៀន​បែប​នេះនឹង​បន្ត ហើយ​គ្រូ​បង្រៀន​នឹង​យោគយល់​ដូចជា​នាយក​សាលា។

Kengo Abe

មើលបន្ថែម: