ចង់ដឹងទេថាពេលណានារីជប៉ុនចាត់ទុកអ្នកជាមនុស្សដែលគេស្រលាញ់

ថ្ងៃអង្គារ 16/07/2019 | 22:08 ល្ងាច

ប្រៀបជាមួយបណ្តាប្រទេសភាគខាងលិច ប្រទេសជប៉ុនត្រូវបានគេចាត់ទុកថាជាប្រទេសមានវប្បធម៌តឹងរឹង។ មិត្តភាពរវាងបុរស និងនារីជប៉ុន តើអ្នកអាចបែងចែកថាមួយណាជាមិត្តភាព ហើយមួយណាជាសេ្នហាដែរឬទេ? ដោយសារមានស្នេហាជាច្រើនកើតចេញពីមិត្តភាព។

ដើម្បីបកស្រាយអំពីបញ្ហានេះគេហទំព័រស្ទង់មតិលើអ៊ីនធឺណែត Minna no Koe បានសាកសួរអំពីរបៀបនារីជប៉ុនបែងចែករវាងមិត្តភាពធម្មតា និងស្នេហា ហើយទទួលបានមតិឆ្លើយតបចំនួន ១១៩៤។

ខាងក្រោមនេះមាន ៧ ចំណុចដែលពេញនិយម។

៧. ប្រសិនបើគ្រាន់តែជាមិត្តភក្តិ ខ្ញុំនឹងទាក់ទងទៅគេពេលទំនេរ (មាន ៤% យល់ស្រប)

រូបភាព ウレぴあ総研 – チケットぴあ

ទូរស័ព្ទទៅជជែកគ្នាលេងនៅថ្ងៃឈប់សម្រាក ឬក្រោយពេលចេញពីធ្វើការជារឿងធម្មតា។ ប៉ុន្តែទូរស័ព្ទទៅបុរសម្នាក់និយាយរឿងក្នុងចិត្តពេលយប់ ឬពេលដែលអ្នកដឹងថាបុរសម្នាក់នោះកំពុងរវល់ ជារឿងដែលអ្នកធ្វើជាមួយមនុស្សពិសេសតែប៉ុណ្ណោះ។

៦. ប្រសិនបើគ្រាន់តែជាមិត្តភក្តិ ខ្ញុំនឹងមិនទៅដើរលេងនឹងគេដើម្បីធ្វើអោយគេសប្បាយទេ (មាន ៦% យល់ស្រប)

នេះជាសំណួរមិនសូវជាក់លាក់ ប៉ុន្តែមនុស្សជាច្រើនយល់ស្របថាអ្វីដែលគេធ្វើសម្រាប់មនុស្សដែលគេស្រលាញ់ច្រើនជាងមិត្តភាពធម្មតា។

៥. ប្រសិនបើគ្រាន់តែជាមិត្តភក្តិ ខ្ញុំនឹងមិនដេកក្នុងបន្ទប់តែមួយជាមួយគេទេ (មាន ៨% យល់ស្រប)

រូបភាព ハウコレ

អ្វីទាំងនេះត្រឹមត្រូវពេលធ្វើដំណើរកំសាន្តជាក្រុម ហើយស្ថានភាពតម្រូវអោយដេកក្នុងបន្ទប់តែមួយជាមួយមិត្តភក្តិ អ្នកនឹងគ្មានអារម្មណ៍ស្រួលទេ។

៤. ប្រសិនបើគ្រាន់តែជាមិត្តភក្តិ ខ្ញុំមិនដើរលេងតែពីរនាក់ជាមួយគេទេ (មាន ៩% យល់ស្រប)

គំនិតនេះមើលទៅហាក់ដូចជាតឹងរឹងប៉ុន្តែវាសមហេតុផលណាស់ ពេលនិយាយអំពីទំនាក់ទំនងក្នុងសង្គមជប៉ុន។ ភាគច្រើនជនជាតិជប៉ុនបង្កើតទំនាក់ទំនងអាស្រ័យលើ ក្រុមនៅក្នុងសាលា ក្រុមការងារ ដូច្នេះពេលវេលាភាគច្រើនសម្រាប់ក្រុម។ ហេតុនេះប្រសិនអ្នកទាំងពីរណាត់ជួបគ្នាមានន័យថាពួកគេចង់មានពេលវេលាពិសេស ហើយក៏មានន័យថាពួកគេស្រលាញ់គ្នាដែរ។

៣. ប្រសិនបើគ្រាន់តែជាមិត្តភក្តិ ខ្ញុំមិនពិបាកចិត្តពេលគេមានមិត្តស្រីទេ (មាន ១៣% យល់ស្រប)

រូបភាព マイナビウーマン

ប្រសិនបើគ្រាន់តែជាមិត្តភក្តិធម្មតា គ្មានបញ្ហាអ្វីពេលដែលគេមានមិត្តស្រីនោះទេ។ ហើយអ្នកអាចនឹងសប្បាយចិត្តជំនួសគេផងដែរ។

២. ប្រសិនបើគ្រាន់តែជាមិត្តភក្តិ ខ្ញុំមិនកាន់ដៃ ឬប៉ះរាងកាយរបស់គេច្រើនទេ (មាន ២៤% យល់ស្រប)

ប្រទេសជប៉ុនជាប្រទេសមិនទំនាក់ទំនងប៉ះពាល់រាងកាយទេ។ សូម្បីតែជាគូរស្នេហ៍ ឬប្តីប្រពន្ធក៏មិនសូវប៉ះគ្នាបើប្រៀបទៅនឹងប្រទេសផ្សេង។ ហេតុនេះមនុស្សពីរនាក់កាន់ដៃគ្នាជាសញ្ញានៃសេ្នហា។ (មិនដូចជាបណ្តាប្រទេសអឺរុ៉បមួយចំនួនថើបលាគ្នាទេ)។

១. ប្រសិនបើគ្រាន់តែជាមិត្តភក្តិ ខ្ញុំមិនគេងជាមួយគេទេ (មាន ២៩% យល់ស្រប)

រូបភាព マイナビウーマン

សំណួរដែល Minna no Koe បានលើកឡើងថា “តើព្រំដែនរវាងមិត្តភាព និងស្នេហាគឺជាអ្វី?”។ ប្រទេសជប៉ុនមិនមែនចាស់កម្រឹលរហូតត្រូវបញ្ជាក់ច្បាស់ពីមិត្តភាព ឬស្នេហាទើបគេងជាមួយគ្នាទេ។ មានន័យថាពេលអ្នកទាំងពីរគេងជាមួយគ្នាវាលើសពីមិត្តភាពធម្មតា។

ដូច្នេះមិត្តភាពធម្មតារវាងបុរស និងនារីមិនអាចមានទំនាក់ទំនងផ្លូវភេទទេ។

នេះជាការគិតរបស់ស្រ្តីជប៉ុន។ ចុះអ្នកវិញគិតយ៉ាងណាដែរ?

ប្រភព Minna no Koe

Japanese women sound off on the line separating a male friend and a boyfriend

Sacchan