ហេតុ​អ្វីជនជាតិ​ជប៉ុន​ភាគ​ច្រើន​មាន​ធ្មេញ​ចំ​ពើស?

តើចំណុច​អ្វី​ធ្វើ​អោយ​អ្នក​​ចំណាប់​អារម្មណ៍ជនជាតិជប៉ុន? 

មនុស្ស​មួយ​ចំនួន​​គិត​អំពី​បុរស​ភ្នែក​លិប ពាក់​វែន​តា​មី​ញូប ពាក់​អាវ vest ដៃ​កាន់​កាបូបធ្វើ​ការ។

ហើយ​ក្នុង​ចំ​ណោម​នោះ​ក៏​មាន​អ្នក​ចាប់​អារម្មណ៍​​ធ្មេញ​របស់​ជនជាតិ​​ជប៉ុន​ភាគច្រើនមិន​រៀបស្មើ ឬមាន​ធ្មេញចំពើស។

ក្រុម​ហ៊ុន Align Technology Japan បានសម្ភាសជនជាតិ​បរទេសចំនួន​ ១០០ នាក់​ជាមួយ​នឹង​សំ​ណួរ “សូម​ប្រាប់​អោយ​យើង​បាន​ដឹង តើ​អ្នក​យល់​យ៉ាង​ណា​ចំពោះ​ធ្មេញ​របស់​ប្រជាជន​ជប៉ុនក្នុងចំណោមបណ្តាប្រទេសជឿនលឿន”។

លទ្ធ​ផល​បាន​អោយ​ដឹងមាន​ត្រឹម​តែ ២៤% យល់​ថា​ធ្មេញ​របស់​ប្រជាជន​ជប៉ុន​ស្អាត​ មានមនុស្ស ៧៦% យល់​ថា​ប្រជាជន​ជប៉ុន​មាន​ធ្មេញ​មិន​រៀប​ស្មើ។

យោបល់មួយចំនួនទាក់ទងនឹងការស្ទង់មតិ “ខ្ញុំ​ភ្ញាក់ផ្អើលនៅពេលខ្ញុំបានឃើញធ្មេញ​របស់​ជនជាតិ​ជប៉ុន” ហេតុអ្វីបានជាពួកគេមិនទៅព្យាបាល?

ក្នុង​ភាសា​ជប៉ុន​ប្រភេទ​ធ្មេញ Deppa (出っ歯), Deru (出っ歯) និង Ha (歯) និយាយ​អំពី​ធ្មេញ​ដែល​មិន​រៀប​ស្មើ។

មនុស្សជាច្រើននិយាយថាដោយសារតែទម្លាប់និយាយភាសាជប៉ុន ឬការទទួល​ទាន​អាហារធ្វើ​អោ​យ​ពួកគេ​មាន​ធ្មេញ​បែប​នេះ។

ប៉ុន្តែមូលហេតុដែលប្រជាជន​ជប៉ុនមានធ្មេញបែបនេះគឺដោយសារតែគ្រោងឆ្អឹងធ្មេញ​ជនជាតិអាស៊ី។

មើលរូបភាពខាងលើអ្នកអាចឃើញ បើ​ប្រៀបជាមួយ​ប្រជាជន​អឺរ៉ុប គ្រោង​ឆ្អឹងក្បាលរបស់ប្រជាជន​ជប៉ុនមានលក្ខណៈខុសគ្នា។

យើង​ឃើញ​ថា​ក្បាល​ប្រជាជន​អឺរ៉ុបទំហំ​ថ្ងាសតូច ច្រមុះ​ស្រួច។

ចំណែក​ក្បាល​របស់​ប្រជាជន​ជប៉ុន​វែង ថ្ងាស​រៀប​ស្មើ ច្រមុះ​ទាប។ ដូច្នេះ​មាន​អារម្មណ៍​ថា​ថ្កាមខាង​លើ​របស់​ប្រជាជន​ជប៉ុន និង​ជនជាតិ​អាសីុរៀង​ចេញ​មក​ក្រៅ​បន្តិច​។

សូម​មើល​រូប​ភាព​ខាង​ក្រោមអ្នក​នឹង​យល់។

ជាទូ​ទៅ​គ្រោង​ឆ្អឹង​ក្បាល​វែងឬ​ខ្លីប៉ះពាល់ដល់កម្រិតថ្កាម​ខាង​លើខិត​​ចេញ​មក​ក្រៅ។

ប៉ាន់ប្រមាណមាន​បហ្រែល ៣០% ប្រជាជន​ជប៉ុន​មាន​ថ្កាម​ខាង​លើចេញ​ក្រៅ។

ធ្មេញទន្សាយ – ធ្មេញ​ឃ្លាត​គ្នា

ប្រភព​មក​ពី​បុព្វបុរសជនជាតិ Jomon រស់​នៅយូរអង្វែងនៅប្រជុំកោះជប៉ុន។ ចំណុចពិសេសរបស់ជនជាតិ Jomon មាន​ស្បែក​ស្រអែម ភ្នែក​លិប និងធ្មេញទន្សាយ។

បន្ទាប់ពីជនជាតិ Jomon មាន​ជនជាតិ Yayoi មកពីឧបទ្វីបកូរ៉េជាមួយ​នឹង​លក្ខណៈខុសពី​ប្រជាជនជប៉ុន​បុរាណគឺ​មានភ្នែក​លិប ស្បែក​ស មាត់​តូច និងធ្មេញ​ធំ។

 ជនជាតិ Jomon និងជនជាតិ Yayoi 

ចំណុច​ពិសេ​សទាំង​ពីរ​ផ្សំ​ចូល​គ្នានាំ​អោយ​មាន​ប្រជាជន​ជប៉ុន​នាពេល​បច្ចុប្បន្ន។

ដោយ​សារ​តែ​ការ​រួម​បញ្ចូល​គ្នា​នេះបណ្តាល​អោយ​មាន​បញ្ហា​ជាច្រើន​ចំពោះ​ធ្មេញ​របស់​ប្រជាជនជប៉ុន មាន​ករណី​ ២ កើត​ឡើងគឺ៖

លក្ខណៈចង្កា​​តូច​របស់​ជនជាតិ Jomon ជាមួយ​នឹង​ទំហំ​ធ្មេញ​ធំ​របស់​ជនជាតិ Yayoi ធ្វើ​អោយ​មាន​ធ្មេញ​ចំ​ពើស (八重歯-Yaeba) ហើយ​ធ្មេញ​ដុះ​មិន​ស្មើ (乱杭歯 – Ranguba)។

នៅ​េពល Gen ចង្កាជនជាតិ Yayoi ជាមួយនឹង Gen ធ្មេញ​តូច​របស់​ជនជាតិ Jomon ធ្វើ​អោយ​ធ្មេញ​ប្រជា​ជន​ជប៉ុន​បច្ចុប្បន្ន​ឃ្លាតគ្នា – スキっ歯។

សង្កេតឃើញថាទំនោរធ្មេញ​ឃ្លាត​គ្នា​មាន​ការ​វិវត្តន៍ដូចជនជាតិ Yayoi​​ ច្រើន​ជាង។

ទោះបី​ជា​យ៉ាង​ណា​ក៏​មាន​ប្រជាជន​ជប៉ុន​មាន​ធ្មេញ​រៀប​ស្មើ​ស្អាត​ដែរ ប្រហែល​ពួក​គេ​មិន​ស្ថិត​ក្នុង Gen 3:7 (៣០% Gen ជនជាតិ Jomon និង ៧០% ជនជាតិ Yayoi)។

ធ្មេញ​ចំ​ពើស

ធ្មេញ​ចំ​ពើសជា​ធ្មេញ​ដែលដុះ​ខុស​ជួរ ប៉ុន្តែ​មាន​នារី​ជប៉ុន​ជា​ច្រើន​ចូល​ចិត្តព្រោះ​តែ​មើល​ទៅ​វា​គួរ​អោយ​ស្រលាញ់។

ធេ្មញបែប​នេះគេហៅ​ថា Yaeba (八重歯) តំណាង​អោយ​វ័យ​ក្មេង និង​គួរ​អោយ​ស្រលាញ់។

មាន​មនុស្សមួយចំនួន​ទៅមជ្ឈមណ្ឌលកែ​សម្ផស្ស​ដើម្បី​ដាក់​ធ្មេញ​ចំពើស។

តម្លៃ​ដាក់​ធ្មេញ​ចំពើស​មួយ​ពី ៤០០ ដុល្លា។

ទោះជាមាន​ធ្មេញ​មិន​ស្អាតក៏អត្រា​ទៅ​ធ្វើ​ធ្មេញរបស់​ប្រជាជន​ជប៉ុន​ត្រឹម​តែ ២១.៣% ប៉ុណ្ណោះ។

ចំណែក​ប្រជាជន​អាមេរិកចំនួន​ ៥០% មាន​ធ្មេញ​មិន​ស្អាត​ព្រម​ចំ​ណាយ​ប្រាក់ធ្វើ​ធ្មេញ។

​មូល​ហេតុ​ប្រហែល​មក​ពី​ធ្វើ​ធ្មេញ​នៅ​ជប៉ុនថ្លៃ ហើយ​ធានារ៉ាប់រងមិនចេញ​អោយ​។

ចុះ​អ្នក​វិញពេល​និយាយ​អំពី​ចំណុច​ពិសេស​របស់​ជនជាតិ​ជប៉ុន តើ​ក្នុង​ចិត្ត​របស់​អ្នក​គិត​ពី​អ្វី?

Chee