លើកលែងតែមនុស្ស – តើសត្វ និងរុក្ខជាតិអាចដឹងមុនពីរញ្ជួយដី?

ថ្ងៃសៅរ៍ 13/07/2019 | 13:35 ល្ងាច

ប្រសិនបើអាចព្យាករណ៍មុនពីរញ្ជួយដី មនុស្សត្រូវបានជម្លៀសចេញទាន់ពេល ដើម្បីកាត់បន្ថយការខូចខាត និងរបួស។ ទោះជាយ៉ាងណា ចំណុចនៅតែជាបញ្ហាដែលមិនអាចដោះស្រាយបានសម្រាប់អ្នកវិទ្យាសាស្ត្រជប៉ុន។

នៅពេលដែលវិទ្យាសាស្ត្រមិនអាចធ្វើអ្វីបាន តាមការនិយាយតគ្នាពីសញ្ញារញ្ជួយដី ដែលប្រជាជនជប៉ុនប្រឈមគ្រោះធម្មជាតិញឹកញាប់។

ប្រសិនបើអ្នកមើលឃើញសញ្ញាមិនប្រក្រតីទាំងនេះ ប្រហែលនឹងមានរញ្ជួយដីកើតឡើង។

ពពកមើលទៅចម្លែក

រូបភាព https://matome.naver.jp/odai/2146569705009235601

បើសិនជាអ្នកមើលមេឃឃើញពពកមានរូបរាងខុសធម្មតា អាចនឹងមានរឿងខុសប្រក្រតីកំពុងកើតឡើង។

ថ្វីត្បិតតែ វិទ្យាសាស្រ្តមិនទាន់បង្ហាញពីទំនាក់ទំនងរវាងរញ្ជួយដី និងរូបរាងរបស់ពពកនៅឡើយ។

សកម្មភាពមិនប្រក្រតីរបស់សត្វក្អែក

រូបភាព https://matome.naver.jp/odai/2146569705009235601

ភាគច្រើនសត្វក្អែករស់នៅទីក្រុងធំៗក្នុងប្រទេសជប៉ុន។ ប្រាជ្ញារបស់វាត្រូវបានវាយតម្លៃថាខ្ពស់ជាងបក្សីផ្សេងទៀត។

ឧទាហរណ៍ដើម្បីបំបែកគ្រាប់ធញ្ញជាតិ សត្វក្អែកទាំងនេះនឹងពាំគ្រាប់ធញ្ញជាតិដាក់នៅកណ្តាលផ្លូវដើម្បីឲ្យឡានគិនបំបែក។

គេនិយាយតគ្នាថា ពេលយប់ប្រសិនបើស្តាប់ឮសម្លេងសត្វក្អែកស្រែកខ្លាំង ហើយនៅព្រឹកបន្ទាប់មើលឃើញសត្វក្អែកប្រមូលផ្តុំជាហ្វូងមានន័យថានឹងមានរញ្ជួយដី។ ផ្ទុយទៅវិញធម្មតាទីក្រុងមានក្អែកច្រើន ប៉ុន្តែថ្ងៃមួយស្រាប់តែមិនឃើញក្អែកក៏ជាសញ្ញាប្រាប់ថា គ្រោះរញ្ជួយដីនឹងកើតមានដែរ។

សកម្មភាពចម្លែករបស់សត្វឆ្កែ និងឆ្មា

រូបភាព https://matome.naver.jp/odai/2146569705009235601

ចំណុចនេះត្រូវបានចាត់ទុកជាសញ្ញាព្យាករណ៍មួយដែលគួរឲ្យទុកចិត្តបំផុត។

ឆ្កែស្រាប់តែព្រុះខ្លាំងដោយមិនដឹងពីមូលហេតុ ទោះបីជាស្រែកក៏វាមិនឈប់ មានប្រហែល ២៥ % ភាពភ័យខ្លាចព្រោះដឹងមុនពីរញ្ជួយដី។ ចំណែកសត្វឆ្មាមានប្រហែល ៣៩ % បាត់បង់ម្ចាស់ការ និងរកវិធីរត់ចេញពីផ្ទះមុនពេលមានរញ្ជួយដី។

ក្នុងស្ថានភាពនេះប្រសិនមានរញ្ជួយដីកើតឡើងអាចនឹងមានកម្រិត ៥ Richter។ ទោះជាយ៉ាងណា មនុស្សនៅតែមិនទាន់យល់អំពីការព្យាករណ៍នេះ។

សង្កេតមើលត្រីមានសកម្មភាពខុសប្រក្រតី

រូបភាព https://matome.naver.jp/odai/2146569705009235601

សញ្ញានេះត្រូវបានបញ្ជាក់ក្នុងឆ្នាំ ១៩២២ អ្នកនេសាទជប៉ុនចាប់បានត្រីមួយដែលមានរូបរាងអាក្រក់។ នៅឆ្នាំក្រោយ រញ្ជួយដីបានកើតឡើងក្នុងតំបន់ Kanto បំផ្លាញទីក្រុងតូក្យូ។

ក្នុងឆ្នាំ ១៩៣២ គេមើលឃើញត្រីធំមួយកំពុងតែភ័យខ្លាចក្នុងហ្វូងមឹក ឆ្នាំបន្ទាប់រញ្ជួយដី និងរលកយក្សចូលមកប្រទេសជប៉ុន។ ក្នុងឆ្នាំ ១៩៩៥ ហ្វូងត្រី Bora ត្រូវបានគេប្រទះឃើញថា កំពុងហែលត្រលប់ទៅខ្សែទឹកជាបាតុភូតដែលកម្រ ហើយ ៣ ថ្ងៃក្រោយ រញ្ជួយដីកើតនៅតំបន់ Kansai ធ្វើឲ្យមនុស្ស ៦៤៣៤ នាក់ស្លាប់។

ទោះបីជាយ៉ាងណា នៅតែមិនទាន់មានភស្តុតាងវិទ្យាសាស្រ្តដែលបង្ហាញពីបាតុភូតនេះនៅឡើយទេ។

ក្រៅពីនេះ មនុស្សអាចព្យាករណ៍រញ្ជួយដីដោយផ្អែកលើការសង្កេតសកម្មភាពចម្លែករបស់ពស់ និងជន្លេន ចំណែកករណីមួយផ្សេងទៀតគឺដើមឈើនៅតែមានផ្លែផ្កាទោះជារដូវប្រមូលផលបានកន្លងផុត។

ប្រសិនបើចំណុចទាំងនេះត្រឹមត្រូវ មានន័យថា លើកលែងតែមនុស្ស មានតែសត្វ និងរុក្ខជាតិអាចព្យាករណ៍គ្រោះធម្មជាតិបាន។

ក្នុងករណីដែលអាចព្យាករណ៍ពីរញ្ជួយដី មនុស្សជាច្រើននឹងត្រូវបានសង្គ្រោះ។ ទោះជាយ៉ាងណា សញ្ញាព្យាករណ៍ទាំងនេះនៅមិនទាន់បញ្ជាក់ដោយវិទ្យាសាស្រ្តឡើយ។ នៅពេលដែលវិទ្យាសាស្រ្តមិនទាន់អាចបញ្ជាក់នៅឡើយ គ្រាន់តែសង្កេតធម្មជាតិអាចនឹងសង្រ្គោះអ្នក ឬសូម្បីតែសត្វដែលនៅជិតខ្លួនអ្នក។

Kengo Abe