ចំណុច​ទាំង ១០ ដែល​ប្រជាជន​ជប៉ុន​មាន​មោទនភាព​ចំពោះ​ប្រទេសរបស់​ពួក​គេ

ប្រជាជនគ្រប់ប្រទេសទាំងអស់នៅ​លើ​ពិភពលោកតែងមានមោទនភាពចំពោះ​ប្រទេស​របស់​ពួកគេ​។ វា​អាច​ជាមុខ​ម្ហូប​ដែល​ល្បីឈ្មោះ កន្លែង​កំ​សាន្ត ឬ​ជាចំ​ណុចពិសេស​ម្យ៉ាង​ដែល​ធ្វើអោយ​ជនបរទេស​កោត​សរសើរ។

១. ម្ហូប​ជប៉ុន

ពេល​មាន​​គេ​សួរ​ពី​អាហាររបស់​ប្រទេស​ខ្លួន​ ភាគ​ច្រើន​ប្រជាជន​ជប៉ុន​សុទ្ធ​តែ​ឆ្លើយ​ថា “ខ្ញុំមានមោទនភាពខ្លួន​ជា​ជនជាតិ​ជប៉៉ុន​ពេល​ញ៉ាំ Sushi និង​ផឹក​ស្រា Sake”​។ នេះគឺជាការសរសើររបស់ប្រជាជនជប៉ុនសម្រាប់​មុខ​ម្ហូប​របស់​ប្រទេសពួកគេ។

សម្រាប់​ប្រជា​ជន​ជប៉ុន​អាហារ​ដែល​មិន​អាចខ្វះ​បាន​ដូចជា Sushi, Sashimi, Sake -ល- និង​ម្ហូប​ប្រពៃណី​ជាច្រើន​ផ្សេង​ទៀត។ ទោះ​បីអ្នក​ទៅ​ដល់​ទី​ក្រុង​ណា​មួយ​នៅ​លើ​ពិភព​លោក​ អ្នក​នឹងរកឃើញភោជនីយដ្ឋានជប៉ុនដែលមាន​មុខ​ម្ហូប​ជាច្រើន​

២. សន្ដិសុខសង្គម

ទោះបីជាមានការជជែកវែកញែកច្រើនអំពីបញ្ហានេះ មាន​ករណីឃាតកម្មនៅកន្លែងសាធារណៈកើតឡើង ប៉ុន្តែសម្រាប់​ប្រជាជនជប៉ុនទីក្រុង​របស់​ពួកគេនៅតែមានសុវត្ថិភាពបើប្រៀបទៅនឹងកន្លែងផ្សេងទៀតលើ​ពិភព​លោក​។​ ពួក​គេ​អាច​ដេក​នៅលើ​រថ​ភ្លើង​ ដើរ​ម្នាក់​ឯង​ពេល​យប់ដោយ​មិន​ចាំ​បាច់​ខ្លាច។

លើស​ពី​នេះ​ទៅ​ទៀតប្រជាជនជប៉ុនស្រលាញ់សន្តិភាព ជាកន្លែងដែលមានមនុស្សអត់ធ្មត់រាប់​ម៉ោង​តម្រង់​ជួរឬ​អង្គុយ​ផឹក​តែមាន​ដំ​ណាក់​កាល​ផ្សំ​ស្មុគ​ស្មាញ។ នេះ​ជា​អ្វី​ដែល​មិន​ងាយ​រក​បាន​នៅ​ប្រទេសដទៃ ជាពិសេស​ភាព​អត់ធ្មត់របស់​ប្រជាជន​ជប៉ុន​។

៣. បន្ទប់​ទឹកមាន​អនាម័យស្អាត​

គ្មាន​អ្វី​ចម្លែក​ពេល​ដែល​ស្រ្តី​ជប៉ុន​និយាយ​ថាពួក​គេ​មាន​អារម្មណ៍​មោទនភាព​ពេល​ប្រើ​បន្ទប់​ទឹកនៅប្រទេស​របស់​ខ្លួន។ បន្ទប់​ទឹកនៅ​ប្រទេសជប៉ុន​ត្រូវ​បាន​វាយ​តម្លៃ​ថា​ស្អាត​បំ​ផុត​លើ​ពិភព​លោក​។

ស្មារតីប្រជាជនជប៉ុនតម្រូវអោយ​ពួកគេរក្សាអនាម័យ​គ្រប់ពេលគ្រប់ទីកន្លែង ហើយ​វា​ធ្វើ​អោយ​ពួកគេ​មាន​អារម្មណ៍​ស្រស់​ស្រាយ​សូម្បី​តែ​នៅ​ក្នុង​បន្ទប់​ទឹក​។

៤. ត្រាំទឹក​ក្តៅ​ Onsen

មិន​មែន​ប្រទេស​នៅ​លើ​ពិភព​លោក​សុទ្ធ​តែ​មាន​ជ្រោះ​ទឹក​ក្តៅដូចជា​ប្រទេស​ជប៉ុន​ទេ។ ភ្ញៀវទេស​ចរណ៍​ជា​ច្រើន​ដែល​មក​ទី​នេះ​មាន​អារម្មណ៍​​​មិន​ល្អ​ប្រសិន​បើ​មិន​បាន​ទៅ​ត្រាំជ្រោះ​ទឹក​ក្តៅ Onsen។ ដូច្នេះប្រជាជនជប៉ុនតែងមានមោទនភាពពេលដែលធម្មជាតិផ្តល់អំណោយដ៏មានតម្លៃដល់ប្រទេស​របស់​ពួកគេ​។

៥.  ធម្មជាតិ​ទាំង ៤ រដូវ​

មនុស្សគ្រប់រូបប្រហែលធ្លាប់ប្រថ្នា​ធ្វើដំណើរទៅប្រទេសជប៉ុន ព្រោះ​​តែ​ធម្មជាតិនៅ​ប្រទេស​ជប៉ុន​មាន​ ៤​ រដូវស្រស់​ស្អាត​ រដូវ​មួយ​ណា​ក៏មាន​ភាព​ទាក់​ទាញ​ខុស​គ្នា​។

ប្រសិនបើនិទាឃរដូវផ្កា​សាគឺ​រ៉ារីក​ជាសញ្ញា​នៃ​សេចក្តី​សង្ឃឹម​ រដូវក្តៅជាមួយនឹង​ស្លឹកឈើ​ពណ៌បៃតង រដូវស្លឹកឈើជ្រុះជារដូវស្លឹក​ឈើ​ប្រែទៅ​ជាពណ៌​ក្រហម​ធ្វើ​អោយ​មាន​ទេស​ភាព​ស្រស់​ស្អាត​រ៉ូ​មែន​ទិច​ ចំណែក​រដូវ​​រងាមាន​ព្រិល​ធ្លាក់​ធ្វើ​អោយ​បរិយាកាស​ស្ងប់​ស្ងាត់។

៦. ឥរិយា​បថគួរ​សម​

ប្រសិនបើអ្នកសួរនរណាម្នាក់ថា​ប្រទេស​ណា​មាន​ឥរិយា​បថ​គួរ​សមជាង​គេ​នៅ​លើ​ពិភព​លោក​ភាគ​ច្រើន​ចម្លើយ​គឺ​ជប៉ុន។

ដូច​ជា​ឥរិយា​បថ​ឳនគោរព ​និយាយ​សុំ​ទោស​ ឬនិយាយ​អរគុណជា​ឥរិយាបថ​គួរ​សម​របស់​ជន​ជាតិ​ជប៉ុន។

តាំងពីកុមារភាព កុមារជប៉ុនត្រូវបានបង្រៀនអោយ​ចេះឯក​រាជ្យ​ រក្សា​ភាព​ស្ងៀម​ស្ងាត់​នៅ​កន្លែង​សាធារណៈ គោរព​មនុស្ស​ចាស់​ ជួយ​អ្នក​ដទៃ -ល- អ្វី​ទាំង​នេះ​នឹង​ស្ថិត​ក្នុង​ចិត្ត​ក្មេង​តាំង​ពី​តូច​រហូត​ដល់​ពេញ​វ័យ​។

៧. កម្រាល​ព្រំ Tatami

Tatami ជា​ប្រភេទ​កម្រាល​ព្រំ​ប្រពៃណី​របស់​ជប៉ុន ប្រជាជន​មួយ​ចំនួន​នៅ​តែ​ចូល​ចិត្ត​កម្រាល​ព្រំ​នេះជា​ជាង​កម្រាល​ព្រំ​ទំនើប​ផ្សេង​ទៀត។ 

៨. Anime និង Manga 

មិន​ត្រឹម​តែ​នៅ​ប្រទេស​ជប៉ុន​ ប៉ុន្តែ​មាន​មនុស្ស​ជាច្រើន​នៅ​លើ​ពិភព​លោក​មាន​កុ​មារ​ភាព​ចូល​ចិត្ត​មើល​​រឿង​គំនូរ​ជីវ​ចល​ដូចជា Pokemon, Doremon -ល-។

នេះ​ក៏​ជា​ការ​រួម​ចំណែកបង្កើត​កេរ្តិ៍​ឈ្មោះ​សម្រាប់​ប្រទេសជាតិ​ គ្មាន​អ្វី​ភ្ញាក់​ផ្អើល​ពេល​ដែល​ប្រជាជន​ជប៉ុន​តែ​ង​មាន​មោទនភាព​ចំពោះ​ប្រទេស​របស់​ពួកគេ។

៩. តុកម្តៅ Kotatsu

សម្ភារៈគ្រួសាររបស់​ជប៉ុនតែងតែពេញនិយមនៅ​បណ្តា​ប្រទេស​ដទៃទៀត ​មាន​រូប​រាង​ស្អាត មាន​មុខ​ងារច្រើន និង​មាន​គុណ​ភាព។​

Kotatsu ជាប្រភេទ​តុ​កម្តៅ​ដែល​សន្សំ​ភ្លើង​ អ្នកមិនចាំបាច់បើកភ្លើង​ច្រើន​ទេ ប៉ុន្តែ​នៅ​តែ​មាន​ភាព​កក់​ក្តៅ។

១០. ម៉ាសីុន​លក់ទំនិញ​ដោយស្វ័យប្រវត្តិ

ម៉ាស៊ីនលក់ទំនិញអាចរកបានគ្រប់ទីកន្លែងនៅក្នុងប្រទេសជប៉ុន មិនត្រឹមតែលក់ភេសជ្ជៈប៉ុណ្ណោះទេ មាន​លក់​អាហារ សៀវភៅ កាសែត និង​ឆ័ត្រផង​ដែរ។ បើយោងតាមស្ថិតិនៅ​ប្រទេសជប៉ុនមាន​ម៉ាសីុនលក់ស្វ័យប្រវត្តិប្រហែល ៥០ លានគ្រឿង។ 

ទាំងនេះ​ជា​មោទនភាព​របស់​ប្រជាជន​ជប៉ុន​។

Hai Au​

មើលបន្ថែម: